|
|
 (يادابو ابتدأ العمر الجميل ) زواج إبراهيم...اليوم ..بالشرقية .. ورورووووك
|
دابو ابتدا العمر الجميل ..
وتعبت من شد الرحال ..
وتعبت من تعب الرحيل ..
يا اجمل الكلمات اجيك ..
يا ملاذ القلب من حزنا.. طويل ..
حسي جيتينى لمن خلاص بكيت ..
على نفسي مره ومرتين ..؟..
وقعدت في الركن الحزين ..
دامي الخطا ..وصفر اليدين ..
بس كنت وين العمر كلو ... كنت وين ..؟
وانا في انتظارك من سنين ..
من سنين وسنين طويلة على الدوام ..
ماهو انتى في جواي ملامح صاحية في عز المنام ..
فتشت عنك ..في الصحابة ..وفي الغنا.. ورد السلام ..
وفي شرايين القصيدة ..
وسالت عنك ..
في المحطات البعيدة ..وفي سبيل القاك ..كم ياما جيت وبكت خطاي ,,
واهو انتى قدامى ومعاى ..بتصحي وتقومى تحت عيونى ...
الكلام للمبدع : محجوب شريف
دعوة ...كريمة من شخص كريم ..
من عضو المنبر الحر ... ابو هيثم ..او ... ابراهيم ابو القاسم ..
لكل بورداب الشرقية .. والمملكة ..ودول مجلس التعاون ..اذا امكن .
بمناسبة زواجه ..و(ملاقاته ) للحبيبة ..بعد طول انتظار ..
والدعوة عاااامة ...
بس انا اخص بالدعوة ..( قلة ادب منى ) .. كل من ,خضر حسين ..الشفيع رمزى .. بن بن .. حاتم قرين ..
طبعا يا (برمة ) تعرف انى بعيد ومافي لي سكة جية ..
على العموم ..مبـــــــ1000ــروك ..
وربنا .. يديك خيرها ..ويكفيك شرها ..ويديم عليكم السعادة ..
وبيت ..مال ..وكمية من العيال ..(الغياظييين زيك  ) ..
المكان : الدمام _ استراحة القرية الخضراء ..شارع الملك سعود ..خلف مدرسة تعليم قيادة السيارات (دلة).
الزمان .. الليـــــــــلة دى ...الخميس 9/9/2004م . والحضور الساعة 10 م .
|
|
 
|
|
|
|
|
| |
samo
فيس بوك
تويتر
انستقرام
يوتيوب
بنتيريست