|
نظرتي في الرجال ما بتخيب ::: تمبس مثال
|
تمبس ::
سيف سنين يوم الوقعة..
حصان أصيل سريع الفزعة ..
تقابة متلعبة بعد الهجعة ..
حبة سلفة عند الوجعة..
... قابل للإضافة يا الربع ..
ياأخوانا تمبس تولى عني التحري في قضية الانتحال التي تعرض لها اسمي .. وقام مقام لا يقومه إلا الرجال حتى وضعت الأمور في نصابها ..
حيوه معي بالله .. فإنه يستحق الكثير ..
أخوكم ..
جاد
|
|
|
|
|
|
|
|
Re: نظرتي في الرجال ما بتخيب ::: تمبس مثال (Re: JAD)
|
والله يا حميدة يا ولدي ما دام أنك عرفت حبة السلفة ما بتغلبك التقابة
لكن برضوا بشرح ليك:-
تطلق التقابة في السودان للنار التي يستضاء بها لقراءة القرآن في الخلاوى ..
وقد استعرتها للنار التي يوقدها العرب ليستدل بها الضيف إلى مضاربهم ..
وهي كناية عن الكرم ..
والهجعة هي النوم .. يقال هجع الناس إذا أووا إلى مخادهم أو مراقدهم ..
ولكن كرماء العرب حتى لو ناموا فإن نارهم تظل متقدة مظانة أن يمر بهم ضيف أو صاحب حاجة وهم نيام فيمر بديارهم يحسبهم إيقاظاً..
دي واحدة بس من صفات تمبس ..
| |
|
|
|
|
|
|
Re: نظرتي في الرجال ما بتخيب ::: تمبس مثال (Re: JAD)
|
الاخ العزيز جاد ....
دخلت لبوستك هذا خلسة متنكرا حتى لا يراني المتجمهرين بالخارج ليفتكوا بي .. وكل ذلك كي أقول لك حمدا لله على سلامة العودة ....
صنفرة :
لا استطيع الكتابة اكثر من ذلك لظروف امنية ولو جا زول عيونو حمر ، سنونو صفر سألك مني وقال ليك ناذر جاك هنا أنكرني طوالي
| |
|
|
|
|
|
|
Re: نظرتي في الرجال ما بتخيب ::: تمبس مثال (Re: JAD)
|
جاد الجاد.. حمد لله علي السلامة .. تمبس راجل نموذج لي أولاد أمدرمان .. بس تعرف عيبو الوحيد شنو ؟؟؟ بقا سميييييين ياخ .. لو عايز تخدمو بي الجد وترد الجميل أعمل شيرنق مع الشباب عشان نجيب لي تمبس بناطلين جديدة مقاس 42 ( ما تتلخبط ده مقاس البنطلون ما الجزمة )..
| |
|
|
|
|
|
|
Re: نظرتي في الرجال ما بتخيب ::: تمبس مثال (Re: JAD)
|
الأخ الكريم عادل فضل المولى ..
مرورك على هذا البوست هو لنا أجمل تحية ..
أسأل الله أن يعتقنا من النار ويدخلنا الجنة ومعنا الأحباب .. نتجرجر على كيفنا بين القطوف الدانية .. نقمرش في ثمار الجنة الرهيبة المرعبة .. والله تلقاها بذور ما فيها .. يعني تضرب الكرزة وإنت مطمئن
غزير الشكر ..
| |
|
|
|
|
|
|
Re: نظرتي في الرجال ما بتخيب ::: تمبس مثال (Re: JAD)
|
أخي عمر الفاروق ....
تقبل مني بدءاً أعطر التهنئة بمناسبة زواجكم الميمون .. جعله الله زواجاً مباركاً وتوجه بالبنين الصالحين ..
تعرف بدل نشتري المقاسات الكبيرة دي خلينا نبرمج ليهو جكة ثلاث مرات في الأسبوع .. بعد أسبوعين تلقاه جيت نزل لي علبو ورجع لبناطلينو القديمة .. النسى قديمو تاه
يا تمبس ما تكتر في الحلويات يا مولانا ..
جاد
| |
|
|
|
|
|
|
Re: نظرتي في الرجال ما بتخيب ::: تمبس مثال (Re: JAD)
|
اخوي جاد ... الجاتك في باصوردك سامحتك .. واهلنا قالوا العترة بتصلح المشية .. اصبر علي شوية بجيك بي رواقة .. والكلام عنك داير ليهو زول ( فاطر ) لانو بيعطش وانت براك عارف رمضان من تاني يوم دخل العضم ... لك تفديري ......
| |
|
|
|
|
|
|
Re: نظرتي في الرجال ما بتخيب ::: تمبس مثال (Re: JAD)
|
الحبيب أساسي .. إنت ما خلاص اتخزنت في الذاكرة في الهارديسك .. وسوف تثبت لك الأيام أن معرفة ما كل من النوع أم بناياً قش ::
إن شاء الله خلاص الزنقة انفكت ياخي؟
العلة في زمني الشاغلني عن الأحباب ..
زمني ضيق وكنت أتمنى والله أن ألبي دعوة قدمت يوم يوم الخميس الماضي ..
ولكن بإذن الله الجايات أكتر من الرايحات ..
تعرف الغربة ما عرفنا شيء أقيم من معرفة الرجال ..
جاد
فعاوزين نزيد رصيدنا وخايفين من التقصير ..
| |
|
|
|
|
|
|
|