|
الما عاجبنى فى سودانيز أونلاين
|
السلام عليكم،
أولا أعتذر لكل من تداخل معى فى بوست مؤخرا ولم أرد عليه ـ ليس اهمالا أو تعاليا؛ وانما لظروف خاصة؛ وأعد برد قريب ان شاء الله.
تابعت سودانيز أونلاين من ديسمبر 2003. وحبيت عدد من كتابها ـ من الجنسين ـ واحترمت عدد أكبر. وفى فترة اتمنيت أقدر أكتب عشان أوضح رأيى فى مواضيع كتيرة هامة. وبعد ما فتحوا التسجيلات قدمت واتقبلت وبسرعة أدهشتنى.
وبسرعة أكبر..
اتصدمت..
وأحبطت..
وبقيت أجى أمد راسى لمن بطنى تطم وأمشى..
ليه؟
بسيطة. أمسكوا عندكم..
الناس مقسمة كيمان كيمان. وكل زول بحامى لى زولو. فى ناس ذكرونى القبائل العربية زمان. بس واحد فيهم زول يدوس ليهو على طرف، يكورك (يا قوووووم) وعينك ما تشوف الا النور. بس الجوارح والكواسر وكده. جماعتو كلهم يجو. البى سيفو والبى سكينو و .. و ..
وممكن برضو قبيلة تغير على مضارب قبيلة تانية، وأقرب زول مطرف يروح فيها.
داحس والغبراء بس..
ويا ويلك ويا سواد ليلك كان دافعت عن الاسلام أو قلت لى زول أو زولة الكلام دا ما صاح. أقل شى تطلع بيهو انك كوز وظلامى كمان.
اذا اتشتم الدين يا تسكت ولا تبعد بعيد. بعدين هو الدين ما اتشتم؛ انت الفهمك على قدك ومتحجر ـ ما ظلامى؛ الفهم يجيك بى وين. بعدين فهمك دا بتاع عصور وسطى وكده. ايش دراك بى الاسلام موديل 2005.
اما الألفاظ البذيئة فدا أدب؛ ورويسك الصغير دا ما بفهمو. وما تعمل لى فيها قارى جامعة؛ القلم ما بزيل بلم.
وزمان كان فى موضة الحرد. اذا زول زنقك فى خانة اليك ـ أو مافى زول هببو ليك ـ أحرد واستقيل. وما تخاف؛ التحانيس حتكون من هنا لى هناااك. ويا فلان ـ أو فلانة ـ انت ما نوارة البورد، خسمناك الا تقعد، وعشان خاطرنا ترجع وكدا.
أها دلوقتى الموضة اتغيرت. بقى فلان بطردوهو من هنا، وبوستات الشجب والادانة تبدا من هنا. آى؛ دا ما عشان قصير حاقرين بيهو؛ ودى ما عشان خدرا ومخططة بالبمبي مضطهدنها. وزى ما بيحصل فى الأعياد؛ يجى الموسم ويصدر عفو عام عن المعتقلين ويجو تاانى. ونادرا ما يحرد زول.
هو زااتو الطرد بقى من طرف. شى تعرف سببو وشى ما معروف. بس تسمع فلان دقوا ليهو خروج ولغو اقامتو. مغتربين بس.
اها ونزيدكم. عااادى تشترك فى بوست بى مداخلة معتبرة فى موضوع مفتوح للنقاش؛ ولو كنت جديد لسه سيد البوست ممكن يرد على القبلك والبعدك؛ ولما يصلك يعاين ليك من فوق لى تحت ويفطك. هو انت ذااتك كان ما شليق، البدخلك بوستات السناير شنو؟ أجرى ألعب بعيد.
اما كان اتشالقت وقلت تفتح بوست؛ ما بتلقى اكتر من اتنين أو تلاتة ردوا عليك. ولو أديتو يومين الا تفتش بوستك فتيش.
وكلو كوم وشكل الناس الكبار كوم. يتشاكلو يختوهو قرض. مرات بفتكر نفسى فى روضة أطفال.
ولو عايز تشتهر، بس نزل بوست عن المرأة وهاجم يمين وشمال؛ ما تخلى لى زول صفحة يرقد عليها. يا جماعة، صاح المرة مظلومة فى المجتمعات الشرقية؛ لكن ظالماها التقاليد ما الدين.
وفى ناس ما يشوفو موضوع مستفز الا وتلقاهم بصموا بالتأييد. وناس تانية زعماء معارضة بس. أى موضوع: (لن أقبل) بتاعت عادل امام فى الزعيم.
أها؛ باقى حاجتين: فى ناس ما بشملها شى من الكلام الفوق دا؛ فلهم العتبى.
والحاجة التانية بجى تااانى أنقنق..
سلام
|
|
|
|
|
|
|
العنوان |
الكاتب |
Date |
الما عاجبنى فى سودانيز أونلاين | Khalid Osman Jaafar | 03-30-05, 02:50 PM |
Re: الما عاجبنى فى سودانيز أونلاين | Mohamed A. Salih | 03-30-05, 03:13 PM |
Re: الما عاجبنى فى سودانيز أونلاين | Khalid Osman Jaafar | 03-31-05, 10:51 AM |
Re: الما عاجبنى فى سودانيز أونلاين | نصار | 03-30-05, 03:13 PM |
Re: الما عاجبنى فى سودانيز أونلاين | Khalid Osman Jaafar | 03-31-05, 11:15 AM |
Re: الما عاجبنى فى سودانيز أونلاين | عاطف عمر | 03-30-05, 04:26 PM |
Re: الما عاجبنى فى سودانيز أونلاين | Khalid Osman Jaafar | 03-31-05, 01:55 PM |
Re: الما عاجبنى فى سودانيز أونلاين | zoul"ibn"zoul | 03-30-05, 08:45 PM |
Re: الما عاجبنى فى سودانيز أونلاين | Khalid Osman Jaafar | 03-31-05, 01:57 PM |
Re: الما عاجبنى فى سودانيز أونلاين | Agab | 03-30-05, 09:16 PM |
Re: الما عاجبنى فى سودانيز أونلاين | Khalid Osman Jaafar | 03-31-05, 02:01 PM |
Re: الما عاجبنى فى سودانيز أونلاين | nour tawir | 03-30-05, 09:34 PM |
Re: الما عاجبنى فى سودانيز أونلاين | Khalid Osman Jaafar | 03-31-05, 02:04 PM |
Re: الما عاجبنى فى سودانيز أونلاين | Khalid Osman Jaafar | 03-31-05, 05:25 AM |
Re: الما عاجبنى فى سودانيز أونلاين | alfatih | 03-31-05, 05:48 AM |
Re: الما عاجبنى فى سودانيز أونلاين | ابو جهينة | 03-31-05, 02:08 PM |
Re: الما عاجبنى فى سودانيز أونلاين | Khalid Osman Jaafar | 03-31-05, 02:08 PM |
Re: الما عاجبنى فى سودانيز أونلاين | PLAYER | 03-31-05, 02:09 PM |
Re: الما عاجبنى فى سودانيز أونلاين | Khalid Osman Jaafar | 03-31-05, 02:16 PM |
Re: الما عاجبنى فى سودانيز أونلاين | Khalid Osman Jaafar | 03-31-05, 02:22 PM |
Re: الما عاجبنى فى سودانيز أونلاين | Khalid Osman Jaafar | 03-31-05, 02:36 PM |
Re: الما عاجبنى فى سودانيز أونلاين | Anwar Ahmed | 03-31-05, 03:20 PM |
Re: الما عاجبنى فى سودانيز أونلاين | Khalid Osman Jaafar | 04-01-05, 12:40 PM |
Re: الما عاجبنى فى سودانيز أونلاين | Khalid Osman Jaafar | 04-01-05, 04:00 PM |
Re: الما عاجبنى فى سودانيز أونلاين | Khalid Osman Jaafar | 04-01-05, 04:02 PM |
Re: الما عاجبنى فى سودانيز أونلاين | Khalid Osman Jaafar | 04-01-05, 04:09 PM |
Re: الما عاجبنى فى سودانيز أونلاين | Khalid Osman Jaafar | 04-09-05, 05:34 PM |
Re: الما عاجبنى فى سودانيز أونلاين | حسام يوسف | 04-09-05, 06:18 PM |
Re: الما عاجبنى فى سودانيز أونلاين | Khalid Osman Jaafar | 04-10-05, 06:18 PM |
Re: الما عاجبنى فى سودانيز أونلاين | محمد حسن عوض احمد | 04-09-05, 10:08 PM |
Re: الما عاجبنى فى سودانيز أونلاين | Khalid Osman Jaafar | 04-10-05, 06:21 PM |
Re: الما عاجبنى فى سودانيز أونلاين | Khalid Osman Jaafar | 05-18-05, 07:34 PM |
Re: الما عاجبنى فى سودانيز أونلاين | صديق الموج | 05-18-05, 07:43 PM |
Re: الما عاجبنى فى سودانيز أونلاين | aosman | 05-18-05, 11:32 PM |
Re: الما عاجبنى فى سودانيز أونلاين | حريقة | 05-19-05, 05:46 AM |
Re: الما عاجبنى فى سودانيز أونلاين | Khalid Osman Jaafar | 05-19-05, 06:14 PM |
Re: الما عاجبنى فى سودانيز أونلاين | Khalid Osman Jaafar | 05-19-05, 06:19 PM |
Re: الما عاجبنى فى سودانيز أونلاين | Khalid Osman Jaafar | 05-19-05, 06:24 PM |
|
|
|