Mini Sudans

مرحبا Guest
اخر زيارك لك: 05-27-2024, 03:49 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الثاني للعام 2004م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
07-21-2004, 07:26 AM

Shinteer
<aShinteer
تاريخ التسجيل: 09-04-2002
مجموع المشاركات: 2525

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: Mini Sudans (Re: zoul"ibn"zoul)

    الحمد لله أن "صديقي" الجديد بشاشة ظهر في البوست ده. عشان كده يا بشاشة أنا حأرد عليك وبكل أمانة .. بعد العهد الذي قطعناه بيننا .. وبعد ما اقتنعت من مكالمتنا دييييييك إنك زول زيي تماماً؛ بمعنى إنك مش سياسي بيعتاش على دماء الأبرياء إن كانوا من الجنوب أو من دارفور أو من أي بقعة في هذه الأرض البوار المسماة السودان. ووحاتك إنت ما حأقول كلمة تغلط عليك. وإنت برضو ما تزعل مني عشان ما أقوم تاني وأولعها حرباً "جبانةً" على الانترنت.

    أولاً يا أخوي بشاشة .. دعني أرقّم مقالتي:

    1- أنا لست من مواهيم العروبة التي تلوكها بمناسبة وبغير مناسبة: أنا عربي من عرب السودان .. ولم أشعر بانتماء حتى اللحظة لعرب أي بلاد أخرى .. حتى المصريين الأقربين إليك وإلى أهلك قبلي أنا وقبل أهلي.

    2- لا أنطلق من مفهوم "كوني عولمي" كالذي أستشفه من كلامك. أنت تعتبر أن كل السود هم أبناء دولة واحدة أو أبناء قطر واحد. هذا وهْم يا أخوي بشاشة (والله أخوي دي ما بقولها بالساهل). يعني ببساطة ممكن أقول ليك انت موهوم افريقانية يا حبيبي. الافريقية دي خشم بيوت.

    3- ذكرت عبد الله علي ابراهيم في كلامك يا بشبش .. وأنا أراه أكثر كتابنا قراءةً للواقع (مع إني غير ملم حقيقة بكل كتاباته، ويكفيني ما قرأت له).

    4- الأوطان كمؤسسات لا تبنى بالتمني والأحلام "الكوشية" .. وما ورثناه من الانقليز لا يمكن أن يشكل دولة صالحة للعيش لأنها لا تمتلك أبسط مقومات الدولة من حيث التعريف الثقافي للدولة.

    5-أقولها لك يا أخوي بشاشة وبكل صراحة: إن لم ينفصل الجنوب عن الشمال (أو الشمال عن الجنوب) .. فسوف لن يتوقف حمام دم الحروب إلى يوم القيامة (وأظنك تؤمن بالقيامة).

    6- أنت يا بشاشة تنطلق من مفهوم يوتوبي مثالي لا يمكن لأي بشرٍ كان أن يبني على أسسه دولة. أنت حتى الآن تنافح وتكافح بأن كل السود يجب أن يكونوا تحت ظل دولة واحدة (كما فهمت من كل خرمجاتك المخرمجة) .. وفي الوقت نفسه لو سألك أي إنسان عن اسباب الموت في دولة (هي قرية كبيرة في الحقيقة) مثل رواندا التي لا يوجد فيها عرب ولا خواجات .. فلا أظنك واجداً جواباً لهذا السؤال.

    7- لن أتخلى عن أمي يا بشاشة .. فهمت؟ أنا نشأت عربياً سودانياً .. ولا يهمني الخليج ولا السعودية في شيء .. لأني نشأت في السودان ووطني السودان؛ غربه وشرقه وشماله .. أما جنوبه فلا .. لا وألف لا .. لا أنتمي إلى جنوب السودان في أي شيء. جربت أبناء الجنوب في حنتوب الثانوية ولم أجد منهم غير النفور وبعض الفلقصة الانجقليزية .. وحتى في البركس .. الجنوبيين كانوا يسكنون مع الكينيين واليوغنديين .. ورغم أن اليوغنديين صادقونا دون استثناء .. إلا أن الجنوبيين اعتصموا بكونهم أبناء الإنقليز (غرايب)!!! هيييي. الكلام ده صاح وللا ما صاح يا بشاشة .. وانت عشت في البركس.

    8- على المستوى الفردي .. أنا ما عندي مانع اتعايش مع الشيطان الأزرق .. لكن والله حتى الآن ما قدرت أصل لمرحلة أي صداقة حتى سطحية مع واحد من الجنوب.

    9- أي إنسان من الجنوب بيعتبر إنو الشمال ده ما تابع ليهم أصلاً .. وأول ناس انتو يا بشاشة (ما تعمل لي فيها إنك نبي). الكلام ده واضح وما عاوز شطارة. وأي واحد شمالي يقول لي إنو عندو أصحاب من الدينكا يفضلهم على أي زول .. أنا بعتبرو كضاب. كضاب جملة وتفصيلاً .. لأنو هذا الشمالي لا يمكن أن "يهذّر" مع الجنوبي بنفس الطريقة الممكن يهذر بيها مع الشمالي. كلام رومانسي ما يدخل عقل أي زول جاد. كل شمالي يتعامل مع الجنوبي بحذر مخجل ودلع مخجل .. أنا ما بعملو .. وما دايرو .. صراحةً.

    10- حتى أنت يا بشاشة .. هل يمكنك أن تصف لي علاقتك مع أي جنوبي وتؤكد لي أنها أقوى من علاقتك مع أبناء الدناقلة؟ أو حتى أقوى من علاقتك بي أنا شنتير؟ ما بتقدر لو كسرت رقبتك .. لأننا أنا وإنت لمن اتكلمنا على التلفون يا بشاشة ما حسينا في حاجز بيناتنا .. ووصّلنا الكلام السما ونزلناه الأرض بدون أي حساسيات. والله لو كان مع جنوبي ما كنت تتواصل حتى.

    11- أنا يا بشاشة لمن أتكلم عن السودان بتكلم عن دولة .. يفترض أنو تتوفر فيها عناصر دنيا لتحقيق التعايش بين رعاياها. السودان ما بيتوفر فيه الشرط ده .. بالذات مع الجنوب. ياخي حتى في البورد ده أنا حاسي بتهالك غريب من جانب الذين يبحثون عن إرضاء الجنوبيين. يا بشاشة الجنوبيين ما محتاجين لطبطبة كتف أو دهنسة فارغة .. ديل ناس أنا في حساباتي مختلفين عننا تماماً وليهم دنياهم ولي دنياي. ويا دار ما دخلك شر. كل واحد يشوف بلدو .. وبلاش حروب وكلام فارغ يدخلونا فيه الساسة ويحرقوا دمنا .. ويكضبوا علينا بأننا اخوان. اخوان شنو عليك الله؟ هو نحن متين بقينا دولة عشان نكون اخوان؟

    12- تتكلم يا بشاشة عن السودان الموروث من الانقليز .. وأنا زاتي بقول نفس الكلام ده. السودان المشلهت القاعدين نتحارب فيه ده أصلاً ما عملناه نحن .. ده عملوه الانقليز. من هنا تأتي قناعتي بالحل الذي أراه يا بشاشة: ينشطر السودان بحيث كل فئة تكون متراضية مع الأخرى التي تختار العيش معها.

    13- أكرر مرة تانية يا بشاشة .. أنا لست من موهومي العروبة. وحسب فهمي لكلامك .. إن موهومي العروبة ينفون وجود كل عنصر آخر. يا سيدي أنا إذا كنت بهذا الفهم .. فسوف لن ارضى بالشمال الأقصى لأنه نوبي .. لكن هل سمعت مني كلمة تقول بإقصاء الشمال النوبي؟. الجنوب هو ام المشاكل .. هذه حقيقة لا ينكرها إلا تائه .. أو سياسي حرامي عاوز يقتل المزيد من ابناء السودان .. ويجي على أشلائنا ويبقى رئيس وزراء أو وزير خارجية .. وحتى الوظيفة دي حيجيها من فندق في امريكا أو أوربا.

    14- انتمائي للعرب لا علاقة له بكل هذه الدماء. خليك واقعي شوية يا شيخنا بشاشة. ده لساني ودي ثقافتي .. التي استوعبت قبل ذلك كل الأمم .. واستوعبت كل من انتمي لها حتى ولو هامشياً. يا أخي أنا افضل اندماج من اليوم مع ارتريا .. واستبعد اندماج مع الجنوب. إيه رايك؟. والله يا بشاشة إنت إنسان مثالي أكتر من اللازم. يا أخي ما في حاجة إسمها أفريقيا ولا عبد الظمبار. في تلاقي من نوعٍ ما مكن على أساسو تقوم الدولة. لكن والله إذا كان السودان بحالتو دي ممكن يكون دولة .. أنا بالجد بشجعكم لضم يوغندا وكينيا وزائير وتشاد واثيوبيا "بشقيها" .. وأمشي لتحت لحد عينك ما تشوف. فرقت يعني؟ خلاص أعملو بنظرية القذافي "الولايات المتحدة الافريقية". ولموها كلها سوا .. وخلونا نقتل بعض بصورة أوسع شوية. يعني وسّعوا دايرة الموت يا بشاشة. ميدان رواندا وبورندي والسودان ده ما كفاية .. خلونا نوسعها .. وفي ستين ألف داهية أفريقيا وأهلها الأبرياء. والله يا بشاشة انتو بتتجنّوا على افريقيا دي بطريقة يسألكم عنها الله ودماء الأبرياء يوم القيامة. لو عندي سلطة افريقيا دي أعمل منها خمسمية دولة تعيش بسلام .. مش زي ما حشروهم الانقليز .. وجيتوا انتوا يا بشاشة تدافعوا عنها .. وتحسبون أنكم من المصلحين. يصلع راسك .. قول آمين.

    15- هب أننا منذ الصباح الباكر ليوم غدٍ الخميس .. رفعنا الراية جميعاً كسودانيين وقلنا يا أهل الله هييييييييييييييي .. نحن أفارقة. هل تظن يا بشاشة خلاص مشاكلنا انتهت؟ والله كلامك كلو بيوحي بانه الافريقية هي الحل .. بس زي الأخوان المسلمين حيث الاسلام هو الحل. مع انو قدامك المجازر شغالة في رواندا وبورندي وسيراليون .. والكنغو انقسمت لقسمين (ياربي ياتو قسم ينتمي إلى موهومي العروبة؟) وحتى صاحبي الفارس موغابي قتل من اهلو أكتر مما قتل الانقليز .. وجارتنا الحبشة سابقاً انقسمت لقسمين .. بدون أي مواهيم عروبة ولا جن أحمر .. مع إنو أفورقي وزناوي أولاد أعم طق طرق يا بشاشة. والجماعة في نيجيريا كل يوم عايشين مجزرة دون أي تدخل من عرب الجنوب النيجيري (دي مزحة يا بشبش).

    15- مفهومي للدولة الناجحة يختلف عن مفهومك "الملغْوَس" بالايديلوجية المثالية دي. قال المركزية الأفريقية!! يا سلام!!. يا خي أفريقيا دي وين زاتها عشان تتمركز؟. نيجيريا من أغنى أغنياء الأوبيك .. وأولادهم في كل أنحاء العالم ما معروف عنهم غير السرقة والتزوير .. حتى في آسيا .. الناس يحذروك من النيجيريين والباكستانيين. وفوق ده .. كل شهر أو شهرين نيجريا مولعة فيها نار. السبب شنو؟ برضو معاهم مواهيم عروبة؟. بشاشة الدول لا تبنى هكذا. أناشخصياً ما مقتنع بافريقانية أو عروبية أو إسلاموية كأساس لدولة جادة. عشان كده أنا بحكم بالواقع المعاش: الشمال والجنوب لا يلتقيان إلا في الحروب.

    16- لست إقصائياً .. لكني واقعي حتى أخمص قدمي .. وأبغض الساسة السفلة المتاجرين بدماء الأبرياء في الجنوب وفي الشمال وفي الغرب .. وهم يعلمون أن الحل واضح: الانفصال وكفى.

    17- واصل إنت يا بشاشة .. وكل الجماعة التانيين "الكوْنيين" وأحلموا بوطن يلم كل الفتات ده ولو استمتعتو بيه .. تعال أضحك علي وعلى شنبي ده. والله طالما أن هنالك شمال وجنوب في هذا السودان الانقليزي .. إذن لا أساس للاستقرار والسلام. موتوا كلكم يا بشاشة. وأهلك مباشرة سيكونون وقوداً لهذا الحريق. انت أحياناً تتهم بعض الناس بأنهم Self-haters لكن يا قريبي والله بطريقتك دي إنت إن شاء الله حتكون زعيم الـ Self-haters.

    18- أسلوب المداهنات القاعدين تتبعوه ده .. هو الدمار الحقيقي. وبعدين مين قال ليك إننا في الشمال حنتبع لمصر؟ نتبع ليها بالقوة يعني؟ ما في طريقة. بالله يا بشاشة هسع صراعك ده كلو بس خوف من إننا نتبع لمصر؟. يا راجل حرام عليك. وبعدين مصر دي زاتها مش إبنتنا الصغرى أو الكبرى أو الأخرى .. حسب التاريخ المتلاشي؟.

    19- دي أخيرة: يا اخوي كلام المثاليات بتاعة ده أو بتاع هناي وفلان ده .. ما بيعني أي شيء .. لو عاوزين دولة ذات مقومات .. فرتقوا السودان ده لاتنين أول شيء .. عشان نكون واقعيين.

    20- دي بعد الأخيرة:ما تتطرّف كتير يا بشاشة .. كلامك التاريخي ده ما عندو علاقة بالواقع .. ما في دينكاوي حيعترف ليك بان الدناقلة دينكا. في حين انت شغال في حلمك العجيب ده بأن سيدنا نوح زاتو سوداني. يا سيدي: Pragmatism wins the day

    أها يا بشاشة .. علي بالكتاب المقدس تقوم ترد علي بكلام كعب إلا أمشي أجيك هناك. أوعك تنقض العهد. مشاكل مافي.

    وربنا يحقق الأماني. ودمتم ودام السودان المبعزق

    شنتير إبن أم شنتير.

    بشاشة هيييييييي أوعك ترد علي بالكلام الدٌّرّاب بتاع زمان داك .. التزم بميثاق الصلح .. وإلا حاتنازل عن الصحبة وأولعها معاك زي الترتيب .. ونتشاكل تاني .. بس المرة الجاية إنت المفروض تتصل بي. اتفقنا؟ أها العفو. وسلم لي على ناس البيت الهاريهم هري ديل. يهريك سيدي الحسن.

    (عدل بواسطة Shinteer on 07-21-2004, 07:46 AM)
    (عدل بواسطة Shinteer on 07-21-2004, 08:00 AM)
                  

العنوان الكاتب Date
Mini Sudans Shinteer07-15-04, 06:25 AM
  Re: Mini Sudans zoul"ibn"zoul07-15-04, 04:37 PM
  Re: Mini Sudans Agab Alfaya07-16-04, 04:24 AM
    Re: Mini Sudans Shinteer07-16-04, 05:43 AM
  Re: Mini Sudans Agab Alfaya07-16-04, 06:44 AM
    Re: Mini Sudans Shinteer07-16-04, 07:07 AM
  Re: Mini Sudans Agab Alfaya07-16-04, 07:49 AM
    Re: Mini Sudans Shinteer07-16-04, 08:31 AM
  Re: Mini Sudans Agab Alfaya07-16-04, 10:58 AM
  Re: Mini Sudans zoul"ibn"zoul07-16-04, 04:32 PM
  Re: Mini Sudans Agab Alfaya07-16-04, 10:44 PM
  Re: Mini Sudans zoul"ibn"zoul07-17-04, 08:21 AM
  Re: Mini Sudans Agab Alfaya07-17-04, 09:33 AM
  Re: Mini Sudans Agab Alfaya07-18-04, 10:50 AM
  Re: Mini Sudans zoul"ibn"zoul07-18-04, 02:54 PM
    Re: Mini Sudans Shinteer07-19-04, 08:10 AM
  Re: Mini Sudans Bashasha07-19-04, 01:46 PM
  Re: Mini Sudans zoul"ibn"zoul07-19-04, 04:51 PM
  Re: Mini Sudans zoul"ibn"zoul07-19-04, 05:58 PM
  Re: Mini Sudans ودقاسم07-19-04, 10:50 PM
    Re: Mini Sudans degna07-19-04, 11:24 PM
  Re: Mini Sudans zoul"ibn"zoul07-20-04, 06:18 PM
    Re: Mini Sudans Shinteer07-21-04, 07:26 AM
      Re: Mini Sudans Shinteer07-21-04, 09:37 AM
  Re: Mini Sudans Agab Alfaya07-22-04, 06:23 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de