|
|
 Re: ناظم ابراهيم علي -ســـلام يا وطن- (Re: NAZIM IBRAHIM ALI)
|
الصديق العزيز ناظم
كيفك يا رائع؟ ليك التحايا ثانية و الي الاخت الغالية سناء لكم كل الود والتحايا و سائلين عنكم يوماتي رحيل و الشوق يمتد شغاف الروح .
انتا يا ناظم ابسفين دا لسه يمتطي جواد دهشتة ذاك؟ لوووووووووول و فعلا اسم الصرّاف بشبهو جدا لوووووووووووووووول دي بين يافتطين .
و ااااااه يا وطن
ليكم الود و التحايا بروق و الشكر مطر.
تعريجة
قبضة الزمن الفلاني
هزت الفرح المعتّق فينا علمنا المعاني
هيجت ريح المحنة ودغدغت فرح المواني
حتت الفرح النشوفو اتمدا من ريق التهاني
وشوقي ليك يا بلدي اكتر و خوفي للناس التعاني
للبيوتات التصفق فرقة تتدفى الاغاني
للهشاب وقتين تمرّد و حته من صفقو التفاني
لي جروف بلدي و ترابة ولي نخيلاتا الحواني
خوفي لي شفع تتاتي و لسه ما عرفو الاماني
و انو طعم الغربه حنضل وغربه الوطن امتحاني
للاحاسيس اللماتت قبل ما يحين الاوان
لي عشم بكره
البنحلم بيهو فكرة وذكرى تفرح لي زماني
لي وطن نبنيهو الفه وعفه بي طهر ارجواني
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست