|
|
 كوميديا - من المسرح
|
ممكن اى زول عندو مقتطفات كوميدية من المسرح السودانى او اى مسرح اخر يختها هنا
ديدمونة ... يا ديدمونة ... اعطنى منديل حبنا لأقش به نخرتى ..
مولاى .. لقد قمتا ليك من الملك شارلمان بى قندران .. وصلت باللستك دة ...
ما تخمر لى ... هوى يا خواجة .. يا جماعة ما تمسكوا منى زولكم الخواجة دة ... والله انا كان قمتا لا بعرف خواجة ولا ود دبرك ... ما اخمر ليك .. والله اخمر ليك ولا اعوسك زاتو ...
الفن لا يُحمل فى الكومر .. نحنا جينا عن طريق الشعب ولن نذهب الا بتشليت من الشعب ...
سرور .!! .. ياخ دة عينو مش حارة بس .. دة والله لو جبت عينو وختيتا فى مكوة تكوى بنطلون جينز ..
دة ياخ لقانا بناكل لينا فى سمك ... قال لينا فاكين ليكم رادى ...
دة شاف ليك الصقر فوق العمود قال زى الهمزة على ألف .. بالله جاب ليك العمود بى جاى والصقر بى جاى الحلة قاطعة كهرباء تلاتة شهور ...
ومرة شاف ليك عبد الجبار .... معاهو بناتو التومات لابسات لبسة واحدة وماسك كل واحدة من ايد ... بالله قال عاين ليهو زى بتاع الترمس ...
كر على يا راجل دة شنو دة !!؟ ...
كر عليك انتى ولا كر على انا العرستك دة .... الناس كلهم يا كافى البلا ... واحدين عرسوا عاطفيا وواحدين اجتماعيا وواحدين سياسيا ... الله لا كسبك الا انا ... عرستك بى ضراعى سااااااى ...
يا ناس الحقونى ... امسكوا منى المجنون دة ... طاردنى فى قرمة عيشة اربعة كيلو ... ياخ دة مجنون ولا ركشة ...
يا خوى انت ماشى وين ؟ ... انت مالك ومالى ؟ .. مش بدفع ليك حقك وخلاص !! ... طيب انا اسف .. الو .. الو مالكم فى شنو ؟ ... البوليس كبس ؟؟ ... مافى مشكلة الباقى تموهو موية .. واذا ما لقيتو اتحكّوا فى الحيطة لحدى ما اجى ... يا ابو الشباب ممكن تشغل لينا شريط ... بتسمع لمنو ؟ .. ممكن اغنية السكارى الستة ... يا ما تفضحنا اسمها السهارى الستة ... وبعدين معاك .. ياخ نحن بنقول ليها كدة ... انتو منو ؟ .. نحنا فى مدنى ... يا سلاااام بالله انت من مدنى .. انا زاتى منها ... وين فى مدنى ؟ .. مدنى حى الباعوضة ... ياخ اسمها عووضة مش باعوضة ...
الرجاء من السادة الركاب ربط الاحزمة والهدوء .. سنتجاوز هذه المطبات الهوائية بعد قليل فلا داعى للقلق .. مطبات .. مطبات ... فى كل حتة ؟ .. فوق وتحت مطبات ... ياخ ينعل ابو دة شهر عسل زاتو ... هسع مدنى دة مالا ... ما كويسة ... عملت لى زنة كدة لحدى ما غشيتنى وعرستنى ... اهو جبتنى لى يومى دة ... يا ولية .. ما تستهدى بالله ... ما تعملى لى سافوتا فى راسى ... ووب على ووب على ... هسع نادر ود خالتى دة مالو .. لو عرستو ما كان احسن لى من البهدلة الانا فيها دى ؟ ... يا ولية ... اطلقك ؟؟ ... لالا احسن لى اموت بى حبلى دة
الناس تصحى الصبح على شغلها وانت تصحى على الانحراف ... فى حاجة فخامتك ؟ ... لا لا مافيش اى حاجة ... ممكن نبدأ ... نبدأ ايه ... المساج فخامتك ... مساس كيف يعنى ... ااااااه يعنى انتو مدلاكاتية يعنى ... قرار جمهورى بانشاء وزارة للتدليك ... لكن يا فندم مافيش وزارة فاضية ... طيب ادمجوها مع التعمير تبقى التدليك والتعمير ...
ايها ال... ايها ال .... هم اسمهم ايه ؟ ... الشعب ... ايها الشعب لقد قمناااا ... احنا قمنا بايه يا ولا ... بالثورة .. ايها الشعب لقد قمنا بالثورة من اجلكم وفى سبيلكم وررررر ... هنالك اشخاص يشنبروا لنا ... نحنا شعب لا نحب الشنبرة من يشنبر لنا نشنبر له ... لماذا قمنا بالثورة ؟؟؟ ... انا لا ادرى لماذا قمنا بالثورة ساعتها كنت فى الحمام يعنى ....
انت عرفت الزاى انك بتشبه الزعيم ؟ ... انا كنت رايح السيما .. استلفت بدلة من صاحبى محمود الحرامى وركبت الاوتوبيس ... بعد شوية اشوف لك الكمسارى قال بالدم بالروح نفديك يا زعيم وراح ناطى بالشباك فى واحد تانى برضو قال بالدم بالروح نفديك يا زعيم ... اشوف لك كل الاوتوبيس راح ناطى بالشباك .. اتخضيت بأاه ... فى واحد كان نايم .. شافنى قالى لى يخرب بيتك .. انت فى كل حتة ورانا ورانا ... فى الجرايد فى التلفزيون .. وراح طلع مسدس وطاخ ضرب نفسو .
|
|
 
|
|
|
|
|
|
|
 Re: كوميديا - من المسرح (Re: alfatih)
|
العزيز وليد
قلت لى اتذكرى العنوسة ؟
بالله مشكلة الزواج دى من زمان موجودة !!
شكرا ليك عزيزى للاضافة ...
حاول استرجاع الذاكرة علها تجيد بمشهد اخر
لى قدام
| |
|
|
|
|
|
|
|
|
|
Re: كوميديا - من المسرح (Re: alfatih)
|
لنا
يعنى الناس ديل كانو بيغشونا سااااى !!
لكن الجيل الجديد دة مافى حاجة بتفوت عليهو .. عندهم قوة ملاحظة مجنونة
بعدين الأرافة دى بالمصرى ؟
تسلمى للجية بى هنا
| |
|
|
|
|
|
|
| |
alfatih
Walid Safwat
lana mahdi
فيس بوك
تويتر
انستقرام
يوتيوب
بنتيريست