|
Re: الخميس 10-6 ميادة عروس ، وفي إضنيها الخروس (Re: ودقاسم)
|
خالنا العزيز ود قاسم
صبحك الله في رضاه ،، سأنقز وانط لافوق واقيف في اول صفوف المهنئين لأبارك للعروس الاخت ميادة الف الف مبروك مقدما وربنا يتم علي خير ، ويرزقها بالذرية الصالحة ويمنحها السعادة والهناء والعاقبة عند كل عذابة البورد ،، وانا أولهم
| |
|
|
|
|
|
|
Re: الخميس 10-6 ميادة عروس ، وفي إضنيها الخروس (Re: ودقاسم)
|
الاخ ود قاسم والله الـــ1000ــف الـــ1000ــف مبروك لعروس البورد ميادة فرحنا ليها كثير ميادة لانها اختنا وبتستاهل اكثر من الفرح عرفناه من خلال البورد خصوصاً نحن بورداب الرياض لمشاركتها في اغلب المناسبات التي جمعت الاخوة في بورداب الرياض ولمشاركتها من خلال البوردات الخاصة بالموقع والتهنئة موصولة للاهل في السودان وفي المملكة خصوصاً وفي مدينة الرياض على وجه الخصوصية وانشاء الله بيت مال وعيال لك ولفارسك المغوار، وعقبالنا نحن وبقيت عزابة البورد يلا شدو حيلكم يا جماعة ما بقي ليكم وقت كثير الزمن ضد الكل فيلا جميعاً نهنئ ونبارك للاخت ميادة اولاً ثم نبارك لانفسنا ثانياً ونبارك لبعضنا البعض ثالثاً واخيرنا بالعديل والزين
أخوكم وليد احمد عبد الله
| |
|
|
|
|
|
|
Re: الخميس 10-6 ميادة عروس ، وفي إضنيها الخروس (Re: ميادة)
|
Quote: انا بتذكر اني مرة قريت انك عرست او خطبت او حاجة زي كدة، صح الكلام دة ولا ماغلت؟؟؟ |
ووووووووووووووووووووووووين الكلام دا انشاء الله ربنا يسمع منكم، دي كلها اشاعات مغرضة وكلام عوازل
الشماته عاوزين يطير مننا العروسات ولا شنو
طيب حتى لو دا كان حاصل لابد ان تعلمي في هذا الزمان "زوجة واحدة لا تكفي"
الوالي
| |
|
|
|
|
|
|
Re: الخميس 10-6 ميادة عروس ، وفي إضنيها الخروس (Re: ودقاسم)
|
ألف مبروك لي زينة الكواكب ألف مبروك لنوارة البورد ألف مبروك للبيزفوها بالشمعات والورود الف مبروك لمياده بنت الاكابر بنت الشيوخ بالعديل والزين مياده يانوارة يا ست الذوق والادب هنيئاً لسعيد الحظ بك والتهنئة موصولة للخال ودقاسم
| |
|
|
|
|
|
|
Re: الخميس 10-6 ميادة عروس ، وفي إضنيها الخروس (Re: ودقاسم)
|
الزملاء الأماجد لكم الشكر الجزيل ، ميادة تقدر مشاعركم الطيبة ، لكنّ المشغولية تمنعها عن الدخول للرد عليكم واحدا واحدا ،، عموما هي تعلن عن شوقها لمعانقة حروفكم ، ولملامسة أيديكم واحدة تلو الأخرى ،، وأكيد هي جاية .. ويا ود الشيخ ،، أنا مش خال خال ،، إنما أنا خال ..
| |
|
|
|
|
|
|
Re: الخميس 10-6 ميادة عروس ، وفي إضنيها الخروس (Re: بلدى يا حبوب)
|
الف مبروك للاستاذة ميادة وعقبال الفرح الاكبر وهي محظوظة حتتزوج بعد نيفاشا لو كان قبلها كان اولادها طلعوا عنصريين . المهم يا ود قاسم ما تنسونا في الحفلة الكبيرة وياليت المرة دي توصفوا لينا الاستراحة بطريقة كويسة عشان ما نتوه وحبذا لو تكون الحفلة في استراحة الشمس عشان طريقها واضح وبعيدة عن المطاوعة وعقبال لبقية العزاب من بورداب الرياض والبورداب عموما
| |
|
|
|
|
|
|
Re: الخميس 10-6 ميادة عروس ، وفي إضنيها الخروس (Re: ودقاسم)
|
ميادة تهانينا وربنا يتمم على خير وينزلكمنزلا مبروك .. وين الحفلة لزوم الضهب انا وود الشيخ نجي نتكل في اخر الصيوان نشوف وزيرة العروس كان بترضى بي ود الشيخ نتخلص منها ...
ود قاسم
Quote: يتشرف آل الإمام المهدي وآل الخليفة علي ود حلو وآل الخليفة عبد الله التعايشي بعقد قرآن ابنتهم ميادة وذلك في يوم الخميس 10 يونيو 2004 الموافق 22 جمادى الأولى 1425...)
|
ود قاسم سمعتا اخر نكتة قالو في اتحادي الايام دي شغال امين امانة المراة والاعراس لي حزب الامة.... تهاهاهاهاهاهايا دي والله عايزه ليها قعدة
| |
|
|
|
|
|
|
Re: الخميس 10-6 ميادة عروس ، وفي إضنيها الخروس (Re: DKEEN)
|
دكين
Quote: ود قاسم سمعتا اخر نكتة قالو في اتحادي الايام دي شغال امين امانة المراة والاعراس لي حزب الامة.... تهاهاهاهاهاهايا دي والله عايزه ليها قعدة |
إنت أقعد نكّت كده لمّن الشيب يغطي راسك ، والحاجات الحلوة تفوتك ، تعال لينا في الاتحادي أو الأمة عشان نلمك ونديك عروس ..
| |
|
|
|
|
|
|
Re: الخميس 10-6 ميادة عروس ، وفي إضنيها الخروس (Re: ودقاسم)
|
.. . الأخت الفاضلة / ميادة
الـ 1000ـــــــف مبروك وأن شاء الله بالرفاء والبنين والميادات
وفقك الله واسعدك دوماً ..وتستاهلى كل خير
شكرا يا خال للخبر .. بس ما جاتنا كروت ؟؟
خارج إطار الفرح وليد احمد عبدالله كم صغير هذا العالم ؟؟ انت وليد الحلبي بتاع خورطقت والخوازمى امروابة وكلام كتير نقول اخر الليل سوا ..
دمتم
| |
|
|
|
|
|
|
Re: الخميس 10-6 ميادة عروس ، وفي إضنيها الخروس (Re: Tabaldina)
|
لكن يا ود قاسم العريس ده عارف انو ميادة عندها ثلاثون اخ شقيق وهم بورداب الرياض
وقدرهم اضعاف باقى البورداب...عشان ما شاورونا لكن ما دام انت وحمزاوى كبارنا
باركتوا لا نملك الا ان نقول عديل وزين والف مبروك ميادة...وعقبال البكارى..وبينى
بينك يا ود قاسم ميادة بتقدر على الحبسة من البورد... غايتوا الله يصبرها،،،
| |
|
|
|
|
|
|
Re: الخميس 10-6 ميادة عروس ، وفي إضنيها الخروس (Re: ودقاسم)
|
هللت ليالينا وعمت بشائرنا ودام الفرح لينا
واحد ظريف يصلح البيت الفوق دا وينزل الأغنية من مصادرها الأصلية.. فالحدث هام والزولة تستحق :::
الأخت العروس ميادة: مرحانين بيك يا زينة البنات .. ربنا يتم ليك بالخير وعلى أحسن حال .. ويبارك ليك في زوجك يبارك لي زوجك فيك ..
التهاني موصولة لجميع أهلنا الأنصار في الحضر والبادية ..
شكراً العم ود قاسم .. دائماً شايل أخبار الفرح إن شاء الله ..
جاد
| |
|
|
|
|
|
|
بخيت وسعيد (Re: ودقاسم)
|
الأخت العزيزة / ميادة
الـ 1000ـــــــف مبروك وأن شاء الله بيت مال وعيال بخيت وسعيد
| |
|
|
|
|
|
|
Re: الخميس 10-6 ميادة عروس ، وفي إضنيها الخروس (Re: ودقاسم)
|
مبروك للأخت ميادة..جعله الله بيتاً عامرا بكل خير الدين والدنيا.. وجعل الله التفاهم بينهما والمحبة والتقدير في مسيرة الحياة هذه القصيرة الطويلة.. نسأل الله أن لاتصرفها أمور الحياة عن مساهماتها بقلمها الموزون عاطر المداد ذو النكهة المميزة في اللغة وفي طرح المواضيع، وأن يتفهم العريس ذلك المد الضافي منها لأخوانها وأخوتها في منبر السودانيين هذا.. مباركتي والتهاني القلبية والتمني بالديمومة والصيرورة في السعادة وبالسعادة.. صديق منصوري
| |
|
|
|
|
|
|
Re: الخميس 10-6 ميادة عروس ، وفي إضنيها الخروس (Re: البعيو)
|
يا ود قاسم ويا ميادة الليلة الاربعاء 9/6 وبكرة يوم الفرح وحتى الان الدعوة ما وصلتني بس ما مشكلة ميادة زولة عزيزة علينا والواحد ممكن يجي بكراع كلب عادي وبعدين ميادة شنو كاتبة Married في البروفايل ما تروقي شوية يعني ما تخلي القفص الذهبي يدخل فيك احسن انتي تدخلي فيه. عموما بس عايزين الكروكي بتاع الاستراحة وانشاء الله تلقونا متضهبين وجايين من العصر غداء وعشاء والله يتمم بخير
| |
|
|
|
|
|
|
|