|
|
 Re: مَنْ مِن شعوب الأرض يفعل هذا سوى السودانيين (Re: الزوول)
|
السلام عليكم
(2)
نعم لقد جعل الله من بين أيديهم سداً وأغشى أبصارهم
وماذا بعد
وها هو وأمه وأخته في مطار جدة وقد حار دليلهم فيما يفعلونه.
أحسّ بنظرات السوداني ذو العمة الضخمة والوجه البشوش تتفحصه فاشاح بوجهه جانباً يفكر ..
أفضل الحلول هي أن يتصل بأخوته بالأمارات كي يتحصلوا بعض أرقام التليفونات الصحيحة ، ولكن من أين له بريالات الأتصال وشيكاته لا تسوى شيئاً كما أخبره الموظف.
السلام عليكم يا الأخو ...تلفت ليرى السوداني ذو الوجه البشوش قد نهض من مقعده وأتجه صوبه
وعليكم السلام ورحمة الله
انتو منتظرين زول جاييكم؟
الحقيقة لا ...أجاب مقتضبا
الحاجّات ديل معاك ؟...اشار ناحية أمه وأخته
أي معاي..
أها ....جايين من السودان؟؟
قرر أن يعطي الأجابة الكاملة ليختصر الأستجواب
أي جايين عمرة لكن الشيكات حقتنا قالوا ما بتنصرف الا يوم السبت كان ما طلع عيد والتلفونات حقت قرايبنا الفي جدة طلعت تلفونات شغل أو غلط
أها ...حا تعملوا شنو؟؟
والله لسع ما عارفين ...قلنا يمكن نلقى زول يعرف قرايبنا الفي جدة ديل..واذا ما لقينا حا نقعد هني لبكرة لامن يحلها ربنا عشان انت عارف بكرةيمكن يكون أخر يوم في رمضان ولازم نمشي مكة عشان نعتمر
يبدو أنه اكتفي من الأستجواب..وظفر بما يريد من معلومات
خلاس ..نادي الحاجّات ديل وأرّح
أرّح وين؟؟
أرّح البيت .....يعني عاجباك قعدة الحاجّات ديل في المطار؟؟
مشكور ياخي لكن انحنا بنلقى ناسنا ديل هسع انشاء الله ..اتفضل انت
يا زول عيب ..نحن أخوان .ولما نصل البيت انشاء الله بنسأل عن اقرباءكم وبنلقاهم ....شنطكم وين؟؟
أمام قوة المنطق ومنطق الحاجة لم يجد بِداًمن القبول
في الطريق عرض عليه اسماء اقربائه فلم يعرف منهم أحد وان تظاهر أن الأسماء ليست غريبة عليه وانه سيصل الي عنواينهم بسرعة
وعرف أن اسمه صلاح وأنه يعمل في شركة كبيرةللسيارات وانه حضر للمطار ليستقبل بعضاً من أهله اللذين لم يأتوا
الى ذلك الوقت ولم يسأله مضيفه عن أسمه...نصوروا ....
يتبع
وما الناس إلا هالك وأبن هالك *** وذو نسب في الهالكين عريق
|
|
 
|
|
|
|
|
| |
الزوول
فيس بوك
تويتر
انستقرام
يوتيوب
بنتيريست