|
Re: ما اروع الشعب اليابانى- نعم هم اهل حضارة (Re: saadeldin abdelrahman)
|
لا لا أبداً ما قاصدك يا سعد الدين عبد الرحمن. أنا بتكلم عن الوليمة الرمضانية دي، لأن روعة الشعب الياباني تتجلى في أصعدة أخرى لا تُحصى .. ولا تمثلها الإدارة اليابانية (الحكومة). وهذه الوليمة أنا متأكد إن الشعب الياباني ما سمع بيها لحد الآن.
هذا عرف دبلوماسي (علاقات عامة في الأساس) جاف وحاف من أي روعة .. ومحسوب بالمصالح لا غيرها. الإدارات اليابانية منذ زنقة النفط الأولى وشغالة تفرفر وتجقلب عشان تلقى ليها جُغُب تدخل بيه وتثبّب وجودها في الشرق الأوسط .. حيث الزيت والزفت. أكثر من 90% من واردات الزيت اليابانية جاية من الشرق الأوسط (قرى الخليج المتصالحة). عشان كده الإدارات اليابنية مشغولة ليل ونهار بالتفكير في إيجاد موطئ قدم هناك حتى لا تأكلها الحيتان السمان .. وبقت الإدارات اليابانية كل يوم مطلّعة ليها مبادرة للشرق الأوسط، وكل يوم خميس مرسلة ليها مبعوث عشان يعوس في الشرق الأوسط، وكل يوم جمعة تظبط ليها وليمة كاربة لسفراء النفط وبالمرة كدي تشمل معاهم سفراء مسلمين آخرين عشان الدايرة تكبر وتشابك العلاقات الإسلامية النفطية اليابانية يبدأ يثمر ويليّن قلب شيوخ النفط ويتكرموا لليابان بشوية امتيازات نفطية.
هذه الوليمة في وادي وروعة الشعب اليابني في وادي بعيد. عشان كده قلت ليك الشغلانة عبارة عن جزء بسيط من حملة علاقات عامة بدت من قرصة الدابي النفطي بتاع السبعينات داك (ولم يحالفها التوفيق في الغالب الأعم؛ لأن جاموسة قاعدة وما بتحب يلعب معاها زول). لكن خدها مني .. لو زيت الخليج ده انقرض لومني لو كوئزومي ولاّ غيرو يشدّ ليه حلّة عدس لسفراء الشرق الأوسط.
اليابان مخنوقة والقصطرة البتتنفس بيها ما متوفرة الآن إلا في الشرق الأوسط .. ويومها التلقى ليها مخرج نفطي آخر .. حتدي سفراء النفط كتحة في خشومهُن وتشوف مصالحها وين. دي بلد قايمة على حسابات الربح والخسارة وبس .. ما في شيء تاني. أقصد الإدارة طبعاً، وهي بتمثل مصالح الشعب في النهاية .. ومصالح الشعب الياباني زيت في زيت في زيت. باقي الحاجات التانية كلها عندهم متوفرة وزايدة؛ البصل والشمار والكسبرة والملح والويكة .. دي كلها أبدعوا وبدّعوا في انتاجها .. بس الزيت ما قدروا يلموا فيه إلا عند ناس الشرق الأوسط ديل والشيء ده لازماه مفاوضات وعلاقات عامة ودبلوماسية شعبية وولائم ورحلات ومتاحف ومعارض وحفلات ومرايس. هذه هي نظرتي لوليمة الشيخ كوئزومي آنفة الذكر.
طيب إيه رايكم في جورج بوش المشى زار المسلمين في بيوتهم وفي مساجدهم وقعد معاهم في عناقريبهم. عليك الله دي مش حاجة أكبر بكتير من حكاية الإفطار ده؟. أها بقى نقول بوش رائع ولاّ الشعب الأمريكي رائع؟. كضباً كاضب.
أما لو جينا للشعب الياباني .. فهذا موضوع آخر ومختلف شديد. وباختصار .. لم أر ولا أظنني سأرى أروع من الشعب الياباني. وباختصار تاني .. لو في حاجة اسمها شعب الله المختار حيكون الشعب الياباني. لكن الواحد لو داير يفهمهم بعمق حينفق بقية حياتو ويموت وفي نفسه شيء من خبايا اليابان.
جزاهم الله خير.
|
|
|
|
|
|
|
العنوان |
الكاتب |
Date |
ما اروع الشعب اليابانى- نعم هم اهل حضارة | بلدى يا حبوب | 10-25-05, 11:47 AM |
Re: ما اروع الشعب اليابانى- نعم هم اهل حضارة | saadeldin abdelrahman | 10-25-05, 05:14 PM |
Re: ما اروع الشعب اليابانى- نعم هم اهل حضارة | Shinteer | 10-25-05, 05:30 PM |
Re: ما اروع الشعب اليابانى- نعم هم اهل حضارة | saadeldin abdelrahman | 10-25-05, 10:05 PM |
Re: ما اروع الشعب اليابانى- نعم هم اهل حضارة | عبد الناصر الخطيب | 10-26-05, 02:05 AM |
Re: ما اروع الشعب اليابانى- نعم هم اهل حضارة | Gaafar Ismail | 10-26-05, 09:54 AM |
Re: ما اروع الشعب اليابانى- نعم هم اهل حضارة | saadeldin abdelrahman | 10-26-05, 12:49 PM |
Re: ما اروع الشعب اليابانى- نعم هم اهل حضارة | Shinteer | 10-26-05, 06:03 PM |
Re: ما اروع الشعب اليابانى- نعم هم اهل حضارة | ديامي | 10-26-05, 07:47 PM |
Re: ما اروع الشعب اليابانى- نعم هم اهل حضارة | Gaafar Ismail | 10-26-05, 10:45 PM |
Re: ما اروع الشعب اليابانى- نعم هم اهل حضارة | Gaafar Ismail | 10-26-05, 10:46 PM |
Re: ما اروع الشعب اليابانى- نعم هم اهل حضارة | Gaafar Ismail | 10-26-05, 10:48 PM |
Re: ما اروع الشعب اليابانى- نعم هم اهل حضارة | بلدى يا حبوب | 10-27-05, 08:11 AM |
Re: ما اروع الشعب اليابانى- نعم هم اهل حضارة | saadeldin abdelrahman | 11-07-05, 09:38 AM |
|
|
|