|
|
 غداً في رابطة الصالحية بالرياض . . نهائي مثير . . لمن الكأس ؟
|
يوم الجمعة الموافق 23/12/2005م
الرياض : رابطة الصالحية . . حي العود
الملتقى السوداني بقيادة الخبير البروفسير عزالدين عمر موسي ورابطة الصالحية بقيادة الرياضي الموسوعة عبدالمنعم عبدالعال وضمن الاحتفال بالخرطوم عاصمة للثقافة العربية وفي ملعب رابطة الصالحية يوم الجمعة 23/12/2005م وعند الساعة الثامنة مساءاً بتوقيت المملكة العربية السعودية مباراة في نهائي دورة الراحل فقيد السلام دكتور جون قرنق بين الفريقين .
ودحـــــبوبــــه ـــــ مـــــدنــي
لمن الكأس ؟
|
|
 
|
|
|
|
|
|
|
|
Re: غداً في رابطة الصالحية بالرياض . . نهائي مثير . . لمن الكأس ؟ (Re: حمزاوي)
|
نذكركم بالندوة
اليوم الخميس الموافق 22/12/2005م
بفندق القصر الأبيض
ندوة رياضية كبرى المتحدثون الاستاذ كمال حامد الاستاذ عبدالمنعم عبدالعال الاستاذ مجدي شمس الدين .
تفاصيل اكثر في بوست الرجل الشفيف مهدي الصادق
فألى اللقاء في فندق القصر الابيض عند الساعة الثامنة مساءاً بتوقيت المملكة العربية السعودية
| |
|
|
|
|
|
|
|
|
|
Re: غداً في رابطة الصالحية بالرياض . . نهائي مثير . . لمن الكأس ؟ (Re: حمزاوي)
|
فريق ودحبوبه
فريق ابناء الجزيرة ابناء مزارعي الجزيرة القطن والفرح وقت (الدّرت)
في تمرينهم امس كان الروح المعنوية عالية جداً
الفريق مكتمل وحضر جميع اللاعبين التمرين
مافي إصابات الحمد لله
الاستاذ الامين إداري الفريق . . نحن متحمسين عشان نشيل الكأس بتاع اعظم قائد وطني والكأس حقنا .
الكوتش رمضان جبارة مدرب الفريق . . انا عارف الخصم وفاهمو صح وعارف محل الخطورة حقتو ويازول دي مباراة كأس ما بيظهروا فيه كل الاوراق انتظرنا في الميدان .
الكابتن عكرمة حارس مرمى الفريق . . والله الليمونة ما تدخل سيبك من الكورة حاقفلها خالص ان شاء الله . . طيب لو وصلت ركلات الترجيح قال هنا انا جاهز بس ناسي يشوتو صح في الشبكة .
وليف القحطاني الرئيس الفخري للفريق . . جايين نرفع الكأس مع احترامنا للخصم .
النجم احمد المعتز . . العين تدمع والكأس تلمع . . حقتنا يا زول . . اللياقه فل
النجم سيد الامين . . حنلعب باعصاب هادئة . . بس المشكلة في التحكيم يجيبوا لينا حكم تمام .
النجم عليش . . الظهير الطائر . . بنظف المنطقة اول باول . . توجيهات المدرب واضحة قال ليكم شنو لا لا دا اسرار .
نواصل
| |
|
|
|
|
|
|
|
|
|
Re: غداً في رابطة الصالحية بالرياض . . نهائي مثير . . لمن الكأس ؟ (Re: حمزاوي)
|
المهندس عبدالمنعم عمر
الرائد حسن مشهور بجنابو في الصالحية
رجلان من كوكب دري
انهما سودانيان اولاد بلد رجال تقيلة
ناس ملمات
كلفهم بالمهمة ونوم قفا
شغالين ليلاً ونهاراً
مجهزين كل شئ
اليوم الكروي جهزوه تمام التمام
برنامج حافل
يوجهون كل اللجان
الجوال حقهم ما بيسكت
أعصابهم هادئة
يتقبلون كل الطلبات
مهما كتبنا لا نستطيع ان نعطي هذين القامتين حقهما
المهندس عبدالمنعم عمر حيكون مشغول بالضيوف وهو من مشجعي واداري فريق ودحبوبه
فيا ناس ودحبوبه شرفوا عمنا
| |
|
|
|
|
|
|
|
|
|
Re: غداً في رابطة الصالحية بالرياض . . نهائي مثير . . لمن الكأس ؟ (Re: حمزاوي)
|
مدني حاضرة الجزيرة أرض المحنة
فريق ابناء مدني . . نشيطين ومجتهدين
ناس كورة ومجضمنها جضيم
بيذكروك فرقهم سيد الاتيام الاهلي والاتحاد وجزيرة الفيل
جمهورهم فريد وتشجيعهم ممتع واهازيجهم يطربك
استعداد مية المية تمارين كل ليلة لياقه عالية
برضوا مشيت التمرين حقهم
الاستاذ معتز الترابي إداري الفريق . . حماس متزايد رغبة لحمل الكأس مدني ام الرياضة السودانية . . حاسمنها في الزمن الاصلي هناك مفاجأة . . نشوف يا ودالترابي .
الكوتش حموري مدرب الفريق . . قال لي انا كنت مدرب فريق ودحبوبه قبل كدا قلت ليه كيف قال لي انا مدرب محترف طيب حتعمل شنو مع ناسك الاولين قال انا بعرف من اين حتاكل الكتف يا زول اها قال جاهزين وحتشوف .
الكابتن حلوم مساعد المدرب . . يازول نحن في الميدان شطة . . طيب الشطة بتساعد في اكل وحيكلوكم ناس ودحبوبه لا نحن شطة حراقة ما بيقدروا علينا وصواريخ ماجد لا تصد حلوم دا زول لذيذ ومدردح وعارف مكامن اللعب .
النجم حسن عبدالله . . انا عندي مهمة خاصة . . شنو هو لا دا شغل مدربين وسرية تشوفها في الميدان . . يعني مهتمك حقت كاس قال لي اكيد
النجم عقيل كابتن الفريق . . نحن لعبنا جماعي والفريق كله نجوم طيب اها حتعملوا شنو في الكاس عشان بنحب جون قرنق بنحب كاسو كمان وحقنا
اذن كدا المباراة حتولع نار
نشوف بكرة في الصالحية
| |
|
|
|
|
|
|
|
|
|
Re: غداً في رابطة الصالحية بالرياض . . نهائي مثير . . لمن الكأس ؟ (Re: حمزاوي)
|
اخي العزيز كيقا
Quote: انشاء الله الفوز لودمدني الجمال وياريت تدينا تفاصيل كاملة عن تشكيلة ودمدني نشوف بعرف فيهم واحد اصلوا اخوك كان لاعب سابق بالدرجة الاول بمدني وكنت حريف لكن فكت بت الكلب
وانشاء الله الفوز للجزيرة ودمدني وبهديه للخال صديق الموج وودقاسم |
ابشر يا ابن عمي يا ابو مصطفى نجيب قائمة لاعبي فريق مدني والاسم حيكون ثلاثي كمان
| |
|
|
|
|
|
|
|
|
|
Re: غداً في رابطة الصالحية بالرياض . . نهائي مثير . . لمن الكأس ؟ (Re: حمزاوي)
|
المهندس مزاحم الضوي
سكرتير رابطة مشجعي فريق الهلال السوداني بالرياض
رياضي مطبوع يعشق الرياضة من المنصة يحلل لك المباراة
ويعطيك التوقعات وتجي النتيجة مطابقة لتوقعاته
خبرة رياضية وموسوعة في الكرة السودانية
يحفز اللاعبين على العطاء
وذلك بتقديم جائزة في كل مباراة تقام في رابطة الصالحية
جائزة أفضل لاعب
الجائزة بكرة مفأجأة
لك الشكر والتقدير يا مزاحم يا اخوي
ما ننسى نبارك ليك يا مزاحم فوز فريق الهلال على الوداد المغربي
ونسال الله ان يوفق فريق هلال السودان لنيل كاس العرب
| |
|
|
|
|
|
|
|
|
|
Re: غداً في رابطة الصالحية بالرياض . . نهائي مثير . . لمن الكأس ؟ (Re: حمزاوي)
|
تنبيه
ستبدأ فعاليات المباراة النهائية من بعد صلاة العشاء مباشرة وستكون هناك لقاءات مع كل رؤساء وممثلي الكيانات والفرق المشاركة في الصالحية والملتقى عبر مايكرفون الملعب وتم تجهيز مكتب اذاعي بقيادة زميلنا في البورد الاستاذ يوسف السماني يوسف والاستاذ محمد عبدالجليل والاستاذ عبدالله عقيد والاستاذ صديق الموج والاستاذ خالد منير والاستاذ معاوية حدربي .
| |
|
|
|
|
|
|
| |
ودقاسم
keiga2000
فيس بوك
تويتر
انستقرام
يوتيوب
بنتيريست