|
|
 Re: حديقةٌ في الأرض اليباب (Re: Sidig Rahama Elnour)
|
الأخ صديق رحمة,
شكرا بحر وبركاوي وانت تنقل لنا هذا الوصف الحي لقرانا الطيبة.
رحم الله جدك وجدودنا وكل المسلمين.
كتابتك سلسة وراقية وممتعة جد.
وأحببت أن أشاركك بــ" قهوة صباح" مزارع من التميراب (غرب الدامر).
.....
.....
أساسق في الهجيرة خالف مورك فوق حمارتي الخديرة عربية شنو يازول ,مافي داهيه ضارب عجاجا علا الدهباية اليلت ناس أمحمد ود الحاج يازول الداهية تجيك تارسه تبحبت الفرناغة التقول دبيب الخلا. كت بسيط حامد وشاكر من يعوعي ديك البتول اللقرط فنترب تلقاني قمتلك ,القالك ياجنا البتول صــــاحيه تحلب في غنيماتا, تقول لي كيف أصبحت يابوالبنوت...؟
أصبحت زين يا ستهن كيفنك انتي؟
تتبسم وتسكت, المرا دي متل الفتا .. علي الحرام التقول ماخدا البارح من ما اجرلك فيها ختراتي ديل ياجنا تجفل متل العنزه الطقولا بوري ...انت ماك خابر اخوك ختراتو التقول البرق الشرقي علا هي كمان برضا مسكينه ورايداني بلحيل , ياجنا حرَم ادونى ليها بي خرتاية مدرستا كان خمستار كان ستاشر.
انتي يالبتول دحين العنبلوك رضّع اكنو تريان ينطط زي اللبرة اليلات مكنة الخياتة تب مامشا علي امو.. ايا والله ماك شايف اللبينة ممحوقة كيفن عاد .. بالحيل يالمبروكه شايفا فوق قعر الحله .. خليهو يقعد ينطط لي كده بكرا ياني المصرره علا يشرب لبن العُشرة الفي الحوش الوراني داك.
أها يالمبروكة جيبلنا الشاي وكان عندك حريفا بايت عليك الله لُخيهو لي في مفروكه امس..
بالحيل بالحيل ..اليلا سادر علي الدونكي ولابتدور تتم عزيقك الليل البارح؟
يامرة دونكي شنو المِفتش خلا فوقا دونكي , اللفندي الخلاقة دا يلعلع متل تيس الخِدر ..زعلان طب ومتنفش شلاديمو بدور ينقد, الجنوي خلو الموية كسرت وابعشرين طفح لاعن مترة عمك المقدم دحين انا قت الجنيات اليسدرو بي قفاهم يضايرو التقانت ديل وويقيلو فوق مويتم ازول الخلاقه دا نضميو كُتر تب.
أها يالمبروكة كتر خيرك تب علي المفروكه دي اليلة الله يقدرني اتم ليا انقايتين تلاتة وكان أخوك فضيل غشاكي قوليلي اليلحقنا لافوق علا مايركب ابضنيب دا دبرتو مابتحمل السرج قوليلو اليجي بي كريعاتو المقلمات ديل.
سمح ياخوي ودعتك لي الله وماتنسي تحش ليك كليقة وتجيب علوق حمارتك بخافك تبيتا القوا متل اللربحا الفاتت.. يازولة مافي عوجه تب..
عر عر عر عررررررر الخرابة التخربك كرعيك ديل جاكناتلهن في طين
|
|
 
|
|
|
|
|
| العنوان |
الكاتب |
Date |
| حديقةٌ في الأرض اليباب | Sidig Rahama Elnour | 10-09-04, 00:28 AM |
| Re: حديقةٌ في الأرض اليباب | Sidig Rahama Elnour | 10-09-04, 00:29 AM |
| Re: حديقةٌ في الأرض اليباب | ابو جهينة | 10-09-04, 00:52 AM |
| Re: حديقةٌ في الأرض اليباب | Sidig Rahama Elnour | 10-09-04, 01:13 AM |
| Re: حديقةٌ في الأرض اليباب | samwal ebrahiem | 10-09-04, 00:36 AM |
| Re: حديقةٌ في الأرض اليباب | Sidig Rahama Elnour | 10-09-04, 01:09 AM |
| Re: حديقةٌ في الأرض اليباب | Sidig Rahama Elnour | 10-11-04, 01:32 AM |
| Re: حديقةٌ في الأرض اليباب | Omayma Alfargony | 10-11-04, 07:36 AM |
| Re: حديقةٌ في الأرض اليباب | Osman M Salih | 10-11-04, 09:56 AM |
| Re: حديقةٌ في الأرض اليباب | Sidig Rahama Elnour | 10-11-04, 10:48 PM |
| Re: حديقةٌ في الأرض اليباب | Sidig Rahama Elnour | 10-11-04, 10:38 PM |
| Re: حديقةٌ في الأرض اليباب | عبدالماجد فرح يوسف | 10-11-04, 01:03 PM |
 Re: حديقةٌ في الأرض اليباب | Ali Alhalawi | 10-11-04, 10:58 PM |
| Re: حديقةٌ في الأرض اليباب | Sidig Rahama Elnour | 10-11-04, 11:02 PM |
| Re: حديقةٌ في الأرض اليباب | Sidig Rahama Elnour | 10-12-04, 06:47 AM |
 Re: حديقةٌ في الأرض اليباب | بلدى يا حبوب | 10-12-04, 07:52 AM |
| Re: حديقةٌ في الأرض اليباب | Sidig Rahama Elnour | 10-12-04, 11:48 PM |
|
| |
عبدالماجد فرح يوسف
فيس بوك
تويتر
انستقرام
يوتيوب
بنتيريست