|
كيجا يعود بعد الزواج ويحييكم
|
بسم الله الرحمن الرحيم احي كل الاخوة الاعزاء واتمنى لمن بعث لي بالتهاني دوام السعادة وعقبال للاخوة عزابة البورد وربنا يسعد الجميع
|
|
|
|
|
|
|
|
Re: كيجا يعود بعد الزواج ويحييكم (Re: saifkeli)
|
الاخوة الاعزاء اشكركم على التهاني الخالصة اخونا احمد الشايقي اشكرك جزيل الشكر اختنا تماضر شكرا ليك مع انها متاخرة لكن مقبولة اخونا سيف كلي جزاك الله خير اخونا خضر حسين ودمدني تحية خاصة وايه اخبار الاخ هيثم حسين والسودان بقى سمح والله بناسو وكذلك المدينة الرائعة ودمدني وتقبل تحياتي
| |
|
|
|
|
|
|
Re: كيجا يعود بعد الزواج ويحييكم (Re: Raja)
|
تحية عطرة اختنا رجاء واشكرك وسلمت ليك على كل شبر من مدني ابتداء من البحوث الزراعية وشركة المواصلات الجزيرة التي اصبحت يرثى ليها لكن هناك وعود بقيامها مرة اخرى والدرجة ومايو كلها والاندلس غايتو بقت رائعة وخاصة ايام العرس اشكرك مره اخرى وتحياتي للاخوات
| |
|
|
|
|
|
|
Re: كيجا يعود بعد الزواج ويحييكم (Re: أبو شهد)
|
الف مبروك يا عريس وعقبال لينا كمان
بالله انت من مدني طيب النشيشيبة ما قلتها مالك ياخ وابدا لينا من الاندلس عارف لمن ذكرتا البحوث الزراعية لمن رجفتا ايام والله
هل تصدق في يوم اسود انا مشيت من النشيشيبة لحدي عووووووضة ؟؟ يعني مدني دي شبر شبر ومكانا جوا الجوا اجمل حاجة في جامعة الجزيرة انها بتعرفك بمدني زقاق زقاق خاصة ايام الشدة
يا حليل مدني وايام 114 طبعا بقصد الحي بس ما حاجة تانية وكمان المزاد والحلة الجديدة والدرجة والسكة حديد والبلوك ومارنجان وحلة حسن ومايو كلو وبانصاصو وككمان ناس اربعين ودردق والجزيرة ونرجع للزمالك والسوداني ووقيع الله خليها في سرك بس لكن برضو الجنب السينما الوطنية اديناها حقها وبتاعات السوق الصغير كرسي كرسي وقدرة قدرة وحتى حلل الكوارع الجنب السينما يا ما اتحكرنا وجلسنا والله اجمل حته قربت انساها اقاشي موقف التاكسي عارف اتذكرتو لمن نشاقق بالمدنيين وبانت والقسم الاول ياخ مدني دي روعة عديل ما تفك منك تاني اصلو
| |
|
|
|
|
|
|
Re: كيجا يعود بعد الزواج ويحييكم (Re: keiga2000)
|
ياكيغا باركنا ونبارك تانى، بس أن شاء الله تكون بعد الزواج بطلت التصريج وبقيت رشاشه.... طبعا الزواج ماحار كما سألت تماضر (حارة القفه) لى مناضلين الداخل، وحارة ماشى وين وجاى من وين وليه (حط كلونيه) لى مناضلين الخارج، وكان لزمت الجابرة وقعدت فى البيت هاك يا مسلسلات، وحتى كان لاعب الهلال ضد الهلال ، برضو مافى ليك طريقه.
| |
|
|
|
|
|
|
Re: كيجا يعود بعد الزواج ويحييكم (Re: إسماعيل وراق)
|
كيجـــــــــــا جـــــــــــأء ومريخنا ضرب الوطـــــــــا
مش حرام عليك ياكيجا تخلى بت عمك المريخابية ...ايام كنتو من صغار تشجع معاك فى المريخ ممن ايام كاس الصفيح....تقوم تخليها وتركبها التونسية..وتعرس بت الجيران الهلالابية..ليش عشان المريخابية شينة....ما قدحك بت عمك ومريخك
لووووووووووووووووووووووووووووووووووووووووووول مبروك كيجا وبيت مال وعيال عازمك فى وجايب ليك لحمة من الموتن ماركت
| |
|
|
|
|
|
|
Re: كيجا يعود بعد الزواج ويحييكم (Re: almulaomar)
|
الاخوة الاعزاء النصري امين ابوقوته ايهاب جاد الملاعمر لكم التحية يا اخوة يااعزاء الاخوةالهلالاب الرشاشات اقول ليكم الذ شئ هو ان المريخ حقق الانتصار بعد زواجي مما يدل على انو الزوجة كراعه خضراء وارجو الراجياكم ياهلالاب والفال الحسن جاء وكاس الممتاز دا حقنا والمريخ حيدخل المباراة النهائية بفرصة واحدة ويحقق الفوز كالعادة باذن الله
| |
|
|
|
|
|
|
Re: كيجا يعود بعد الزواج ويحييكم (Re: keiga2000)
|
كيجا .. انتَ يا دوووووووووووووووووووب عرستَ !؟ كان كده الواحد يطمئن خالص خالص ، وينوم قفا.. يا حبيبنا ألف ألف مبروك ، وبالرفاه والبنين .. لكن لا انتَ جبتَ سيرة ، ولا مصعب البرعي كلمنا . مبروك مجددا يا محمد ، وتبريكات كتيرة للعروس وتحايا لشباب قطر ، عبد الكريم ابو الطول وأولاد البدري وتحية مخصوصة جدا للجميل مدني النخلي .
| |
|
|
|
|
|
|
Re: كيجا يعود بعد الزواج ويحييكم (Re: keiga2000)
|
كيجا العريس بيت مال وعيال ، وألف مبروك ،، بس ما حكيت لينا عن التفاصيل ،، وين ، كيف ، متى ، ليه ؟؟؟
تخريمة على حساب مخترعة التخريمات ،، هل لك علاقة بالمرحوم محمد أحمد كيقة والد كمال وعمر ؟؟
| |
|
|
|
|
|
|
|