|
|
 Re: "بشاشة" يذل بشاشة رغم صرعات "هجم النمر هجم النمر" (Re: د. بشار صقر)
|
شكرا يادكتور
تأكد تماما أن الأخ بشاشه ليس وحده هنا.
الشئ الوحيد الذي يحيرني هو : من هم العرب في السودان؟ لآيوجد أي عرب في السودان!!
أي مجموعه تمسكها في السودان تقول ليك جدها العباس!!! ياخي معقول العباس دا يكون ولد الناس ديل كلهم!
نعم دخل العرب السودان، ولكنهم لم يعودوا عربا بعد ان تم تزاوجهم مع المجموعات المحليه. العرب الدخلوا السودان كلهم يكون دخلوا السودان عزابه ولا شنو؟
السودانيين عاملين فيها عرب بالقوه. يأخي مشينا في الشارع مابشبه العرب!! نكون عرب كيف؟
السودانيون من حلفا حتي نمولي ليسوا عربا، ومن الضروري التـاكيد علي أن ثقافتنا ليست عربيه ايضا، وقد ذكرت في بوست سابق أن اكلنا وغناءنا ورقيصنا ( وشراب المريسه)، والظار، ختان البنات، واكل أم رقيقه، والكول، والعصيده والقراصه، والدوبيت والمديح، وبيوتنا المفتوحه، والعناقريب، والسلوكه وكل تفاصيل الحياه اليوميه التي نمارسها ، تقول بأننا لسنا عربا.
لكن تعرف انه في بعض السودانيين عندهم وهم ملخصه انه طالما أننا نتحدث العربيه، فذلك يقتضي بالضروره أن نكون عربا.
يادكتور عمرك شفت ليك عربي لابس (تموت تخلي)!!!
المؤلم في هذه القضيه انو العرب نفسهم لايقرون بأننا عرب، لكن في ناس بتتلصق في العرب ديل لصيق غريب جدا.
انا ليس لدي أي اعتراض ان يكون للسودان علاقات جيده مع العرب ( دا مضوع تاني خالص)، لكن أن يعرف السودانيون نفسهم كعرب فهذا امر في غاية الخطوره، لانه تعرف في الحاله دي بكون مطلوب من الناس انها ترفض ( ذاته) وتتقمص هويه ماحقته وهذه ظلت مشكلة السودان من الإستقلال وحتي اليوم، ولكننا نكاد نلمس شروق الشمس.
|
|
 
|
|
|
|
Asskouri
فيس بوك
تويتر
انستقرام
يوتيوب
بنتيريست