|
هلال وداد واستنوا الجايكم يا مريخاب
|
التهنئة لكل المريخاب المعتدلون والمتطرفون فكأس السودان رقم لا يمكن تجاوزه ومهما يقلل البعض من مكانته فهم واهمون فيكفى ان اسم السودان ارتبط بالكأس فالحمد الله تعادلت كفتى القمة بكأس الممتاز والسودان وكده يا احباب القمة النتيجة درون فى الكاسات عام 2005. مباراة كأس السودان الاخيرة كان فيها الكثير من الدروس والعبر ويمكن ان يطلق عليها مباراة العصر السودانى واقول لمن يسجوا الحروف لتكتب والله نحنا ما عندنا كورة ومافى داعى ووووووو. المهم البعرفه انا الكورة كغيرها من الاشياء تأثرت بالتردى والدعم والاادرات وتعين رجال الاتحاد ولكن ده قدرة الله ناس تهوى الحفلات والكازيونات والبعض الرحلات واخرون قراية الجرائد والمقالات اصلو ده مسلسل.. المهم بقول لناس الكورة وعشاق مزمل ابوالقاسم وابوشنب ورمضان ده كورتنا ونحن ناسه وحكمة الله بقت لينا هواية فى هذا الزمن الذى اصبحت تمر فيه الهوايات بالقرب من الشباك وازدهرت الشمارات تعالوا نستفيد من دروس القمة السودانية خصوصا مع بداية التسجيلات اضافة الى قرب موعد مباراة الهلال والوداد. فريق المريخ محتاج الى عربات امجاد وركشات ومواتر حركة طبعا هنالك الكثير من الاشراقات وخاصة فى منطقة الدفع الخلفى بس الدفع الامامى عمره قصير وكفاية تعمير مكنات اللوارى والقلابات وحتى البكاسى موديل 70 بعد ما ظهرت النوبيرا والكامرى والباسات بصراحة اصبحت ما عربات والله شنو يا مريخاب . اما فريق الهلال برضو الصيانة لبعض الموديلات حرم ما بتجيب فايدة وحرام عليكم عربات التيكو والاتوس الموقفنه فى القراشات وبرغم من وجود العديد من الموديلات الا ان بعض مكنات الدفع الامامى بتوحل كتير والدليل كاس السودان فى استاد المريخ . فريق الهلال مشكلته بعد يومين مع الوداد واجمل مافى الموضوع انو المريخاب المتطرفون فى اجازة كروية بعد نهاية الموسم ويحلو لهم مكايدة الهلالاب والداير اقولوا استنوا الجايكم يا مريخاب تحياتى
|
|
|
|
|
|