|
Re: الاسلام لم يحكم السودان حتى هذه اللحظة وإلى حين اشعار آخر .. (Re: Ayman Gaafar)
|
تحية طيبة جميعاً.........الكاتب والمشاركين
الاخت بت الأحفاد
المشكله في قصة تطبيق الشريعة الدينية سواء كانت اسلامية ولا حتى يهوديه مش قصة انها مطبقه صاح ولا مطبقة غلط .. الاشكالات البتواجه تطبيق حكم ديني في دولة حديثة كتيره جداً ومنها :
1- منو العندو الحق انو يطبق شريعة مقدسة من البشر دا اذا كنا متفقين حول شريعه دينية واحده
2- في حالةالسودان من الاساس منو البدي الحق للمسلمين انهم يطبقو شريعتهم على من سواهم في دولة بتضم عدد كبير من الاديان المختلفه ............ بالاضافة لعدد اكبر من المسلمين البيعتقدو بضرورة قيام حكم غير ديني كحل اكثر واقعية ........
3- والسؤال المهم اذا كانت لي اسي ما اتطبقت في السودان بعد كمية الدماء النزفت في الجنوب والغرب وحتى في الشمال ضد المعارضين في الخرطوم بي اسم الحكم الاسلامي ......... منو البقدر يدي انسان بالأصل قاصر (حسب الفهم الديني للإنسان ومحدوديتو) حق تطبيق دين ؟؟؟....؟؟؟
4- السخيف انو في كل الدول القاعده تطبق احكام دينية على نظام الدوله الحديثة دايماً بكون في معارضين بحجة انو دي ما الشريعه الحقيقية .ودا من أهم عيوب الحكم الديني انو مافي اي مرجعية ثابته .يعني نظام لي معايرة الحكم هل هو ديني صحيح بي نسبة كم .... .ما في معيار مجرد حقيقي كل الناس متفقه عليهو ....لأنو في كل الأديان في طرق مختلفة ضمن نفس الدين وبيصل الخلاف فيها لي حد القتل بين اصحاب المله الواحده..... وبي ابشع الأشكال وحتى التاريخ الاسلامي ما بخلا من الكلام دا ......... دايماص بتم اسخدام الدين كسلاح ضد المعارضين ولا كسلعة للبيع لي الجماهير المغلوبه على امرها
|
|
|
|
|
|