|
|
 Re: مهزلة الكرة السودانية بقلم الكابتن نجم الدين حسن (Re: بنت الاحفاد 2001)
|
سته كفاية
القون غنماية
الباك صفاية
الجوه دعاية
----
الكلام لأولاد ديوم بحري الحي الواقع شرق ميدان عقرب
الإقتباس من نهج وطريقة ونكهة عضو البورد المميز شيري
كمال حامد إتشحط بي بدله وزرد رقبتو بي ربطة عنق لمن عيونو قربن يمرقن من النضارات وجاب الفاتح النقر عن شماله وحسن المصري عن يمينه وملأ الأستوديو ديكور كله سوداتيل تقول شغال في محل إتصالات وقال شنو ... ده الأستديو التحليلي بلا إيه آر تي بلا قناة الجزيرة بلا أوربيت كلنا فضائيات وكلنا في الهوا سوا.
كابتن محمد عبد الله المجذوب "مازدا" يبدو إنو المكنه بوشت يا كوتش فأنت في حاجه إلى عمره بالفتح وعمره بالضم تتبعها زوغه ، فقد ركب ليهو نضارات شأنه في ذلك شأن مدرب جوفينتوس وما فيش حد أحسن من حد ، وأتي بأحمد بابكر وفلان عطا المنان مساعدي مدرب ، والجهاز الفني لمنتخبنا الوطني أعصابهم مشدودة لمن قربت تتقطع يكوركو في الفاضي وبكلام زعل ما بتفهمو إنت ما بتفهمو وظوط الأول وكلامهم يسألني الله لا معروف رطانه لا عربي وظووط التاني ويزبدو ويرعدو وظوووط التالت ونحن في الحالة دي لامن أحصيت ستة أهداف أو ظوطات في مرمي أبوبكر شريف اللاعبين يرجفو زي الترزي يوم الوقفه ويعجبوك في التقليد الأعمى الشعر أصلو قبيل مو زين أها حفحفهو ذات اليمين وذات الشمال وخلوهو في نص صنقورهم من الحلاقة قال دي الموضه زي المارينز.
مذيع قناة الجزيرة الرياضية – رغم أنه مصري – إلا انه كتر خيره والله يديهو العافية برد على الغلب والزعل مرات يتكلم عن تاريخ الكورة السودانية ومرات يتكلم عن التشكيل الخاطئ – وهم يا هم ديل العندنا تاني إلا نجيب ناس جقدول وعبده الشيخ وحافظ عبيد وزغبير وعصبه والصياد – ومرات يقول ده خطأ دفاعي قاتل ومرات يقول الهدف المبكر أثر سلباً على لاعبي المنتخب السوداني ومرات يقول ليك الحظ خدم الظهير الأيسر لمنتخب مصر طارق السيد في الهدف الذي أحرزه لأنه أتي من زاوية ضيقه وصعبه جداً ، ونحن أضيق زاوية عندنا خلال المبارة كانت تدخل جمل.
الحكم الرابع بلا خجله رفع اللوحه قال الزمن الضايع دقيقتين وربنا ستر الدقيقتين عدت دون ولوج الهدف السابع وأنا كنت متمنى يخصم علينا شوط كامل عشان نغلب بي سترتنا ونرجع بي التلاته بدل الستة.
وأنا قاعد مع المزعجين أحمد ومحمد كل ما يدخل قون أحمد يسبسب ياخ بالله شوف العواليق ديل عاين ليهم عاملين كيف كورة شنو العليكم ، ومحمد لأنه لا يهتم إلا بالغيظ وهو دائماً مع من غلب يقول لينا ويك ويك ويك ، مغلوبين ما دايرين ، الطوب الطوب أحمر مغلوب فينفعل أحمد قائلاً أبوي كلم محمد ده ، فأنظر إلى أحمد وهو يكاد ينفجر غيظاً ثم أنظر إلى محمد وهو في غاية السعادة فأعيد الكرة مرة أخرى وأنظر إلى أحمد دون أن أنطق بكلمة ولساني حالي يقول دايرني أعمل ليهو شنو يعني؟
|
|
 
|
|
|
|
|
| العنوان |
الكاتب |
Date |
| مهزلة الكرة السودانية بقلم الكابتن نجم الدين حسن | بنت الاحفاد 2001 | 06-06-05, 00:40 AM |
| Re: مهزلة الكرة السودانية بقلم الكابتن نجم الدين حسن | Habib_bldo | 06-06-05, 01:43 AM |
| Re: مهزلة الكرة السودانية بقلم الكابتن نجم الدين حسن | بنت الاحفاد 2001 | 06-06-05, 11:03 PM |
| Re: مهزلة الكرة السودانية بقلم الكابتن نجم الدين حسن | almulaomar | 06-06-05, 02:33 AM |
| Re: مهزلة الكرة السودانية بقلم الكابتن نجم الدين حسن | almulaomar | 06-06-05, 01:53 PM |
| Re: مهزلة الكرة السودانية بقلم الكابتن نجم الدين حسن | بنت الاحفاد 2001 | 06-06-05, 10:56 PM |
| Re: مهزلة الكرة السودانية بقلم الكابتن نجم الدين حسن | بنت الاحفاد 2001 | 06-08-05, 10:19 PM |
| Re: مهزلة الكرة السودانية بقلم الكابتن نجم الدين حسن | صديق الموج | 06-06-05, 11:18 PM |
| Re: مهزلة الكرة السودانية بقلم الكابتن نجم الدين حسن | ترهاقا | 06-06-05, 11:28 PM |
| Re: مهزلة الكرة السودانية بقلم الكابتن نجم الدين حسن | بنت الاحفاد 2001 | 06-10-05, 10:29 PM |
| Re: مهزلة الكرة السودانية بقلم الكابتن نجم الدين حسن | بنت الاحفاد 2001 | 06-10-05, 10:23 PM |
| Re: مهزلة الكرة السودانية بقلم الكابتن نجم الدين حسن | المعتمد | 06-07-05, 00:10 AM |
| Re: مهزلة الكرة السودانية بقلم الكابتن نجم الدين حسن | بنت الاحفاد 2001 | 06-10-05, 10:39 PM |
| Re: مهزلة الكرة السودانية بقلم الكابتن نجم الدين حسن | waleedi399 | 06-07-05, 00:51 AM |
| Re: مهزلة الكرة السودانية بقلم الكابتن نجم الدين حسن | بنت الاحفاد 2001 | 06-10-05, 10:45 PM |
| Re: مهزلة الكرة السودانية بقلم الكابتن نجم الدين حسن | بلدى يا حبوب | 06-07-05, 08:02 AM |
| Re: مهزلة الكرة السودانية بقلم الكابتن نجم الدين حسن | almulaomar | 06-07-05, 09:16 AM |
| Re: مهزلة الكرة السودانية بقلم الكابتن نجم الدين حسن | almulaomar | 06-08-05, 01:19 AM |
| Re: مهزلة الكرة السودانية بقلم الكابتن نجم الدين حسن | بنت الاحفاد 2001 | 06-08-05, 10:11 PM |
| Re: مهزلة الكرة السودانية بقلم الكابتن نجم الدين حسن | بنت الاحفاد 2001 | 06-08-05, 10:16 PM |
| Re: مهزلة الكرة السودانية بقلم الكابتن نجم الدين حسن | بنت الاحفاد 2001 | 06-08-05, 10:20 PM |
| Re: مهزلة الكرة السودانية بقلم الكابتن نجم الدين حسن | بنت الاحفاد 2001 | 06-10-05, 10:55 PM |
| Re: مهزلة الكرة السودانية بقلم الكابتن نجم الدين حسن | الزنجي | 06-10-05, 11:15 PM |
 Re: مهزلة الكرة السودانية بقلم الكابتن نجم الدين حسن | Elsamani A.Malik | 06-11-05, 01:36 AM |
| Re: مهزلة الكرة السودانية بقلم الكابتن نجم الدين حسن | almulaomar | 06-11-05, 03:30 AM |
| Re: مهزلة الكرة السودانية بقلم الكابتن نجم الدين حسن | Elsamani A.Malik | 06-11-05, 04:05 AM |
| Re: مهزلة الكرة السودانية بقلم الكابتن نجم الدين حسن | بنت الاحفاد 2001 | 06-12-05, 10:22 PM |
|
| |
almulaomar
فيس بوك
تويتر
انستقرام
يوتيوب
بنتيريست