بــــــــشاشــــــــا ..!

Quote: اعلاه يا برهان تاج الدين، اخر مداخلة لي معاك، خاطبتك فيها بي صيغة يا "عزيزي"، وفي نفس الوقت قلت ليك راي المعلن في ذنوجة الشمال، في هذا النادي الاقصائي. فلو ما انحيازك هنا او عين السخط، البتشوف في الشربات فسيخ، الفرق شنو مابين مخاطبتنا للقارئ بي صيغة عزيزي، او صحبك المتقيح الدواخل بي صيغة "السيد عادل" رغم اسهال الشتائم او روح الغدر والتشفي فيه، بشهادة اخرين غير بشاشا؟ اذا انت شايف تناقض، انا شايف اتساق ومبدأية، لاننا لانشخصن الصراع الفكري، ومرة اخري لانتعامل بي رد الفعل، ولهذا عبرت عن تقديري لكل من تكرم بقراءة ما نخط هنا بغض النظر عن الاختلاف والاتفاق. فالغلط شنو هنا لو كنت انسان محايد؟ . لكن ذي صحبك المتقيح الدواخل، مجرد الاختلاف عندكم سقوط يستوجب مثل هذا الفجور في الخصومة! عندكم مستحيل بشاشا الواقف ضد المنبر كلو بي مفردو، يخاطبهم بي صيغة فيها احترام! ده بسمو اسقاط نفسي! اذا ده فهمك لي شرف واداب الخصومة، ده مافهم بشاشا! من تقاليد الخصومة في ثقافتنا، خليك من "ياعزيزي"، ياخي الواحد كان لمان يلقي غريموا مكتف، بحل قيدو او يناولو سيفو او درقتو، حتين بعد داك ينازلوا، كاتل ولا مكتول. احنا جايين من الحتة دي، الكلام انتو جايين من وين؟ عزيزي القارئ المرة الجاية حنقدم فاصل نكات من وحي هضربة مهترئ الدواخل، عادل عبد العاطي عن عدم تصويت بشاشا وعدم انضمامو للحركة الشعبية، قبل مانواصل دروسنا الخصوصية في معاني المسؤلية!!!!