|
|
 Re: بين عمر الفاروق وعمر المختار ..وعمر البشير (Re: AMNA MUKHTAR)
|
الاخت امنه مختار
تحيه واحترام
ورمضان كريم
دى محاوله بسيطه لتحليل شخصية السيد عمرالبشير رئيس الجمهوريه..
فى البدايه كان عسكرى مثله مثل اى عسكرى حريص على وطنه
ويرى الامور ابيض او اسود.. عدو او حبيب...
اها قام اتلمى فى الشيخ الترابى...وبصرامة العسكريه العندو
ذاد ليها خطرفات الترابى ..السيد البشير كان بشوف اى موظف مسكين
غير جبهه اسلاميه خطر على الاسلام ويجب احالته للصالح العام..
واى تاجر مكافح فى السوق غير منظم جبهه اسلاميه يجب افلاسه
ليحل محله احد المسلمين المنتظمين فى صفوف الجبهه..
اما المعارضه الرسميه فهم اعداء للاسلام و السودان عديل ولا يحتاجو
لتبرير لعقابهم..
فى الفتره دى ظهر البشير الدبابى ..المجاهد ...
بعد فتره.... تم بيع الشيخ الترابى بثمن بخس و"اتلحم"رئيسنا
مع السيد على عثمان محمد طه ..وتغيرت شخصيه البشير لزول بتاع
تسويات ولعب دقاقه ..تحت تحت..
وتم بيع معلومات جماعه بن لادن للامريكان وتحسنت العلاقات الاستخباريه
بين البلدين ..وجاءت اتفاقيه السلام بفضل سياسة اللعب "الدقاقه"
المرحله التالثه ناس الحركه الشعبيه
يبدو لى ان اخوانا فى الحركه فطنو ان احسن طريقه يتعاملو
مع السيد الرئيس هى المسايسه و طريقة شويه شويه وحبه حبه..كلمه هنا
و كلمتين هناك..وشويه دغدغه للمشاعر ...
ومصيرهم فى الاخر حياكلو راسه و حيتخلص من على عثمان
الزول فى الاخر ..راســـــــه خفـــــــــيٌف
|
|
 
|
|
|
|
فيس بوك
تويتر
انستقرام
يوتيوب
بنتيريست