|
حشرجة ........ احتمال تكون قصيدة
|
حشرجة
شفت كيف ! الغربة زاتا حردت طفولتى وملت احتضار الزمن المخيف والزول جواها عايش نقيض مختل توازنو الكان حريف معقولة دى ... تجى كيف ؟
كل الجمال الشايلو من اول طريق اصبح حكاية مقلوبة عند ناس الفريق والناس مالاقية الا تكون وكالات شايلا حالى وحال غربتى وما بتجيب الا الحريق ما بتودى جقمة من الحنين ولا وردة كايسة وصل شرقت صباحاتا مع البريق
عارف التعب واحساس القوافى وحاجات مخفية تقدر تقول سر المنافى شالا السحاب موديها وين ؟ وين موديها السحاب ؟ ياهو الزمن الخرافى شوقك يجيك مليان مسامير تطعن قليبك القالوا حافى ! ما بتخش دون رضاها لزاها احساس مجرم مجافى كيف بتتعلم من الدرس الصعب ؟ وكيف يكون عرف التصافى ؟! ما القلب خاشاهو زفرة وحشة دايمة وعمروا ما شاف المرافى
جوايا سفر مستديم جوايا جوة النخاع شوق قديم شلتو من كنت قدر دة شلت فى خاطرى الجحيم لا عرفت اضحك لا ابكى ولا مات بين عيونى وهو كظيم اعتقدت انو الفرح مشوار حنين وانو مرات الريد عظيم لكن ما كان الاعتقاد اظنو شيطاناَ رجيم دغدغ سفرى المستديم وكان معاى وقتما شاء ووقتما اكون زى حميم مبارينى وكت كنت بلعب شليل الطار وكان وسط الزفة زول رحيم
الا فى السفر البعيد ما كان ملاذ لقيت عشمى وسط النار مليان بجاز احتمل نيرانا الشعللت مواعيد الانحياز احتمل قدر المشاوير الدابا تنضح قدرك مش قليل لى ناس عزاز ؟ قدر المسافة الفرتقت بينا العواطف ما خلاص !!! ما المطر زاتو كره الرذاذ المطر اصبح يعاين بين فجوة البعد اللى ضاعت ما ختا بيناتا موية اهدانا من سقف الظنون امطار نشاز
فى الغربة تهطل من سنين كان فرتقوها وكان وزعوها تملأ الارض والمسافة البين السما دة كان اتجمعت وفيها الريد نما فرتقوها وقالوا تانى جمعوها بعدما ... صادف انينا انينى كلما .... قلت اتجمع معاها تلقانى اسرح فى حكاية المنفى من جديد دونما ... اشرح كيف يكون الزول جديد خالى من الزهج الفريد والكون جواهو وزع نشيد دوزن قصيدة الظلمة والمظلمة سواها اغنية الذكرى لحن للطيف يا غربة يا لا ملهمة منك شكيتك يا سجم يا مجرمة
الفاتح 17/9/004م
|
|
|
|
|
|
|
العنوان |
الكاتب |
Date |
حشرجة ........ احتمال تكون قصيدة | alfatih | 09-17-04, 12:41 PM |
Re: حشرجة ........ احتمال تكون قصيدة | alfatih | 09-18-04, 08:09 AM |
Re: حشرجة ........ احتمال تكون قصيدة | omar_ragab | 09-21-04, 10:20 AM |
Re: حشرجة ........ احتمال تكون قصيدة | alfatih | 09-22-04, 08:36 AM |
Re: حشرجة ........ احتمال تكون قصيدة | Raja | 09-22-04, 08:58 AM |
Re: حشرجة ........ احتمال تكون قصيدة | محمد عبدالرحمن | 09-22-04, 02:48 PM |
Re: حشرجة ........ احتمال تكون قصيدة | alfatih | 09-23-04, 01:37 AM |
Re: حشرجة ........ احتمال تكون قصيدة | alfatih | 09-23-04, 01:54 AM |
Re: حشرجة ........ احتمال تكون قصيدة | Ishraga Mustafa | 09-23-04, 02:40 AM |
Re: حشرجة ........ احتمال تكون قصيدة | alfatih | 09-23-04, 03:21 AM |
Re: حشرجة ........ احتمال تكون قصيدة | lana mahdi | 09-24-04, 00:57 AM |
Re: حشرجة ........ احتمال تكون قصيدة | omar_ragab | 09-24-04, 05:42 AM |
Re: حشرجة ........ احتمال تكون قصيدة | Tumadir | 09-24-04, 06:21 AM |
Re: حشرجة ........ احتمال تكون قصيدة | mohammed alfadla | 09-24-04, 06:36 AM |
Re: حشرجة ........ احتمال تكون قصيدة | alfatih | 09-24-04, 11:57 AM |
Re: حشرجة ........ احتمال تكون قصيدة | alfatih | 09-24-04, 12:01 PM |
Re: حشرجة ........ احتمال تكون قصيدة | alfatih | 09-24-04, 12:13 PM |
Re: حشرجة ........ احتمال تكون قصيدة | alfatih | 09-24-04, 12:18 PM |
Re: حشرجة ........ احتمال تكون قصيدة | معتز تروتسكى | 09-25-04, 08:59 AM |
Re: حشرجة ........ احتمال تكون قصيدة | بلدى يا حبوب | 09-25-04, 08:47 AM |
Re: حشرجة ........ احتمال تكون قصيدة | alfatih | 09-25-04, 11:23 AM |
|
|
|