|
قرنفل يتأبط عروســــــــــته بيمينه
|
قلت وما تلك بيمينك يا أحمد سعيد ( قرنفل ) ؟ قال تلك امرأة أحببتها ، وأحبها ، وسأظل أحبها.. في الرياض فاجأنا الزميل الغالي أحمد سعيد ( قرنفل ) بعودته المختلفة عن كل عوداته السابقة ،، فقد كان القرنفل يجوس خلال الديار الإفريقية وحيدا ، ويعود إلينا وحيدا ، إلا من ذكريات يسجلها لنا عبر المنبر من حين وآخر ،، لكنه هذه المرة وكعادته اتجه أيضا إلى أمنا إفريقيا ، وبعد أن قبّّل رأسها ، وكتفيها ، ورجليها ، عاد إلى قلبها ،، وفي السودان توج العشق ، وخطفه سريعا إلى أديس ،، وهناك تحت أمطار أديس وغيومها وجوها الرائع أفرغ شحنات العشق اللامنتهي ،، ثم عاد إلينا في الرياض ، لتعقد الدهشة ألسنتنا حين رأيناه يتأبط نصفا آخر ،، قرنفل حاليا ليس عازبا ، هو عائلة ، والعوائل لها وضع مميز بالرياض ،، وعيني باردة على عائلة قرنفل ،، عصفورين في حديقة .. ألف مبروك للقرنفل ، وألف مبروك لبورداب الرياض تلك النسمات القرنفلية التي تأتيهم من جنبات الرائع ، الإنسان ، حلو المعشر ، طيب القلب ، أحمد سعيد ..
ولو ملاحظين الرياض الأيام دي تعيش أفراحا لا تنقطع ..
|
|
|
|
|
|
|
|
Re: قرنفل يتأبط عروســــــــــته بيمينه (Re: ودقاسم)
|
Quote: قلت وما تلك بيمينك يا أحمد سعيد ( قرنفل ) ؟ قال تلك امرأة أحببتها ، وأحبها ، وسأظل أحبها.. |
وفى رواية اخرى قال تلك قرنفلتى اتوكا عليها لتصلنى بكم وتتوكا على حتى تصلكم ونقول يا احمد خذ المدام بقوة....
وبعدين يا ود قاسم احمد حنين ده مزعج بالله اتكلم معاه لما المدام تاخد راحته شويه وبعدين نقوم نمشى مشى (جماعى سكوتى)بمعتى صمت عشان حمزاوى وترهاقا وابو جهينة ما يفهموها سكوتى من (السكوت والمحس) بالعربى ادوها نفس ما تشبكوهم زيارات وتمرقوا للبنية الحنة بى غسيل العدة الكتير،،،
اخر حاجة دامت القرنفلاية يا قرنفل وقرن نرجس،،،
| |
|
|
|
|
|
|
Re: قرنفل يتأبط عروســــــــــته بيمينه (Re: Raja)
|
الحبيب قرنفل
والله سعدت ايما سعادة بهذا الخبر الجميل وودقاسم دايما بيجينا بى اخبار جميلة ولو إنو زى ما قال الحبيب احمد حنين فى حاجة كدى طايرة ليهو فى راسه وراسى كمان ، غايتو كدى خلص شهر عسلك بدون إزعاج بورادب الرياض وبعدين عندنا كلام تانى
والف مبروك وبيت مال وعيال
| |
|
|
|
|
|
|
Re: قرنفل يتأبط عروســــــــــته بيمينه (Re: ودقاسم)
|
.. . عزيزى الفاضل المهندس المبدع الزول الراقي ذو الادب الجم والحديث المهذب
لو كانت هناك اشياءا اكثر تعبيرا من كلمة مبروك لفعلتها والله لم اسمع الا ما قراته هنا لك التهنئة دوما وحياة سعيدة وموفقه وان شاء الله بيت مال وعيال .. وبصراحة خنتنى فى سفره اديس ابابا دى .. بس خلينى اشوف لى فردة ونعيد لك شهر عسلك ..
وفقكم الله
يا هوووووى ( الكنت خال ) الواحد تانى ما يقدر يقول ليك يا خال جايب لى صورة بالخنفس وقميص تحرمنى وشنبك ما خاتى .. بقيت اصغر مننا والله حصوصا بعد الدقن البيضت دى!! آها حرقت ليك ورقك .. الا ترجع لمدام فوزية عموما هى راضية بيك كدا يا حبيب قساها
تحياتى وبقيت زى كراسي كزام يا متعهد افراح الشمالية بس اتذكر يوم عرسي
| |
|
|
|
|
|
|
|