|
Re: اخطأت يابكــــــــــــري..... (Re: WaD OmI)
|
يا دينق يا اخوي يا ريت لو كان توضح موقفك ورأيك في قرار الفصل الفردي من قبل أمين الموقع رأيك شنو يا دينق القرار بي الشكل ده من غير ما يكون في بوست من بكري يوضح فيهو أسباب الفصل مش فيهو شي من التعدي علي الديمقراطية ؟ ليه بنفش عن الهكرز وما بنفتش عن أسباب الحقد علي الموقع ؟ لو كنت انت في مجل جمال كنت عملت شنو ؟ مش كان برضو ح نطالب بكري إنو يوضح الأسباب لي العضوية ؟ وهوبفول هو الوحيد في المنبر البنبذ ؟ ولا يكون كبش فداء ؟ قرار بكري يا دينق اخوي في الفترة دي قرار ما حكيم وحتى لو كانت ليهو اسبابو البشوفها مناسبة لي فصل العضو جمال لأنو في النهاية بتعامل مع المنبر ك شي شخصي ما موقع اعلامي فيهو الحرية مرتبطة بي عنوان الموقع فوق ..
أكيد يا نوف أدين معاك تصرف الأخ بكري ونطالب بالتوضيح
ابنوسي
| |
|
|
|
|
|
|
Re: اخطأت يابكــــــــــــري..... (Re: WaD OmI)
|
دينق طيب رأيك شنو في إسلوب الفصل القرار من دون ما بكري يكلف نفسو بي كتابة بوست توضيحي للعضوية البتطالب ود امي انها ما تتكلم بي اسمها مش بكري فصل جمال برضو بي قرار فردي ما بي اسم الجماعة ؟ خليهو كان يطرح القرار علي الجميع ويؤيدالمؤيد ويعارض المعارض الاسلوب يا دينق الاسلوب
ابنوسي
| |
|
|
|
|
|
|
Re: اخطأت يابكــــــــــــري..... (Re: ASAAD IBRAHIM)
|
لو كان العضو جمال هو الوحيد من أساء فى هذا لبورد لكنا رحبنا بالقرار لكن ان يتم التميذ بين الاعضاء, نفصل من نشاء ونترك من نشاء فهذا هو الظلم بعينه
الاخ بكرى قوانين البورد غير مفعله, ولو جاءت على الاساءات فقد اساء الكثير هنا, فالرجاء اعاده النظر فى هذا القرار, وجزاك الله خيرا
وفى امان الله
لا اله الا الله
| |
|
|
|
|
|
|
Re: اخطأت يابكــــــــــــري..... (Re: bint_alahfad)
|
Quote: الاخ بكري ( امين ) الموقع
وان كنت اشك في معني هذه الكلمه ....
قمت بفصل العضو جمال لا لشي الا انه رد على اتهام وجه له
على العلن من الاخ دينق ونسب اليه فعلا مشين لم يقم به
وكلنا شهود على ذلك
|
كلكم منو؟؟؟ حددي .. وما تجمعي..لانو انا بشهد غير كده.. وما تعممي لانك انتي ما كل اعضاء البورد..اوكي؟؟؟؟
| |
|
|
|
|
|
|
Re: اخطأت يابكــــــــــــري..... (Re: WaD OmI)
|
Quote: لا انت يا راني تماما خارج النص هنا .....
فما تبع الجمع انت ..
بقصد كل الحضرو لقاء الموصلي بالبالتوك
|
لالالا يا بت الناس انا ما خارج النص ..لاني كنت هناك .. في البالتوك..وكنت داخل بالاسم دا.. Rani1100 . . فمن حقي مش اطالب بعدم الجمع؟؟؟..فحددي ناسك البشهدو معاك.. وما تقولي كلنا..لانو انا كنت معاكم..
| |
|
|
|
|
|
|
Re: اخطأت يابكــــــــــــري..... (Re: WaD OmI)
|
الاخ بكري الظلم قد يولد رغبات في الانتقام امنع الجريمة بمحاربة وازالةاسباب وقوعها كثيرون لم يسلكوا الطرق الشائكة الا بعد شعورهم بالظلم من المجتمع من حولهم
ان من اسباب الاعتداءات المتكررة على المنبر هو القرارات الخاطئة من طرفكم والتي احتلت المحسوبية فيها موقعا معتبرا
اتمنى ان تعمل على ازالة المظالم وكلنا بشر فلا تحجب اقوال البعض بصيرتك
ولنعمل سويا من اجل غد افضل ولكي تشرق الشمس من جديد
| |
|
|
|
|
|
|
Re: اخطأت يابكــــــــــــري..... (Re: الصادق خليفة)
|
والله يا نوف فيك عقل وشجاعة ما شفتها في الرجال حفظك الله ورعاك , اين اولئك الذين كانوا و كن يقيمون الدنيا ويقعدونها إن تعرض احد الادعياء أو تعرضت احداهن لكلمة جرحت المشاعر وليس الطرد الرخيص فيسودوا الصفحات بعد الصفحات في لعن السنسفيل والاستنكار غير القليل هؤلاء الذين لا يملون الحديث عن الانا والمؤهلات ، الجمعيات ، الاجتماعات واللقاْءات الجديدة عليهم عن حقوق الانسان حسب شروط صاحب المصلحة...أمال جمال موإنسان؟؟؟؟؟؟؟؟؟؟؟؟
| |
|
|
|
|
|
|
Re: اخطأت يابكــــــــــــري..... (Re: Frankly)
|
Quote: Quote: والمرة الوحيده التى تحدثت عنها رد عليك فيها العضو في بوست بعنوان رسالة الي بكري ابوبكر "راجع الإرشيف"
وضحد فيها حجتك في حينها [ |
تمام كده...........
اها يابكري ياود امي متين كانت ال3 انزارات راجع الارشيف بالله
نوف
| |
|
|
|
|
|
|
Re: اخطأت يابكــــــــــــري..... (Re: WaD OmI)
|
حاول الكوز هوبلس أن يقفز ويهرج على المايكرفون, ولكن كان الادمن له بالمرصاد, فتم طرده بعد التحزيرات أشد طردة. أنا ما عارف الشات الكوز ده مينو, لكن الظاهر كدارتو كانت سنينة. تحياتي للأدمنس الذين أدارو الغرفة ببراعة تامة. ،صار, أوسلي, أمدرمانية وأخيراً شوكولاته الرائعة. والشكر موصول للأستاذ الموصلى وأختنا سوزي صاحبة المكرفون الرخيص.
دينق.
ما هذا التهريج والكذب القبيح يا ايها الدينق المريض؟؟؟
كل من يعرفني علي البال يعرف من هو جمالsudani_ngnag وما هي اخلاقة ايها البائس الحقير .. الخ الخ من الكوته المعتاده..
HOPEFUL
بحكم اننى كنت احد مدراء الروم التى استضافت الموصلى اشهد بان الاخ جمال لم بحاول التهريج كما ذكر الاخ دينق وكل الحصل ان مايك الاخ جمال كان فى لحظة تجربه للصوت ودى نقطه لم ينتبه لها دينق .. ففى نظام البالتوك الصوتى هناك من يشتغل ب ال F9 وهناك من يعمل بال ctrl ودى حالة اخونا جمال .. فى هذه احاله اذا حاولت ان تعمل تست للمايك وانت داخل الروم فلا بد ان يكون مايك الروم بحوزتك وهذا ما حدث يومها والدليل على ذلك كل من فى الروم سمع جمال وهو يحسـب واحد . اثنين . ثلاثه أخونا نصار وجد فجأه انسان يقفز على المايك وقام بالواجب ولا يلام على تصرفه بعد ان اوضحنا لنصار ما فات علبه تمت اعادة جمال للروم وشارك الرقص مع المجموعه كما انه قدم مداخله جميله فىاللقاء
دينق من اقرب الناس لى وجمعتنا صداقه قويه عمرها اكثر من .3سنوات وصدقونى قد تعاملت مع مداخلته اعلاه كنوع من الدعابه الا ان مسار الاحداث عصف بالامور الى نتائج غير متوقعه
| |
|
|
|
|
|
|
Re: اخطأت يابكــــــــــــري..... (Re: WaD OmI)
|
الأخ بكري سيد الموقع سلام أتمنى منك أن تحرك ساكنا ولو بالتوضيح والرد على رد الأخ جمال في بوست سابق موجه لك يفنط فيه ما ذهبت إليه من توجيه ثلاثة إنذارات قبل إتخاذك قرار إيقافه نهائياً .
أبنوسي
| |
|
|
|
|
|
|
Re: اخطأت يابكــــــــــــري..... (Re: tabaldy)
|
فى نقطتين هنـا.. النقطــة الأولى هى إنـو عـدم تطبيق القانـون على زيـد لا يعفى عبيـد.. هـذه قاعـدة قانـونيـة بسيطــة غابت للأسـف عن كل الذين يحتجـون على فصل الأخ جمال لأن أخـرين إستعملـوا أسلوبـه لم يفصلـوا، فى الوقت الذى لم يعترضـوا على حيثيات القـرار نفسهـا. وكان عليهـم، إذا كانـو فعلا حريصــين على البـورد، أن يستفيـدوا من هـذا الحكـم ويطلبـوا تطبيقـه على من تنطبق عليهـم نفس التهمــة، بدل أن يـدينـوا فصـل الأخ جمـال. أو، أن يطالبـوا بتغييـر اللـوائـح حتى تسمــح بنشــر الشتائـم والنـبذ وخلافـه.. النقطـة الثانيـة المثارة هى الشفـافيـة وتسبيب الفصل من جانب الإدارة. وهـنا أعتقـد أن ما قالـه الأخ جمال موجـود فى البـورد، لا يزال لكل من يقرأه، ولذلك، أكتفت الإدارة بالإشـأرة إليـه بصــورة واضحـة، دون ذكـر العبارات نفسهـا التى كانت سببـا للفصـل. وكان يمكن مناقشــة تلك العبارات، ومدى توافقهـا مـع لوائـح البـورد.. ثم الإحتجاج بعـد ذلك، إذا إتضـح أنهـا تتفق مـع اللوائـح، الإحتجـاج على الفصـل.
| |
|
|
|
|
|
|
| |