العاشر من صفر، الموافق 22 ديسمبر، عيد الشهيد نبي السلام، هابيل

Quote: عزيزي احمد أمين تحياتي قرأت مداخلتك الأخيرة بتاعت السعودية والمسعودية ويقني إنو في فروق جوهرية كتيرة بين المسعودية والسعودية ، من ناحية بتاعت قراية علي الأقل في تقديري المسعودية تتفوق علي السعودية ستة صفر في حكاية الثقافة والمجتمعات التي تنشد القراية والتطلع ، ده غير انو ما المقارنة من اساسها ما منطقية كون أن السعودية دولة والمسعودية قرية ترقد بإطمئنان داخل ولاية صغيرة تدعي ولاية الجزيرة .نجي لي تاني هام (2) نشأة محسن إسفيرياً ليست علي الإطلاق خصماً في رصيد ما قدمه محسن للرواية السودانية (ده) غير إختلافي معاك في الموضوع بتاع انو العلمانيين بشجعو اللعبة الحلوة من طرف . محسن ده قدم نفسوا ككاتب للناس وبالتالي قدم جهده في هذا المجال لوجه الكتابة لا غيرها . لم يخصص كتابته للعلمانية او لمدرسة فكرية بعينها بقدرما خصصها للقراء . القراء الأنا مثلاً كنت من ضمنهم بقرأ حكاية البنت التي طارت عصافيريها وأناقش بها من حولي من الناس في وقت لم أتلمس فيه توجهاتي الفكرية غير ان رواية بشري كانت تستهويني مثلاً . (3) نشوء بشري في بيئة غير اسفيرية لا يعطيه الأفضلية علي الاطلاق عن كتاب وروائيين نشأوا في بيئات مختلفة . عاد ده كلام ؟ (4) في مقارنتك بين بشري الفاضل ومحسن وتشبيهك للثاني بأنه قارب صغير ـ لا أدري حقاً أي منهج إستخدمته للوصول لهذه النتيجة ؟ (5) حديثك عن ابداع بشري في كونه لم يبدع كعلماني أو ديني كما تفضلت لا ينتقص من قدرما قدمه محسن من أعمال ا . وثمة حاجة عايز اقولها هنا يا أحمد أمين بخصوص حديثك حول (كعالماني أو ديني) هل العلمانية مناقضة للدين مثلاً ؟ أو هل العلمانية التي حللت بها قراءاتك لأعمال بشري هي الشكل الموازي للدين؟ بحيث يستدعي ان يستصحبه مثقف مطلع مثلك للاستشهاد عن تفوق بشري الفاضل علي محسن خالد ؟ (6) بخصوص حديثك أن محسن خالد لن يجد جمهوراً بعد ركله العلمانية في تقديري حديث يستوجب الغسل . غسل شنو يازول ده محتاجلو غسل وكفارة . في ناس ماعلمانيين ولا طقشت اضنينهم العلمانية ومبدعين ؟ في ناس حسب تصنيفك وقراءتك المخلة للعلمانية كمقابل موضي للأديان مبدعين .... يازول في ناس من اساسو كدة رموا بذرتهم في الحياة دي دون ما يلتفتوا لحكاية الاديان دي ومبدعين ساااااااااااااي لوجه الابداع رأيك شنو ؟ فيازول علمانيتكم دي محتاجة لغسل جنابة عديييييييييييييييييل .