واحد عندو رغبة ينضم للبورد في سودانيز اونلاين سأل عضو قديم من ناس البورد عن الطريقة قام العضو القديم قال ليهو : انت رسل ايميل لي امين الموقع يمكن يقبلك ويمكن ما يقبلك لو ما قبلك مافي مشكلة اما لوقبلك واحد من اتنين، يا تشترك باسمك الحقيقي او تشترك باسم مستعار ، اذا اشتركت باسمك الحقيقي مافي مشكلة واذا اشتركت باسمك المستعار واحد من اتنين يا اما تقرا يا اما تكتب ، لو قريت مافي مشكلة لو كتبت واحد من اتنين يا تكتب موضوع عام او تكتب موضوع خاص ، اذا كتبت موضوع عام مافي مشكلة اما اذا كتبت موضوع خاص واحد من اثنين يا يردوا عليك يا ما يردو عليك ، لو ما ردو عليك مافي مشكلة ولو ردو عليك واحد من اتنين يا ترد تاني ياما ترد لو ما رديت مافي مشكلة اما لو رديت واحد من اتنين يا تشتم يا يشتموك لو شتموك مافي مشكلة ولو شتمت واحد من اتنين يا شتيمتك تكون في الفاضي او تكون في المليان لو في الفاضي مافي مشكلة اما لو في المليان واحد من اتنين يا استمريت في البورد او فصلوك ، اذا فصلوك مافي مشكلة واذا استمريت واحد من اتنين يا شتموك يا خلوك لو خلوك مافي مشكلة اما لو شتموك واحد من اتنين يا تزعل او ما تزعل لو ما زعلت مافي مشكلة ولو زعلت واحد من اتنين يا تبقى هكر او تستقيل من البورد لو استقلت مافيش مشكلة اما لو بقيت هكر واحد من اتنين يا كشفوك يا ما كشفوك لو ما كشفوك مافي مشكلة لو كشفوك واحد من اتنين يا دسوك او اعلنوك لو دسوك مافي مشكلة ولو اعلنوك واحد من اتنين يا بقيت مشهور او ما مشهور ، لو بقيت مشهور مافي مشكلة ولو بقيت ما مشهور ماعندك غير تقدم طلب جديد لامين الموقع وتخش باسم مستعار تاني
ودمتم
جمال
08-23-2004, 06:47 AM
samo
samo
تاريخ التسجيل: 09-04-2002
مجموع المشاركات: 862
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة