|
|
 ود الباوقة جاكم .. هل من مرحب ...
|
العم حمزاوي .. الخال ود قاسم ... تمبس .. ابوجهينة ...
الصديق بربراوي وبقية العقد الفريد ود الباوقة جاكم بي جاي ..
امسكواالخشب ......
|
|
 
|
|
|
|
|
|
|
|
Re: ود الباوقة جاكم .. هل من مرحب ... (Re: Raja)
|
ألف مرحب بيك حبابك
لكن ياخوى أنا بلدياتك تب..معاك من المشرع (مشرع ود النقر) وبالمخازن
بسته أو الحواشات لغاية السلمانيه الجول فتوار الجرانيس السوق التكاوين أبو كبيده
طمس والمناصير
مرحب بود بلدى
ووريهم أنو على المك وتاج السر الحسن والحسين الحسن وفضل الله محمد الشعراء ديل من أندينا....عشان يأمنو
تانى مرحب بيك..وعاشر كمان
| |
|
|
|
|
|
|
|
|
|
Re: ود الباوقة جاكم .. هل من مرحب ... (Re: motaz)
|
ابقي لا قدام
عليك الله شوف راشد ده ، قال زار الباوقة سنة 200 ؟ ياخي الزول ده قايل عندنا قنابير ولا شنو ؟ هسي يقول لي انا نسيت الصفر ، لكن كده شوف صورتو دي ، ما بعيد يكون كلامو صاح .
| |
|
|
|
|
|
|
|
|
|
Re: ود الباوقة جاكم .. هل من مرحب ... (Re: waleedi399)
|
عبد القادر
عبد القادر
ناس ود كنون لا لا
عبد القادر
عبد القادر
ود قندر لا لا
عبد القادر
عبد القادر
ناس حسب القادر لا لا
عبد القادر
عبد القادر
ناس سليمان وعبد الهادي لا لا
عبد القادر
عبد القادر
ولاد بت الخير ود المهدي لا لا
ما عرفتو ياربي من وين
| |
|
|
|
|
|
|
|
|
|
Re: ود الباوقة جاكم .. هل من مرحب ... (Re: المسافر)
|
مرحباً بك .. ود الباوقة
و ننتظر مساهماتك
إثراءاً لهذا المنبر
..
تخريمة ..
أعز أصدقاء عمري من الباوقة .. جمال الصادق محمد عثمان ( زيكو ) معتصم خضر عبد الله كنون ( الدحيش ) عصام و عبد الله محمد عثمان ، جمعتنا ( الأبيض ) و لا زالت حيث أضحت لهم مقاماُ و مستقرا لكن تواصلهم ما زال مستمراً مع الباوقة التي نعمنا بخيراتها و صحبة أهلها..
سلام عليك و عليهم أينما هم .. و على الباوقة و الأبيض
و كل ربوع السودان ..
| |
|
|
|
|
|
|
|
|
|
Re: ود الباوقة جاكم .. هل من مرحب ... (Re: عمر محمد عبد القادر)
|
حبابك عشرة يا ود الباوقه ادخل لداخل ، الدار دارك ، العنقريب مفرش و جنبو الابريق
للصلاة ، وكان احتجت لشئ الجرس فوق ليك واحد لونه اخضر لزوم شاي الصباح والتاني احمر لزوم طلب النجده ، تجد عندنا الاصالة والحداثه ، البرمندي و الشوكه . اها قصرنا معاك .
| |
|
|
|
|
|
|
|
|
|
Re: ود الباوقة جاكم .. هل من مرحب ... (Re: ود عقاب)
|
الاخوة الافاضل .. احمد جنين .. ترات ..محمد الامين احمد .. ود حاج عدلان
ود محجوب ... نصار .. الاخت العزيزة رجاء .. سيجيمان ... عادل علي ... تبلدي
راشد يحيي مدلل .. الاخت العزيزة هالة ... معتز ... عصام الدين عبد الرحيم ..
عادل عاطي .. الزنجي ...ابوجهينة ابو النسب ... زول ساكت
العم حمزاوي ... وليد999 ..المسافر ..عصام دهب .. الصادق خليفة
..الخال العزيز ود قاسم .. ود عقاب .. الف الف شكر على التراحيب
وجزاكم الله خير ... دي ما حقت الجماعة ما تمشوا بعيد...
* اخوي المسافر.. يا سلام سليمان ود عبد الهادي جارنا ودكنون وودقندر
وود التكاوي .. واب زينبية .. ونحن اولاد كاكراج ..ناس الكجيك ..اهلا وسهلا
* اخوي عصام دهب هولاء معروفين في الباوقة ومعتصم كنون اين هو الان
* عادل علي يسلم عليك علي ود الكديو والايام دي نزل البلد ..
* عصام عبد الرحيم باقيلك مدلل دا نسا الصفر والله الزول دا
يتخيل لي صادق في كلامو .. وسنة 200 هجرية تكون . وصورتو دي قديمة
ود محجوب ... انا برضو عبدالابي .. انقريابي ....
| |
|
|
|
|
|
|
|
|
|
Re: ود الباوقة جاكم .. هل من مرحب ... (Re: yumna guta)
|
الصديق السمؤل .. الف شكر على الترحيب ولك المودة
الاخت العزيزة يمنى قوتة شكرا جزيلا
العزيز ود دفع الله وينك يا راجل من ديك وعيك لك الود
العزيز صديق رحة النور بلدياتي شكرا جزيلا ناس الفنان عبد الواحد
حتما لنا لقاء لاعادة الزكريات
| |
|
|
|
|
|
|
|
|
|
Re: ود الباوقة جاكم .. هل من مرحب ... (Re: عمر محمد عبد القادر)
|
ودقاسم:
ده منو الرحبت بيهو ده ، أنا قربت أضهب ، إفتكرتو أنا
عمر ودالباوقة
أهلآ بيك هنا
وفي الباوقة بصحبة الرائع الجميل مهدي عبدالهادي الحسن ،تسكعت وإستمتعت بغناء ودالحوري ، وعبرت لأرتولي ، وطشمت مع يونس النجار التمتام الشاعر الجميل ، وجلست في السوق الكبير مع حسن جار النبي ، وشفت لذيذ التفاح ،
| |
|
|
|
|
|
|
|
|
|
Re: ود الباوقة جاكم .. هل من مرحب ... (Re: برير اسماعيل يوسف)
|
الاخ العزيز محمد اشرف الف شكر على التراحيب
ابوساندرا جزيل الشكر ويا سلام على الزكريات وما محظوظ
كان قابلناك هناك كان لا هس طاشم .. ويونس النجار ما بيقصر
ود الحوري الله يرحمو كان كروان الباوقة ...
اخوي اسماعيل وراق الف حمد لله على سلامة عودتك وكيف الاهل بالسودان
شكرا جزيلا على الترحيب الحار
| |
|
|
|
|
|
|
|
|
|
Re: ود الباوقة جاكم .. هل من مرحب ... (Re: عمر محمد عبد القادر)
|
الاتاري انا اقول عمر ما عاوز يرد علينا في الماسنجر مالو ؟؟؟؟؟؟
وتقول لي عاوز تسخن يا خوي شكلك جاي بسنونك هسي حنين دا مسخن معاهو كدا مالك ((يابربراوي انت ما عندك غير اللخبطة والصواطة الكلام
دا ما نسيناهو خلاص ... الفتنة نائمة ((...[ الزول برضو بلدياتنا يعني لو عمل نقطة تفتيش الا تاني كدباس وام الطيور
عارف يا عمر كنت عاوز اقول اتنين لكن لقيت ماشاء الله تبارك الله البلد نقلتوها بيجاي . دا غير المعجبين هسي نصار دا نقول ليهو شنو ؟ قال عاوز شنو ؟ يشوف تفاح الباوقة ؟ يا نصار والله الكلام دا كتير عديل دا فيهو دم عديل
اها حاتم الياس دا شوف لينا عنوانو بالله وكمان من المشرع ؟؟؟؟
راشد مدلل سمعت بغنية بنية من فتوار موقدة فيا النار ؟؟؟؟؟؟ اها ديل ناس فتوار زاتم وبسد الساحة وبشيل مفتاحا وجناين الباوقة اللذيذ تفاحا والله بلدنا بخيرا بس الجماعة اياهم ديل ما خلو فيها ولا تفاحة
ابو جهينة والله مفاجاة بس وري نصار عن التفاح شوية بالله
المسافر يا زول انت ما بتعرف اهلي كلهم ود كنون دا ما اخوي عديل بس انت ما عاوز تدينا عنوانك عشان ما نقدك موش كدا ؟
يا سلااااااااااااام يا عصام دهب بالله انت بتعرف ناس زيكو وعثمان خضر بس ما تكون بتركب معاهم في البوكسي وتقيف جنب مسرح عروس الرمال لوووووووووول
صديق رحمة بالله انت من ريفي الباوقة اها الباوقة ريف شنو بس حنين لو قلنا ما بدينا فرقة معاهو
ابو ساندرا يا زول انتا عيونك دي النضارة ما قدرت عليها ولا شنو كدي اديني رقم ام ساندرا ود الحوري ؟ يا سلاااااااام ربنا يرحمو اها ما وريتنا نوع الطشمة لو لاقيتنا كان اديناك قرين طازة من شجرتو والله
اها يا بلدينا بترد علينا تاني ولا لسه بتسخن غايتو الشافك مصاقر النت ما كضب بعد دا
| |
|
|
|
|
|
|
|
|
|
Re: ود الباوقة جاكم .. هل من مرحب ... (Re: ميادة)
|
| Quote: * اخوي المسافر.. يا سلام سليمان ود عبد الهادي جارنا |
أها ياود أخوي تراك عرفتو سلامي
وياني ما ودرتك كان جيت جمب الحوش
ايواتلك الكوكرج ( جمع من ولاد كاكراج )
العمدة ماشاء الله ما شاء الله
سلام ليك ياود شيخنا سيد البنية قلاب المتنية أغبر غبش ما بنهبش
ليس كما تعتقد لكن نحن زي ناس اللواري كل يوم في مكان، عشان كده ما عاوزين نديك حبال بلابقر،
| |
|
|
|
|
|
|
|
|
|
Re: ود الباوقة جاكم .. هل من مرحب ... (Re: المسافر)
|
الحبيب المسافر ...سلامات .. وصلت تب الحمد لله طالما بتعرف الكجيك
والدنا محمد عبد القادر طبعا راح منطقة الجعليين ليتزوج والدتنا
من هناك .. عمي على عبد القادر طبعا توفي لرحمة الله وبعدين الود
الكتلوه دا في الباوقة مو ود بت عمتى مني بت عبد القادر والدة عوض محمد عبد الرحمن
بجمارك بورتسودان
| |
|
|
|
|
|
|
| |
ahmed haneen
تراث
محمد الامين احمد
ود محجوب
نصار
Raja
سجيمان
Adil Ali
حاتم الياس
راشد يحى مدلل
motaz
Abdel Aati
الزنجي
ابو جهينة
زول ساكت
waleedi399
المسافر
الصادق خليفة
ودقاسم
نيازي مصطفى
samwal ebrahiem
Sidig Rahama Elnour
yumna guta
معتصم دفع الله
محمد اشرف
أبو ساندرا
إسماعيل وراق
Ehab Eltayeb
Elmosley
Salah Abuhigill
فيس بوك
تويتر
انستقرام
يوتيوب
بنتيريست