|
نعم نحن معارضون ولكننى ضد اى تدخل لتعيين علاوى السودانى.
|
ايها الاخوة التقارير التى تاتينا من الدول الاستعمارية حول تخطيتها لاحتلال السودان كثرت هذا الايام و يبنى البعض اماله عليها ومخطئ من يظن بان الدول الغربية همها حقوق الانسان ويكفى ما ظهر منها فى سجن ابو غريب والمعارض الشريف الذى يفرق بين معارضة نظام قمعى متسلط وبين بيع الوطن رخيصا من اجل غيرة سياسية او خلاف جهوى وعلى كل سوادنى غيور بان لا يندفع لتاييد التدخلات الاجنبية نعم الحكومة هى السبب فى كل شى لانها استعدت السكان على بعضهم البعض ولكن هذا لا يعطينا الحق فى اختيار الاستعمار بديلا للوضع القائم وان كانت الدول الغربية حريصة لاسقاط النظام عليها بالضغط السياسى ودعم المعارضة وهى كفيلة باسقاط تجار الدين ولصوص اموال الزكاة. لا ولا ولا لاياد علاوى السودانى وعندها سيضيع كل شى ولن تبقى غير المؤامرات انظروا الى العراق واعتبروا .
|
|
|
|
|
|
|
|
Re: نعم نحن معارضون ولكننى ضد اى تدخل لتعيين علاوى السودانى. (Re: هاشم نوريت)
|
العزيز هاشم
نعم التدخل الاجنبي كارثة خطيرة لكن الا تري أن تكتيكات السلطة تمهد لذلك؟ و للأسف يبدوا أن الحركات المقاتلة في دارفور تري الحل في التدخل الاجنبي، و بذا و بسبب الغياب المذل لتأثير من جانب التجمع فأن المسرح بات جاهزاً لهذا الخيار الخطر. فقط الامل في الكتل و المنظمات الاقليمية و الدولية التي ترفض (الغزو الاجنبي).
| |
|
|
|
|
|
|
Re: نعم نحن معارضون ولكننى ضد اى تدخل لتعيين علاوى السودانى. (Re: هاشم نوريت)
|
ألاخ هاشم نورين سلامات كده قبل ما نناقشك عليك الله ورينا أنت قاصد بالسودان شنو؟ جنوب السودان 95% منه خارج سيطرة الحكومه، وفيه جيش الحركه والجيش اليوغندي ومراقبين اجانب، بالاضافه لما تبقي من جنجويد الحكومه. جبال النوبه فيها جيش الحركه وبقيه جيش الجنجويد، وفيها كما تعلم قوات مراقبه أجنبيه. النيل الازرق فيها وضع مشابه. واظنك دارفور عارف الحاصل فيها شنو مراقبين وقولت تشاديه وجنجويد ( وشوية) قوات فرنسيه ومراقبين افارقه والخ .. اهلك في الشرق شايلن سلاحهم ويقرقعوا فيه منتظرين دورهم ( إلا تكون انت ما مع أهلك). الخرطوم كلها CIA وإنت بتفتكر لو ما فيها CIA يعني كان كولن باول حايزور السودان. يعني ممكن تصدق انه كولن باول كان حارساه الحكومه. طيب فضل شنو؟ يعني مدني وكوستي والخرطوم والصحراء بتاعت الشمال ( المافضل فيها ناس. الحكومه طبعا ( باعت) الجزء بتاع الحلفاوين في الشمال القاصي ( لمصر) ( بتكون قريت الكلام دا) والباقي عايزه تغرقه ( ايضا عشان مصر). بعد دا فضلت المنطقه بين عطبره – الخرطوم – مدني – كوستي. نسمع رايك في الكلام ده وبعدين نشاركك النقاش.
| |
|
|
|
|
|
|
Re: نعم نحن معارضون ولكننى ضد اى تدخل لتعيين علاوى السودانى. (Re: Asskouri)
|
الاستاذ اسكورى سلامات اخى ما اقصده بالسودان هى المليون ميل بما فيها حلايب وشلاتين المحتلتين وبناء كلامك على دخول الجيش اليوغندى و مراقبى وقف اطلاق النار فى جبال النوبة اقول بان الجيش اليوغندى دخل بتسريح من حكومة غير شرعية وهى حكومة الجبهة واما اطلاق وقف النار لاهلنا فى جبال النوبة لا ارى فيها احتلال لان من حقهم علينا ان نوفر لهم هذا الامن اذا الامر ليس باحتلال فلذلك ارجو ان نفصل بين ان تاتى جيوش لاتقودنا الى كراسى الحكم كما حصل فى العراق هذا السيناريو الذى نرفضة مع تاميننا بان النظام الحالى نظام متعفق وسيئ للغاية وسبب كل البلاء الموجود الان. فلذلك ارجو ان نتحدث بعيدا عن هذا النظام ونقول هل نحن نعارض نظام ام نعارض السودان و التاريخ فيه عبر كثيرة لمن يعتبر والعراق مثل حى .
| |
|
|
|
|
|
|
Re: نعم نحن معارضون ولكننى ضد اى تدخل لتعيين علاوى السودانى. (Re: كبسيبة)
|
الاخ هاشم السلام عليكم ورحمة الله هل انت ضد التدخل الاجنبي علي اطلاقه ام فقط ضد تدخل ينتج عنه تنصيب شبيه علاوي يعني لو اقتصر التدخل علي اوالة النظام فقط وترك اختيار حكم السودان للسودانيين هل تقبل به ثم ماهو تعريف التدخل الاجنبي في الاساس هل يقتصر فقط علي ارسال الجنود ام اي مساعده اجنبيه تعبر تدخل لو قلنا بان المساعده الاجنبيه تعتبر تدخل فان الامام الصادق الذي اشاشار البعض الي رايه هنا قد قام بغزو الوطن انطلاقا من ليبيا وبمساعدتها الكامله الم يكن ذلك تدخل اجنبي0 وقد كان شريكا للصادق في ذلك الغزو حزب الحكومه الحاليه0 ان المصالح تشابكت في عالم اليوم وتداخلت وتقلص الاطار القطري لصالح هيمنه دوليه تحت مسميات مختلفه وعلينا الا نقف في مقاعد الرفض المجرد ونقول بمثل لالات العرب الثلاث علينا ان نوظف واقع عالم اليوم لصالح الوطن ومن ضمن هذا الواقع التدخل الاجنبي فكما للاجنبي مصالح علينا ان نحدد مصالح وططنا ايضا دعونا نمارس السياسه بواقعيه انها فن تبادل المصالح
| |
|
|
|
|
|
|
Re: نعم نحن معارضون ولكننى ضد اى تدخل لتعيين علاوى السودانى. (Re: zoul"ibn"zoul)
|
يازول بن زول ياسيد كما اشرنا انه هنالك قوات يوغنديه في الجنوب وقوات في جبال النوبه وقوات قي دارفور. طيب هو العالم يدخل اكتر من كده يعمل شنو. ولا أنت بتفتكر انه المحلات دي ما جزء من السودان أو أن التدخل يكون اجنبي فقط عندما يكون أمريكي. رأيك في القوات اليوغنديه والقوات الفي جبال النوبه شنو؟ القوات دي ليها سنتين في السودان ما شايف السودانيين طلعوا مظاهرات ضدها. كدي اشرح لينا الموقف دا. ولا السودان هو الخرطوم فقط؟
| |
|
|
|
|
|
|
Re: نعم نحن معارضون ولكننى ضد اى تدخل لتعيين علاوى السودانى. (Re: هاشم نوريت)
|
الاخ هاشم تحية طيبة:-
التدخل الاجنبي كائن منذ العام ١٩٦٧ عندما امدت اسرائيل الانانيا بالاسلحة التي استولت عليها من الجيش المصري لضرب عبدالناصر والتدخل الاجنبي بمساعدة ليبيا وغيرها لحركات التمرد..
اخي الكريم الحديث الان يجري لتقسيم السودان على اسس عرقية وهي مسؤولية يتحملها الجميع الاحزاب.. الطائفية والعلمانية المحنطة... ومؤسسات المجتمع المدني الممياوية... والمثقفين.. والمتثاقفين.. والمثقوفين.. والثقافات العرقية.. والعنصرية...
| |
|
|
|
|
|
|
Re: نعم نحن معارضون ولكننى ضد اى تدخل لتعيين علاوى السودانى. (Re: محمود الدقم)
|
الاستاذ كمال عباس سلامات
Quote: الذي يرفض فرض أي وصاية أجنبية أومساس بالسيادة والتراب الوطني يرفض بالضرورة التدخل الأجنبي وتنصيب كرزاي سوداني هذه مواقف لانساوم عليها |
شكرا على هذا الرائ الواضح الذى يؤكد معدنك الاصيل وتاكد بان موقفنا ضد جبهة الظلم والقهر هو موقف لانساوم عليه ونؤيدك فى كل ماقلته فى الجبهة ونؤمن عليه.
| |
|
|
|
|
|
|
Re: نعم نحن معارضون ولكننى ضد اى تدخل لتعيين علاوى السودانى. (Re: هاشم نوريت)
|
الاخ محمود سلامات اشكرك على رايك وتحديد العام 1967 كبداية للتدخل امر يحتاج للمراجعة.
Quote: التدخل الاجنبي كائن منذ العام ١٩٦٧ عندما امدت اسرائيل الانانيا بالاسلحة التي استولت عليها من الجيش المصري لضرب عبدالناصر والتدخل الاجنبي بمساعدة ليبيا وغيرها لحركات التمرد..
اخي الكريم الحديث الان يجري لتقسيم السودان على اسس عرقية وهي مسؤولية يتحملها الجميع الاحزاب.. الطائفية والعلمانية المحنطة... ومؤسسات المجتمع المدني الممياوية... والمثقفين.. والمتثاقفين.. والمثقوفين.. والثقافات العرقية.. والعنصرية...
|
| |
|
|
|
|
|
|
Re: نعم نحن معارضون ولكننى ضد اى تدخل لتعيين علاوى السودانى. (Re: هاشم نوريت)
|
الاخ هاشم
كدى نفترض كده...مجرد افتراض...
الامريكان ديل دخلو السودان بجيوشهم...OK ,,,,
هل تظن الكيزان( ناس الترابى او على عثمان) حيكونو خلايا سريه و ينفذوا عمليات انتحاريه...يفخخوا العربات,,و يموتوا ...!!!!!
ويخلو وراهم القروش و القصور و الحريم و و و
ما اظن ....لا لا لا لا لا لا لا لا لالا
نفسى اسمع لى بكوز نفذ او داير ينفذ عمليه انتحاريه!!!
ياخى الجماعه ديل حلقوا دقونهم لمن نميرى قبل عليهم...خلى المارينز
انا شخصيا مع اى شى فيه مصلحه الناس الغلابه
و دمتم
النصرى
| |
|
|
|
|
|
|
Re: نعم نحن معارضون ولكننى ضد اى تدخل لتعيين علاوى السودانى. (Re: هاشم نوريت)
|
Salaam Kamal
I am sorry that my question sounded like grilling you for an answer. Your perception that I am pro GOS is seriously flawed. Of course unsurprisingly you concur the highly intellectual of the board in his views. I am against everything Al-Inqaz has done and continue to do. You pre-percieved view is another flaw. Of course the GOS are the most who share the blame for everything we have and currently going through. If you see that at any posting that I have written other than what I just wrote please feel free to alert me to it.
But let be known should any foreign intervention occur, though unlikely, I am for and with my country against the stranger. I hope this answers your long series of questions.
Thank you
| |
|
|
|
|
|
|
Re: نعم نحن معارضون ولكننى ضد اى تدخل لتعيين علاوى السودانى. (Re: هاشم نوريت)
|
Quote: و للأسف يبدوا أن الحركات المقاتلة في دارفور تري الحل في التدخل الاجنبي |
للأسف فعلاً
والحكومة الليلة قبلت بي الإتحاد الأفريقي وبكرة تقبل بي مشاركة أصدقاء الإيقاد وغيرو وتكون بداية التدويل الرسمي لي المشكلة في دارفور ,
التدخل الأجنبي لو مقصود بيهو تدخل قوات دولية زي بتاعة العراق أو أفغانستان ف ده تدخل مرفوض وما أظن سوداني برضاهو .. لكن لو المقصود تدخل قوات مراقبة محدودة بأشراف من السوادنيين أنفسهم فاكيد ده حيساعد في خلق الثقة بين الحكومة والحركة في دارفور وبالتالي تكون خطوة سليمة في إتجاه الحل بس سؤال يا هشام أخوي ليه ما كان في تعامل بين التجمع وقوات تحرير دارفور والعدل والمساواة ؟ ليه دور القيادات والزعامات جاء متأخر بعض الشي تجاه الأزمة رغم إنها إمتدت من سنين طويلة جداً وقبل ما الحكومة الحالية تكون في السلطة ؟ في رأيك الظروف الحالية ممكن تساعد صفوف المعارضة إنها توحد جهودها وتطالب بي شراكة في حل المشكلة وبالتالي تكون دي بداية لي ديمقراطية حقيقية بين كافة ألوان الطيف السياسي ؟
وتاني بعيد أرفض وأوافقك فيما ذهبت إليه .
أبنوسي
| |
|
|
|
|
|
|
|