|
إجازة رسمية لمدة سبعة أيام.. لزوم الحملة الانتخابية
|
يا نيل .. يا ليل... ..
يسّر الله لي بنية قضاء العيد بين الأهل في السودان الحبيب... ستغادر طائرتي الدوحة يوم الجمعة.. (ما عارفاها الساعة كم!!) .. لاحط الرحال في السودان.. بعد غيبه دامت سنتين ونصف عن البلد..
متأكده أن للعيد طعماً خاصاً هناك... ..
موش بختي؟
بنت الحسين
|
|
|
|
|
|
|
|
Re: إجازة رسمية لمدة سبعة أيام.. لزوم الحملة الانتخابية (Re: مريم بنت الحسين)
|
والله بختك... بختك تب...
وان شاء الله أجازة سعيدة وسط الأهل والاحباب... نوّد ان نوجه عنايتكم الى رفع حالة الطوارئ الشمارية...حيث ان الكثيــــــــــــرين وانا أولهم سنكون لك بالمرصاد ولن نقبل بأقل من 100 ميقا بايت من الصوّر عالية الجودة...ولنا توفير المساحة والباند ودث .
بالله يا ريّس ما تنسي..أول ما تهبط الطائرة...تقولي كدى وتقشقشي دميعاتك...وتدى الواطة بوسة بضمير الأمة تعبيراً عن عودة الريّس المتمرد .
ولا أوصيك ان تبتعدي عن الشعب (الركشات) بقدر ما تستطيعي... ففيها الخبر اليقين... واما الأمجاد...فالحذار ثم الحذار من كرسي الشهيد... وزلط مدني الكسّر القلوب إيما تكسير... سلامي لل(جزيرة) والأم بي سي وكل الفضائيات التي ستحلون فيها... والله كريم ...سأكون مرابطاً فى غربة الغربة التى لا غربة بعدها...ولا موطن بعدها... وأقول قولي هذا وأستغفر الله العظيم لي ولك ولكل القراء الما مسافرين بس
1-التجارة الألكترونية. 2- الفكرة الجمهورية. 3- المسيحية. 4-الهوية.
الترتيب تنازلي...
موضوعات ستكون عالقة حتى تشرفّون مرة أخرى فى وقت رحيب..تكونوا كمّلتوا النوم وأتعافيتو من النزلة (هـــــــــــــــــــــاتشلن...والباقي فكة)
السلام أمانة: المهندس , ناجي الملك, دريمز,رجاء, ملكة سبأ,بت المطر, عاصم الفرحان,سمرية,بقية البورداب ممن لم القاهم وعيد سعيد مقدماً.
أنور
| |
|
|
|
|
|
|
Re: إجازة رسمية لمدة سبعة أيام.. لزوم الحملة الانتخابية (Re: حبيب نورة)
|
سلامات وعوافي كل سنة وانتي طيبة يامريم وخالص التهاني لكل الاهل بالسودان وحظك كدا ضربتي عصفورين بي حجر اولا اجازة وسط الاهل والاحباب والثانية انك ممكن تحضري مناسبة زواج اخت نادوس وتلاقي بورداب الدوحة هناك ..نادوس وابنوسة وصفر .. امنياتي لك بقضاء اجازة سعيدة وهنية رفاعة ..ليتك يامريم حملتي عني ثقل اشواقي اليها .. وليتك استطعتي حملها الينا.. رفاعة.. الف محبة وشوق.. وودي
| |
|
|
|
|
|
|
Re: إجازة رسمية لمدة سبعة أيام.. لزوم الحملة الانتخابية (Re: مريم بنت الحسين)
|
الإبنة الحبيبة مريم تحية وكل سنة وإنت طيبة، والوالدة والوالد والأخوان والأهل.. لنا عندك وصية وهي أن تذكرينا لدى زيارتك إلى الأحباب الذين رحلوا وأن تنشدي نيابة عنا في حضرتهم الروحية ما يشاء لك الله أن تنشدي، وأن تقرأي من القرآن ما يشاء الله لك أن تقرأي، وأن تذكري أخوانك مجتبى وامتثال والشريف وبشرى.. وأهو شوفتي كيف ناس عشة بت فاطنة وزولة123جابوا الصور كيف.. ننتظر الصور هنا وفي منبر الفكرة، ويا حبذا لو كانت في شكل بور بوينت..
عمك وخالتك ياسر وإلهام
| |
|
|
|
|
|
|
Re: إجازة رسمية لمدة سبعة أيام.. لزوم الحملة الانتخابية (Re: مريم بنت الحسين)
|
صرخه00 جميعنا نقف على حنين وذكرى00 و عندما نقف على الاطلال يشتعل فينا الحنين بلهب الذكرى 00 *المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00 كل عام وانتم بخير والسنه دى قبل الجايه تتحق امانيكم00 مريم بنت الحسين00
*عندى معاك كلام كتير بس ترجعى بالسلامه يامريم الاخرى000
| |
|
|
|
|
|
|
Re: إجازة رسمية لمدة سبعة أيام.. لزوم الحملة الانتخابية (Re: مريم بنت الحسين)
|
نبدأ بسم الله العزيز القدير...
د.سيجيمان... سعيده انا بتعليقك بدرجة كبيرة... أشكرك.. وسأحكي لك الكثير عن النيل بالليل في ذهابي وإيابي .. .. والله كان عيد رائع بشكل!
أنور كينج... اول شي شفته مما جيت من السفر بوستك بتاع (الحرده)... ما داير تسمع شمارات السودان؟
ناجي الزبير.. والله سعدت جدا بلقائك .. رغم ضيق الوقت.. وزحمة الأشياء.. لكن .. بركة الشوفه يا باشمهندس..
حبيب نوره.. الله يسلمك ... العيد كان جميل... كان بنكهة لقاء الأهل والأحبه.. بحكي ليكم.. بس آخد نفسي
ود رمليه.. لاقيت الرقم صفر في المطار وانا ماشه... ولاقيت نادوس وانا راجعه.. لكن والله عندنا عرسيين في رفاعه ما حضرتهم .. وفاتني ده بي الحوامه برضه.. ! رفاعه جوّها رائع.. استمتعته بيه جداً.. قضيت فيها يومين.. حووووومممممممممممممممممته لما قلت بس..
إيهاب الطيب.. مشيت زيارة لمتحف القصر.. شفته السيارات الركبوها الرؤساء السبقوني.. والله ما بطاله
أسعد إبراهيم وانت بخير وبالصحة والسلامه.. ربنا يحقق الأماني..
يمنه... عاد ما شفتي.. كعك العيد عمل حاجات كده مافي داعي نقولها.. ... أكلت كعك لما ابيت الأكل الساي.. وجيت شايله للحاجه هنا جردل ...
عمو د.ياسر.. خالتو إلهام.. ذكرتكم عند كل من زرتهم.. اكثر ما انعشني تلك الزيارات.. للأسف يا عمو ما أخدته معاي كميرا! شفته الروشه دي؟ انا أساسا قررتها فجأة..
عمو تاج السر,, شايفاك مولع مع بوستات هلال مريخ.. انا هلالبيه .. لدرجة كنت بلبس لبني وابيض على طول الخط.. فجأة كده بقيت محايده.. ... والله مريت بيها كتير خلاص.. انا خالتي الكنت نازله معاها ساكنه في الحاره التانية.. عشان كده بمر بي الحاره الأولى كتير.. وأقول ليك أكتر.. الشارع مقابل الشارع.. قطعت الظلط بس..
علاء الدين.. سلامات وتحية.. بختك ونص دي على وزن آه ونص؟ طبعا السوادنيين عندهم هوس اسمه نانسي عجرم.. بكل اعمارهم برددوا في اغنيتها دي..
معتز.. تسلم على اللوحه الرائعة (الكلامية والفنية)... في انتظار كلامك الكتير في العيد عيدي يا بلاش... .. ناويه احكي عن كل يوم بنكهه خاصة...
ناجي الزبير...
عمو عبد الله عثمان.. كانت اجمل هدية ذلك الوداع ,.. تقديمه لحدي خشم الباب
بنت الحسين
| |
|
|
|
|
|
|
|