الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
سؤال لنساء المنبر: لماذا لم نحتفي بالزملاء الرجال الجدد..؟؟!!!
|
الزميلات الجليلات عضوات المنبر القدامى..
تحية وود وتقدير..
لاحظت كما لاحظ غيري الاحتفاء الكبير من زملاء المنبر - الرجال - بزميلاتنا القادمات الجدد.. وبنظرة سريعة في البوستات ستعرفون ما اعني..
ووجدت نفسي اسال هذا السؤال: لماذا لم يتم نفس الاحتفاء من جانبنا بالزملاء الجدد من الرجال..؟
هل لأن كل او معظم القادمين لا صور لهم تكشف عن شكلهم..؟
هل لأنهم غير معروفين ككتاب او شعراء او ناشطين..؟
هل لأننا - كنساء - لا نستطيع التعبير بصوت عال عن فرحتنا بدخول "زيد" أو "عبيد"..؟
أم لأن النساء عموما - راسيات وتقيلات - ويفضلن ان يتم الاحتفاء فقط من الرجال بهن لإرضاء الغرور وتثبيت انهن الطرف المتلقي دوما..؟
ملاحظة واجبة: لا اعتراض لدي على اشكال الاحتفالات التي تمت..
معكم لمعرفة بعض الاجابات..
|
|
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: معتصم الطاهر)
|
العزيز معتصم..
مرحب بيك في المنبر..
أسلوب التعالي الذي أشرت إليه في عناوين البوستات لم أنظر إليه بأكثر من كلماته.. بمعنى.. ان القادمين الجدد بالطبع يستصحبون معهم بعض الحساسية وهذا شئ طبيعي لأي شخص يذهب لمكان لأول مرة.. ويكون التخوف من أن الأعضاء القادمى بالفعل يعرفون بعضهم وهي معرفة لم تكن في يوم أو شهر أو حدث.. وبالمناسبة دي يوم دخولكم.. أحسست كم أعرف زملائي القدامى..
ولا اعتقد يا معتصم ان هناك أي زميل قصد ان يقلل من شأن الضيوف القادمين..
..
تحياتي
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
Quote: لاحظت كما لاحظ غيري الاحتفاء الكبير من زملاء المنبر - الرجال - بزميلاتنا القادمات الجدد..
وبنظرة سريعة في البوستات ستعرفون ما اعني.. |
سلام يا رجاء
كلامك صاح... ويمكن يكون السبب نظرة ومفهوم سطحي جدا ويمكن يكون العكس نظرة
ومفهوم عميق جدا يعني من زاوية جندرية ... ويمكن أن نعرف ذلك من اساليب
الترحيب المختلفة..كدي نشوف ونجي راجعين تاني...
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
رجوية الحبيبة أنا من أنصار (خير الكلام ما قل ودل) واخترت بوست بتاع نهار طلب يجمع الترحيبات بجمييييييع الاعضاء ذكورا واناثا ورحبت بيهم فيه وعلقت في بوست نصار , اها قصرت؟
حقيقة, لا نخفي سعادتنا بهذا التغير الرائع في سياسة البورد وتزامن افواج القادمين الجدد مع عودة المسنجر وهو ما ظللنا نطالب به منذ زمن لاكن الاهم من الترحيب اعتقد ما سيحمله القادمون الجدد لنا وهناك بوادر جميلة ونماذج جيدة جدا دخلت توووووش وقعدت واتحكرت وكتبت بالمناسبة ملاحظة بريئة انا قبل سنتين لمن دخلت البورد ما عملت بوست ترحيب ولا في زول رحب بي وكتر السلام يقل المعرفة وفي رواية أخرى يقل الباندودث
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: zola123)
|
الحبيبة زولا واحد اتنين تلاتة..
ســـــلامات وتحيات..
كلامك سليم.. ومعظمنا عمل كده.. رجال ونساء.. وبجانب بوست نهار.. شاركت معظم الزملاء القدامى الذين فتحوا بوستات ترحيب.. إضافة للترحيب ببعض الأعضاء في بوستاتهم.. وده كان في أول يوم لما كنا قايلين الموضوع ساهل .. لووووووووووول..
لكن اللفت انتباهي هو التركيز الشديد من رجال المنبر.. وعشان ما أظلم.. 80% منهم على بوستات الترحيب بزميلاتنا.. وأخذ الترحيب في بعض النماذج حالة.. معاكسات عدييل .. وهو الأمر الذي لم أستطيع فهمه.. ولا أعرف هل سيتقبله الرجال إذا ما تم العكس..
بجانب هذه الملحوظة.. أردت ان ننتبه لنظرة الرجل لنا كنساء.. فهناك من يقول ان هناك ثورة عارمة في طريقها للظهور بفضل النساء النماذج هنا.. وهناك من يقول ان المنبر في طريقه للأنوثة المطلقة.. نسبة لما تعكسه المشاركات هنا.. فهل بعد هذا كله نكتفي فقط ان نكون نماذج الجمال التي تسعد الرجال وتجعلهم يبدعون شعرا ونثرا..؟
ملحوظة مهمة: أستطيع التميز بين كلام المجاملات وبين الكلام الجد جد..
ودي..
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: yumna guta)
|
غايتو انا زعلان جداً من بنات المنبر - عدا لنا مهدي - زولة ساكت اشتغلت بي مافي مع اني وجيه جداً وخايف انزل الصورة يقوم الجكس ينط من جوة البورد معلنا الانسحاب - ولحدي الثلاثاءالقادم لوما لقيت ترحيب سأعلن تأسيس حركة برالمة للاحتفال بي بعضنا البعض بعيدا عن العواجيز من الاعضاء القدامي وطبعاً يا رجاء مستثننك منهم لانك دايما مبادرة.
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: خال فاطمة)
|
العزيز خال فاطمة..
مرحبتين حبابك..
في رأيي ان بوستات الزملاء القدامى هي محاولة لتيسيير التعارف.. بمعنى ان القادمين اكتر من 100 وده بيخلي التعارف صعب.. هناك من الزملاء من لم يكتب بوست ترحيب خاص به.. وانما دخل في المشاركات طوالي.. واعتقد انه بمرور الوقت كل الأمور حتتضح وتروق.. وتحلى..
شكرا ليك وانت تنشر الجمال في كل مشاركاتك..
تحياتي..
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Ishraga Mustafa)
|
اللهم امين يا شروقة ربنا يرجع جندرية حقيقة عنوان البوست عميق و مهم و قضية فى آن واختبار و محك حقيقيان لقناعاتنا ورؤانا حينما ترتطمان بالواقع العملي وحيث اننى اكتب واقرأ اليوم بنصف عين فلم اقو على المداخلة كما وددت هنا كما لم اقو على الذهاب و ترك البوست ورائي دونما اشارة منى فجاء ما اسميته بالشعرة والعجين اما بارعة فقد اثبتت انها جندرية لا يشق لها غبار وملكية ربما اكثر من ال"ملكة" باعلان الجهادين المدني و العسكرى بداخل صومعتها فاكتفينا بتوجيهها الى الجهاد ال"نفسي" باعتباره اخف ال3 اضرار
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Dr. Moiz Bakhiet)
|
صديق الغالي معز..
ســــلامات كتراااات..
اعجبني ترحيبك وتقديمك لكاتبات "عكس الريح".. وودت لو ان الجميع تعامل معهن لأقلامهن الواعدة التي تقول الكثير.. ولكن للأسف لم ير "البعض" غير الصور الجميلة.. وأصبح الترحيب للتسابق للتعبير عن هذا الجمال "الشكلي" دون الموضوع وما يقدمن..
وفقت الزميلات - إلى حد ما - في التعامل مع الأمر.. وأتمنى ان يوجهن الرأي العام إلى ما ظل الكثيرين منا - نساء ورجال المنبر - يريد التوجه اليه.. وهو إبراز مقدرات ومفاهيم ووعي بنفس القدر.. وربما أكثر..
أعجبني أيضا تقديمك للفنان التاج الملك..
تخريمة: الكبر حاصل وحاتك.. والدليل النفس البقى يتقطع لما تمشي تجيب البوستات من الصفحة الخامسة..
لووووووووووووووووووووول
ودي..
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
العزيزة رجاء
تتسم أسئلتك بالعمق الإنساني لتجاوز وضع تلفه الحيرة. وهي أسئلة تعيد ترتيب علاقـتـنا/علاقـتـنا الإنسانية في المقام الأول: كيف ولماذا وإلى أين يـقـود مثل هذا التمايز غير المقصود؟ وكيف يمكن إعادة ترتيب شعور اللاوعي المتكلس في الدواخل تجاه الآخر والذي يستطيع (الرجل) بقدرة قادر التعبير عنه بالترحيب الصراح فيبدو أمراً عادياً، بل ومدعوماً بعشرات ردود الإحـتـفاء الوسيم تجاه (إمرأة)؟ وليس العكس.
ليس هنالك مجالاً للقلق، فهذه الأسئلة ليست للإجابة (كما قال يحى فضل الله).
ولكنَ في هذه الحالة الماثلة أمامنا لنعترف بأنَّ المشكلة تراكمية أفرزتها العددية الكبيرة للقادمين الجدد، وأنا منهم طبعاً. قد يكون هذا سبباً غير مقـنـعـاً ولكنه مخرجـاً براغماتـيـاً على أية حال. ولكن جوهر أسئلتك تبقى قائمة ومشروعة.
قـد تكون هنالك دروس مسـتـفادة من هذه التجربة أكثر من أنْ يحاول شخصٍ ما الإجابة على أسئلة تـسـتـفز عصب العلاقات الاجتماعية/البوردية في محاولة لتصويبها، كما أنها، أي تلك الأسئلة، تفتح مجالاً لـفهـم أكثر عمـقـاً وإنسانيةً على المدي القريب والبعيد. ولكن يـبـقى السؤال هل نحن، هم، هنَّ، الجميع على استعداد للإستفادة من هذه الدروس؟ بمعنى آخر هل تؤسس أسئلتك لتوجه إنساني جديد يتجاوز الوضع الراهن؟ هذا هو المحك.
إعتراف آخر، آنني وقعت بالأمس فقط، لذلك لم أتعرض لتلك التجربة، ولكن يبقى الأمر عاماً.
تحياتي لكِ وأنا أقـدم نفسي من خلال هذا البوست. آمـل أنْ أكون مفيداً في حدود المعقول والمتاح، متـفاعلاً إيجابياً بقدر المستطاع، ومتـلـقـيـاً يُـحسن الإسـتـقبال.
شـكراً
إسـمـعـيـل
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: بارعة)
|
الحبيبة المقطوع قلبها بغياب نصها .. بارعة..
ســــلام..
مجاملة المرأة للمرأة ليست القضية هنا.. القضية مجاملة المرأة للرجل بنفس طريقة مجاملة الرجل للمرأة..
بالنسبة لي كواحدة من نساء المنبر.. أنظر للقادم/ة بنظرة ما سيقدم او يضيف.. لا مشكلة لدي - او لدى اي واحدة فينا - ان يكون الـ 150 عضو الجديد نساء.. لأن ده فعلا حيحقق الثورة الاتكلمو عليها عادل وأبو آمنة..
المشكلة تكمن في ان يتم التعامل مع الوافدات الجديدات - لأننا نحنا اتعرفت الدية بتاعتنا وكيف بنفكر - بطريقة تقلل من قيمة المرأة كمفكرة.. وككاتبة وكند صلب لأي مبدع آخر.. وتحصر في مدح جمالها وزاوية صورتها.. وهل هي صورة حقيقية أم منتزعة من مجلة أجنبية.. وهكذا..
ودي..
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
اسكتى ساى بس من القلب المقطوع
لكن عايزة اضيف ..
المرأة عندما تجامل اخرى بتديها احساس بالتريقة
فى غالب الاوقات
لكن لو جاملها رجل بديها احساس بالانوثة هكذا يقال..
لكن انا فى رائيى انو الوافدات الجديدات ديل ما جديدات
ديل ناس كانوا بيعاينوا من قد الباب دة ليهم فترة طويلة جدا
وعارفين كيف تكتب....... رجاء.....بارعة......خدر.... و ..
لنا الجبانة ((لوووووول))
غايتو احنا بصدد قدامى جدد يعرفون عنا الكثييير المثير
ونحن ....
لا شئ..
ودك
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: إسماعيل التاج)
|
العزيز إسمعيل التاج..
مرحب بيك.. وعملتا ليك الترحيبة الخصوصي عشان تقديمك الجميل الراقي ده..
كلامك واضح جدا.. واتمنى بالفعل ان نؤسس للفهم البيجعل المكان ده مكان مميز..
العلاقات الجميلة بين الزملاء.. والمجاملات والآراء المضادة.. كلها أشياء اعتبرها طبيعية.. ما لم تزد عن حدها وتصبح الشكل المميز للمنبر..
نريد ان يتم التعامل مع "الكاتب" بغض النظر عن نوعه او شكله..
ونريد ان نعلم ان السنين الفاتت في الحفر في الذهنيات المقولبة ما وقعت واطا..
ودي..
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: بارعة)
|
بارعة الحبيبة..
سلامات..
والله ما دايرة أزرزرك.. لكن قلتا أتأكد تكون حكمة شايعة وما ماخدة بالي.. لوووووووووووول..
وهي مقولة أختلف معاها كلية.. لأن المرأة عندما تجامل المرأة تكون صادقة.. زي منادتي ليك هنا مثلا وغيرك من الحبيبات.. لأنو ما ممكن أكون بنافقك او اي واحدة تانية.. ومقولة ان مجاملة الرجل للمرأة تشعرها بالأنوثة دي اكتر جملة استفزازية سمعتها في حياتي.. لأننا على الأقل هنا لا نريد ان نشعر بأنوثتنا بقدر ما نريد ان نشعر بانسانيتنا.. ولا رايك شنو..؟
عن أسئلتك أعلاه.. المجاملة عادة تكون من شخص قادر على ذلك.. بمعنى هناك رجال لا يعرفون اي مجاملة وكذلك نساء..
والنصيحة أكثر ما أأخذها تكون من الشخص الواعي العاقل الذي ينظر للأمور بأكثر من بعد.. رجل كان أو إمرأة برضو..
تحياتي..
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
Quote: ومقولة ان مجاملة الرجل للمرأة تشعرها بالأنوثة دي اكتر جملة استفزازية سمعتها في حياتي. |
الزميلة الجميلة رجاء
عشان كدة انا فى الاول قلت ليك هكذا يقال
وانا اتفق معك فى اختلافك
المرأ الواعية تاخد النصيحة والمجاملة من العاقل - كما تفعلين- من شخص قادر ودة الشئ الطبيعى فعلا
لانو احيانا فى ناس بيجو يجاملوا
بتلقيهم يتخبطوا فى حيط نفاق بى صورة واضحة
وطريقة مقززة اكتر من كونها تقليدية .........
دة كلام جميل جدا
اللى انتى بتعملى فيه هسة دة
ودة حوار لذيذ
انا مستمتعة بيه جدا
شوفى الحوار ساقنا لى وين
عجبى
ودك
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
سلام كتير أختنـــا الأستاذه رجاء
كلامك كلو لفق معاي
سكيت بكري لغايه ما كرهتو البورد و قام مشكورا" بتسجيلي
ومما قريت ليك جواب التسجيل علي المصوراتي جري وقلت ليهو خت كل خبرتك في الصوره دي لو عاوزني أديك حقك , المهم الراجل ما قصر بعد 5 محاولات وكثير من الصرصره والنقه اداني حاجه كويسه وقال لي أمشي ما تدفع لغايه ما تشوف النتيجه بتاعتا أول وقام زحلقني بابنسامه مغصوبه وقال لي دي أحسن صوره أخدا عمرو كلو
أها بعد داك يا مؤمن يا مصدق خميت كل الصور وجيت البيت بمزاج عزلت اوجهن (حذفت نون النسوه للثقل
وما عاوز أكون ضيف تقيل واوريك كيف لقطت الحروف واحد واحد زي الأشول البكتب باليمين وأتعلمت لي جدعين كده وقمت نزلت أحسن غنيه عندي ...
غاينو كان في واحد بيعرف كيف يشننو سكر في البورد ليهو حلاوه عندي
الحمد لله رجال الحاره أخوان الساره ما قصرو أدوني حبه ثقه قدرت أقتحم بيها دار الأستاذه رجاء بدون كبكبه
لك كل الشكر رجاء وللجميع تحيـــــــــــــــه
أجر أدي البوست بتاعي لزه أصلو دق الدلجه
محمد علي
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Mohamed Elbashir)
|
العزيز محمد البشير..
مليون مراحب.. ونوًرت المنبر .. وفي انتظار مساهماتك..
طبعا لا انفي ان الصورة تلغي الكثير من الحواجز بين الأعضاء.. يعني الزملاء الذين يضعون صورهم تتعامل معهم بمعرفة أكثر.. ربما لأنه/ا يشبه/ تشبه شخص تعرفه.. او لأن شكله يعجبك او يستفزك.. الخ.. وعدمها يضع مسافة من التكهن وعدم المعرفة.. رغم ان الهدف هنا هو القراءة لما نكتب وليس لون البلوزة أو القميص.. قد يفهم حديثي أكثر باتفاقنا بان التلفزيون أكثر استمتاعا من الصحيفة حتى تلك التي تحتفي بالصور..
تخريمة: غايتو بصورتك دي تستحق احتفاء خصوصي زي بتاع زميلاتنا الجداد .. ولا رايكم شنو يا قوم جندر ..؟
مرحب بيك إضافة لهذا المكان الجميل..
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
قايتو يا رجاء أنا من الأول عرفت إنو الحكاية حتكون صعبة شدييييد فعشان كده رحبت بالقادمين/ات في بوست نهار و بالنهار كمان قبل اليوم ما يروح و نبقى في اللوم الشئ المحيرني يا رجاء فعلا و كما ذكرتي أنتي شكل و إسلوب الترحيب "الرجالي" بالعضوات الجديدات و بالذات من من يضعن صورهن ، صراحة شكل الترحيب ما " كان حلو" من البعض و مازال مسلسل المشاغلات و الغزل الوااااضح مستمراً.
بعدين صراحة كده يا رجاء أنا بطبعي بكون متحيزة لبنات جنسي و بالذات المبدعات و القويات الملامح منهن!
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: abas)
|
عباس صديقي الهلالابي..
ازيك..
ايوة غظتني شديد.. عشان كده ردي عليك في الأول كان شين ومسيخ.. قمت لما قريتو تاني مسحتو.. عشان انحنا البيننا أكبر من المريخ والهلال.. ولا رايك ايه ..
تخريمة: البنات برضو بيعرفو يقولو للأولاد كلام معسًل ..
لوووووووووووووووووووووول
بالمناسبة.. مبروك عليكم.. وعزاءنا انو أكبر الفرق زي ريال مدريد قاعدة تتهزم..
بخصوص الترحيب بيك.. انا شهر 7 الجيت فيهو انتا كنتا في بلد طيرو عجمي..
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
العزيزة رجوية (شايفاااااااااااااك رفعت الكلفة يا عمر ) هو من اجمل التساؤلات التي كانت تحتاج لاجابة واعتقد ان كل الاحتمالات التي اوردتيها هي اسباب مقنعة لعدم احتفاء النساء بنا !! فهناك التقيلة (والتقلة صنعة ) وهناك المالقت زول من الجدد شخصية معروفة وما عايزة تضيع زمن في اكتشاف وجوه جديدة ..وهناك الراجية صورنا (ودي تلقاها عند الغافل )معقولة نرمي بي انفسنا للتهلكة ؟(حد يشعر بي السعادة يمشي يختار البعاد؟؟؟؟؟) والسؤال المطرو الاخت رجاء هل يمكن ان يتم تحويل هذا السؤال الي الصورة المعاكسة له تماما وهو (لماذا يحتفل الرجال بي العضوات الجدد سريعا؟؟؟) مع العلم بان معظم الزميلات لم يضعن صورهن وليس منهم المشاهير !!!!!!!! ياربي تكون الخفة الكتلت ام تفة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: عمر الفاروق شيخ الدين)
|
العزيز عمر الفاروق..
يا تلتمية ألف مرحبا..
طبعا انا فرحت بمقدمك لسبب خاص.. وهو دعمي لنداء العزيز علاء الدين في فتح الباب لك.. يعني كده انا وهو الكفلاء بتوعك هنا .. وزي ما قلنا ليك في بوست الترحيب.. في أتاوة اول كل شهر عربي وكل شهر افرنجي كمان للموضوع ده ..
يا عمر.. الترحيبات القصدتها وكانت ملفتة للنظر هي للزميلات الجدد صاحبات الصور.. وبمراجعة سريعة لباقي الزميلات اللائي لم يضعن صورهن تجد انه مافي زول اشتغل بيهن الشغلة خاصة الرجال البقو مشهورين ومرتادين لبوستات الصور .. ومن امبارح مشيت لغاية الصفحة السادسة افتش في البنات الجداد الما عندهن صور وقمت برفع عدد مقدر من البوستات.. وهسع لقيتها تاني غطست في الصفحة الرابعة..
تحياتي..
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
رجاء العزيزة
إزيك... مشتاقين. قلتي بترجعي وما رجعتي (لاهنـا ولا بهناك) مشغوله قدر ده؟؟؟
عموما البوست ده طرح سؤال وجيه وياريت يلقى النقاش البستحقو.
الناس الجديدين الزيي ديل فعلا بكونوا محتاجين للترحيب بيهم عشان يشعروا بالإنتماء للبيت وانا كنت قايل إنو أنا مثلا رحبوا بي بشكل كويس، لكن بعد كلامك ده مشيت راجعت ليك بوستات الترحيب بالإناث لقيت ليك إنو نحن إتلوموا فينا عدييييييييل كده. أما حكاية إنه العضوات يرحبن بالأعضاء الجدد دي، أنا غايتو ترحيبك بي طعم لي البوست وكان جميل جدا، لأنك كنتي عامله زي أمل( كتكوت)بت أخوي ( البت الوحيدة في أسرتنا بعد أمي حفظهما الله). ويمكن سبب وجودك في البوست حقي العامل زي بيت العزابه ده هو العرفة البسيطة البينا دي ولو ما كده ماكان بكون في وجود للعنصر النسائي في البوست بتاعي، وأظن وليس كل الظن إثم إنه أي أنثى دخلت لبوست ترحيب ببرلوم كان نتيجة لمعرفة سابقة.
ياربي كلامي بكون صاح وللا ده تنظير ساكت؟؟؟
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: ياسر عبدالعزيز الطيب)
|
الصديق العزيز ياسر..
يا مرااااحب..
نعم رحبت بك لأني أعرفك مسبقا.. إضافة لترحيبي بكتير من الزملاء دون سابق معرفة.. يمكن مراجعة ذلك.. طبيعي الزول بيسلم على الناس البيعرفهم قبل الناس الما بيعرفهم.. رغم أهمية ان يتم العكس لكسر الرهبة الأولى للوافد أو الوافدة الجديد/ة..
انتظرني كده لغاية اول يناير.. وبعدها عندي برنامج بتاع إجازة طويييلة.. لأعود لرجاء.. فقد نسيتها تماما لمدة 9 سنين..
تحياتي ومرحب بيك تاني إضافة "جميلة" للمنبر الوطن..
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
لنا مهدي(كان قريتو صاح ) والله السودان بقا فيهو بلاوي واطناااااااااااااان من الامثال والاقوال المأثورة : " ترا ترا واللساتك ورا " " جر شخييييت واقيف بعييييييد " وطبعا دي بيكونو العضوات القدام بيهدوها للبرالمة المتطلعين للترحيب وانا كمان اضافة مني لي كل راجل رحب بي عضوة جديدة واتخفف اهدي " كيس ناااااااااااااااايلو والهوا شايلو " مع ودي احترامي ليكم يا احلي ناس في الزمن الصعب
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
رجاء طبيعي جدا أن يقترب البشر من بعضهم وأن يعبروا عن هذا التقارب ،، وطبيعي جدا أن يسعى كل نوع لاستمالة النوع الآخر ،، وللأسف ، ما تزال المرأة عندنا تعمل بنظرية ( السكوت رضى ) مية مرة قلنا اتكلموا ، فضفضوا ، صرحوا ، عبروا ،، بس ما فيش فايدة ،،
على كل حال أنا لا أميل إلى مسألة الترحيب هذه ، لكني أقر أنني رحبت بالنساء أكثر من ترحيبي بالرجال ،، وهذا يتطابق وطبيعتي ، فأنا أفضل التعامل مع النساء ، وأتودد إليهن ، وأستمتع بذلك ،، حتى ابنتي أتعامل معها وأتواصل معها أكثر من اخوانها ،، عندك اعتراض يا رجاء ؟؟
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: ودقاسم)
|
ود قاسم العزيز..
تحية وود وتقدير ليك ولرايك الجميل الصريح..
والله ما قلنا حاجة على الترحيب الطبيعي.. وإلا بنكون بتغالط في روحنا.. لكن ما لاحظتا ان الترحيب الرجالي - عند البعض - اخذ مجرى "ما حلو" زي ما عبًرت ندى أمين.. وبيني وبينك انا أشفقتا على المنبر البنحاول يكون نموذج راقي وفهم متقدم من بعض العبارات التي نسمعها - نحن النساء - في الشارع من أي معاكس..
تخيل معي لو ان هذا النمط من الكلام اصبح هو السمة في المكان ده..
غايتو ما عندي أي رد غير:
الــــخــــــلا..
تحياتي..
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
Quote: على كل حال أنا لا أميل إلى مسألة الترحيب هذه ، لكني أقر أنني رحبت بالنساء أكثر من ترحيبي بالرجال ،، وهذا يتطابق وطبيعتي ، فأنا أفضل التعامل مع النساء ، وأتودد إليهن ، وأستمتع بذلك |
يا ود قاسم جهجهتنا والله( لا تميل) و (تقر) ... ربنا يخلي ليك البنية ويحفظا ليك بس اوعا اولادك يقرو الكلام ده عشان ما يودوها البير ويأتو بي دم كذب ..
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
جئنا لهذا البورد لنرى الحياة في قدسها السامي المتمثل في كاتبات البورد لكثرة ماأدهشنا سحرهن الشجي كرقة الفجر ورونق الصبح، وأبتهاجا في رواء من جديد الشباب المفعم بالحياة الممتلئ من دنيا الأناشيد والأحلام والسحر والخيال النابض وجداً وشعرً ووفناً وضياءاً لفجرنا المنشود . فأراهن كاسرات القيد الخارجات عن اليأس والظلام المشيد.وللكتاب مني التجلة والتقدير والتحيه لكل كاتبات البورد جديد وقديم والتحية لك رجاء .
عامر الأمير
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: عامر الأمير)
|
العزيز الفاضل عامر الأمير..
مليون مرحبا بمقدمك الجميل.. وبمشاركاتك التي تنبئ عن إضافة سيشهدها هذا المكان حتما..
شعرت بالفخر بأن نمثل دافعا انا وزميلاتي هنا في الدخول البعض لهذا المنبر.. لأني اعلم انهن نماذج طيبة وقدوات لجيل وبنات لم يولدن بعد..
وأتمنى ان تكون القادمات افضل.. وان يمثلن دافعا لفكرهن وثقافتهن وأسلوبهن لا لشئ آخر.. وأنا على ثقة بوجود هذا الأمل..
دمت..
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
مجاملة المرأة للمرأة ليست القضية هنا.. القضية مجاملة المرأة للرجل بنفس طريقة مجاملة الرجل للمرأة.. انت يارجاء عاجبك برلوم ولي شنو اعجبوني حاجتين :
واحد: أعجبتني جداَ صراحة ودقاسم وتطابق الطبيعة اتحلت مش وفي نفس الوقت دعوته للكف عن (السكوت رضي) و اندياح الفضفضة تاني: انتي
تخريمة: اندياح دي حقتك العجبتك .............. وبسين
| |
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: مناهل محمد الحسن)
|
طبعا يا رجاء الاجابة على عن عدم ترحيبنا بالرجال ان المسألة ما نسوان ورجال..المسالة هى اقلام وعقول..وكثير من عاتين البنات استحققن الترحاب من الجنسين بنفس الحماس ..خاصة وان المرأة فى السودان مكبوتة وبتدافر من اجل حريتها العامة ناهيك عن حرية الكتابة ...البتجيب تشريح الذات والوجدان امام الملأ ...البنت الكتابة مدهشة للجنسين..ولما يكون شكلها جميل ..مفرحة للجنسين..
زيادة على ان "الذكر" جوة معظمالرجال اعضاء البورد لا يستطيع ان يكف عن حالة كونه هناك..ودى مسألة مقلقة شوية ..يمكن تجاركها باحترام النفس والاخر..
لكن المرأة..فى هذه المرحلة من عمر العالم تبحث لنفسها عن مكان قيم يحترم وجودها ويحقق انسانيتها التى ظلت "انثى" لدهور طويلة..فهى تتناسى هذا العامل عمدا..لتكون!!!
انا شخصيا بى شناتى دى ..."اتدلعت" فى البورد ده لما قلت بس..هههههه
بس كنت دايره انبه البنات الجميلات الجداد ..لانه رسالتهم تجاه القارىء هى الاهم ..واهم بكثير من "الغزل" المجانى ده..ولو انه الاطراء كثيرا ما يحفز الكاتب على العطاء..
اها ...انحن الرجال ما بناباهم اذا كانوا مشرقين وبفتشوا لى الانسانية كلها وللانسان السودانى عن افاق جديدة مسالمة وحرة وفرايحية...
اهلا بكل البرالمة ...مرة على راجل
وقبح الله الفقر
| |
|
|
|
|
|
|
|