|
بتعملوا شنو فى الحالة دى يا ناس
|
لو صحيتو من النوم لسة بتقولو يا فتاح يا عليم يا رزاق يا كريم وعيونكم ما فتحت زى الناس ذاتو وقايمين زهجانين كدة بدون سبب
بتعملو شنو
|
|
|
|
|
|
|
|
Re: بتعملوا شنو فى الحالة دى يا ناس (Re: وفاء تاج الدين)
|
عندي كتاب تفسير إبن سيرين تحت المخدة بصورة دائمة ألحق أترجم الرؤيا الرئيتا قبل ماتدخل عليها سيناريوهات من أحداث اليوم وتلخبط الأحداث,أو تتنسي الرؤيا مع المشغوليات,وبكدا أعرف البي والعلي .أوإزداد ثقة في تصرفاتي. أما إذا ماكان في رؤيا ودي نادرة جدا,(حياتنا بقت هلوسة كلها), بنوم تاني خمسة دقائق ,ودي بتكون أحلي من النومة الاصلية,أما إذا كان عندي دوام, علي الحمام مباشرة,الدش أكتر حاجة أحبها في الدنيا,رغم إنوا السخان محروق الأيام دي والموية بااااردة,(أعملوا لي صندوق عشان أصلحوا).
| |
|
|
|
|
|
|
Re: بتعملوا شنو فى الحالة دى يا ناس (Re: وفاء تاج الدين)
|
بدر الدين الأمير
شكرا لمرورك الجميل واليك هذه
Quote: ورحت تنفخ فيهم منك ترفعهم ، فيسقط البعض أو تبنى ..فينكسر أردت تخلق أبطالاً ، تعيد بهم عصر النبوة والرؤيا ، فما قدروا هتفت : ياعمر مكتوب لك العمر وليس ينقص فيك الجهد والسهر وإنما تنقص الاعمار في وطن يغتاله القهر، أو يغتاله الخطر !وقلت.. والشاهدان ، اللّيل والسفر وشغلة في مدار الكون تستعر هذي الطيور التي احمرت مخاليبها فوق الصخور لنا ولتستح الحفر وسرت غضبان في التاريخ لا عنق إلأ ومنك على طياته أثر تصفو ، وتجفو وتستعلي ، وتبتدر وتستفز ، وتستثنى ، وتحتقر هذا زمانك لا هذا زمانُهم |
للفيتورى
| |
|
|
|
|
|
|
Re: بتعملوا شنو فى الحالة دى يا ناس (Re: وفاء تاج الدين)
|
وفاء .. ( أبشري .. سُبينا .. وأيم الحق )
.............. قلت لكم في السنة البعيدة عن خطر الجندي عن قلبه الأعمى، وعن همته القعيدة يحرس من يمنحه راتبه الشهري وزيه الرسمي ليرهب الخصوم بالجعجعة الجوفاء والقعقعة الشديدة لكنه.. إن يحن الموت.. فداء الوطن المقهور والعقيدة: فر من الميدان وحاصر السلطان واغتصب الكرسي وأعلن "الثورة" في المذياع والجريدة ..
............... تأملي .. عرفتي الزهج جاي من وين ؟؟؟ دواير دواير دواير .. مشبكة ملصقة ملخبطة .. وكلها مربوطة بالـ ( كاكي أب دقنا كضابة ) ..
| |
|
|
|
|
|
|
يعني توارد خواطر ولا شنو.. (Re: وفاء تاج الدين)
|
حاليا بقرأ في موضوع اسمو (الرحلة الليلية للروح)، وهي رحلة يومية تقوم بها الروح، بعد النوم، وهو كتاب (جوستاف يونج)، هذا المحلل والمفكر النفسي الكبير، وطبعا النوم عالم كبير، خصب، وخلاق، (حتى الحيوانات تحلم)، وللحق مجرد أن نغوص في النوم ترحل النفس لعالم آخر، أكثر ثراء وخصوبة، فالدنيا، دنياوات، وبالمناسبة أكثر اسباب الدبرسة بتجي من الرحلة الليلية دي للروح، عشان كدة أ غلب الانبياء والمصلحين بسألوا تلاميذون في فجر كل يوم (شفتو شنو في الرؤى)، والماشاف يكون أعمى، فالإنسان (لا تأخذه سنة ولا نوم)، فقلبه نابض حتى وهو نائم، والقبر (يعتبر موت مجاز)، لأنو روض من رياض الجنة...والرحلة طويلة، طويلة (زي ما بقول النور الجيلاني)،والنوم بتشوف بكرة (رؤية يوسف)، وفي النوم بنحل كثير من المشاكل والعقد النفسية، ومش كدة، كمان بنقلى حل لمعضلات فكرية، فكثير من المفكرين لقو حل مشاكلهم في النوم (عشان كدة أنفضي عن النوم الشكل التقليدي)، وسوف تري أنه رحلة لعالم آخر، أكثر بهاء وغموض، وحاتجي (لليقظة)، مليانة شعور وصفاء، وأكثر كمان... فلا سلطان لقدرة الإنسان في النوم، فهو يطير، ويقفز من حقبة لحقبة أخرى، (أكثر ثراء)، وهناك باحث سوداني مغمور كتب كتاب رائعة أسمو (الانفلات الحلمي)، إنشاء يقع في عينك، قد تلقي في المكتبة الشعبية (على رصيف الجامع الكبير)، أصلو ممنوع من المكتبات، لأنو (الهوس النفسي)، منعو من النشر، ودقي يامزيكة..
عشان كدي يا اختي وفاء، شوفي روحك دي مشت وين في النوم، شرقت ولا غربت...
مع ألذ نوم، وألذ يقظة...
| |
|
|
|
|
|
|
Re: يعني توارد خواطر ولا شنو.. (Re: عبدالغني كرم الله بشير)
|
الاخت وفاء
استأذنك للرد على الاخ عبدالغنى كرم الله بشير الذى ورد فى مداخلته ما يلى :
Quote: فالإنسان (لا تأخذه سنة ولا نوم)، فقلبه نابض حتى وهو نائم، |
هذا الوصف الذى أتيت به سيدى بين هلالين ورد فى حق المولى عز وجل فى سورة البقرة فى اية الكرسى ولا يجب ان نطلقه على الانسان لان الانسان يموت فى كل يوم حين نومه كما قال المولى عز وجل كذلك ورغم احترامى للدراسة التى أتيت بها ولكنها جانبت الصواب فى هذه النقطة تحديدا وهى تبدو كفلسفة الهندوس الذين لا يأمنون بالله تعالى ورغم ان الحكمة ضالة المؤمن حيثما وجدها فهو احق بها ولكن ان توافقت مع مبادىء ديننا الحنيف..
ارجو قبول ملاحظتى بلا حساسية سيدى
مع تحياتى
| |
|
|
|
|
|
|
Re: بتعملوا شنو فى الحالة دى يا ناس (Re: وفاء تاج الدين)
|
عبد الغنى كرم الله بشير
اولا مرحب بيك فى البورد ثم فى البوست .. أعجبنى ما أوردت وأعجبنى أكثر هذا التعبير الهوس النفسي
Quote: قد تلقي في المكتبة الشعبية (على رصيف الجامع الكبير)، أصلو ممنوع من المكتبات، لأنو (الهوس النفسي)، منعو من النشر، ودقي يامزيكة.. |
وما أتمنى قرأته الآم ظهر حادة
| |
|
|
|
|
|
|
Re: بتعملوا شنو فى الحالة دى يا ناس (Re: وفاء تاج الدين)
|
لو طاقتكم (يارب بتعريفها)، قريبة كان الواحد مدة ليك نسخة من (آلام ظهر حادة)، ولكن صرنا قبيلة الشتات الأولى في العالم، (والله يهود بابل)، ما يلحقونا...
وصى حكيم عجوز سلطان قومه، قديما، ( لاتقسروا قومكم على الرحيل عن الوطن)، وكأنه يحس بمرارة الغربة، وكأنه يقول لهم (وفروا لهم الخبز والحرية)...
همسة : كتبت (آلام ظهر حادة)، لأني بحب الكتابة بس، (كي أغوص في ذاتي، المتعبة، وكي أسبر البئر الداخلي..)، بس، وبعديها (بغرق في نوم عميق)، مش زيك، وبصحى منو سعيد وبشوش (كضاب كضب)، ...
دحين الساعة عندكم كم، عشان نسألك (أهه، نمتي كيف أمس، بعد مشاركة اخوان واخياتك ليك)..
والله مفهوم الكرة الأرضية، جهجهنا، ما نعرف الناس هسع في ضحى ولا في الليل، ولا بردانين، ولا صاحين يادوب، غايتو، جنس لغز...
| |
|
|
|
|
|
|
Re: بتعملوا شنو فى الحالة دى يا ناس (Re: Mamoun Ahmed)
|
معليش يا وفاء، خليني أطرف بامون ده
(في نفسي ذعـــر من جميع المهن)
والله رامبو ده عجيب بشكل، والله ده بيت القصيد، والله انا دائما بردد مع أصحابي، قلت ليهم والله لو الجنة (فراغ بس)، هذا يكفي.... لعن الله العمل... الشين، الكعب، الاستعبادي، هنتاك مقولة للعقاد تعجبي، وهي بتقول (وقت العمل بمتلكك، ووقت الغراغ بتمتلكه...)..
مع امنياتي لكم (وفاء، وسرب هذا البوست، ومامون)، بفراغ جميل وخصب وخلاق..
نعود لوفاء (ست البيت طبعا)..
همسة أخيرة (نمتي كيف أمس)، أصلو الواجد دعا ليك (أبشرا)...
| |
|
|
|
|
|
|
Re: بتعملوا شنو فى الحالة دى يا ناس (Re: وفاء تاج الدين)
|
عبد الغنى كرم الله شكرا ثانية للتفقد والمتابعة
أمبارح نمت وصحيت أحسن شوية بعد مداخلاتكم الرقيقة...
Quote: (وقت العمل بمتلكك، ووقت الغراغ بتمتلكه...).. |
ولو حسيت إنك ممتلك بفتح اللام من العمل والفراغ...تقبل وين وتحكى الوجعة
| |
|
|
|
|
|
|
Re: بتعملوا شنو فى الحالة دى يا ناس (Re: Adil Osman)
|
عادل عثمان
شكرا المشاركة والمرور
وشكرا اللينك الظريف دا ... ... لكن نعيش بالوهم ??ولمتين??أحنا هسة حياتنا ملانة وهم لكن دى أختارت وهم أو خيال مضحك ونحنا أخترنا وهمة كضابة
يا لطيف على قول ندى القلعة.. قالت الأمور جاتط يا لطيف ...
| |
|
|
|
|
|
|
Re: بتعملوا شنو فى الحالة دى يا ناس (Re: وفاء تاج الدين)
|
الأخت وفاء
لك التحية
كثيرا ما اصحو كذلك واجد ان لا شىء يمكن ان يذهب هذه الزهجة وفى ذلك اليوم لا اود الحديث مع احد ولا سماع شىء ولا مقابلة انسان ولا عمل اى شىء فقط الاستسلام لهذه الزهجة والسخط من كل شىء .... حقيقى ليست لدى وصفة جاهزة لك ولعل وصفات الاحباب اعلاه تكون فعالة ولكنى احببت مشاركتك والقول لك انك لست وحدك عزيزتى فكلنا فى الزهج شرق ..
ملحوظة : انا كلما اكون مفلس على الحديدة بكون زهجان زي زهجتك دى
| |
|
|
|
|
|
|
Re: بتعملوا شنو فى الحالة دى يا ناس (Re: قرشـــو)
|
وفــاء
الشاعر الالماني الفظيع برتولد بريخت
له قصيدة فظيعة عن قومة الزهج الصباحية ومطلعها:
النظرة الاولي من الشباك في الصباح... نعالي التي احس فيها الراحة! -----------
مش اول شي في الصباح سفنجتك؟
| |
|
|
|
|
|
|
Re: بتعملوا شنو فى الحالة دى يا ناس (Re: وفاء تاج الدين)
|
الأخت وفاء لك التحية..
أول شئ تتوضئ وتصلي وتلعني إبليس.. وبعدين تقومي تتصلي بشخص عزيز عليك بس تكوني متأكدة إنو زول ما نكدي.. وبعد كدا تشوفي شغلك.. وإذا لسه برضو زهجانة أحسن تنومي تاني وزي ما بقولوا (الرهيفة التنقد)
وأقعدي عافية
| |
|
|
|
|
|
|
Re: بتعملوا شنو فى الحالة دى يا ناس (Re: وفاء تاج الدين)
|
يابت هوووووووووووووووى انا كده قلقت عليك
شيلى ناندى فى صفحتك واركبى اول طيارة وتعالى القاهرة حالا ..
ولااكلم نادية أمك ؟!!
واكلم حبوبتك ؟!!
وعبود خالك ؟!!
ورانيا ؟!!
وتاج ؟!!
وناس الحلة كلهم يقوموا يركبوا اتوبيس اربعة واربعين بشرطة ويجووووووووووك!!
| |
|
|
|
|
|
|
Re: بتعملوا شنو فى الحالة دى يا ناس (Re: وفاء تاج الدين)
|
ندوية
Quote: شيلى ناندى فى صفحتك واركبى اول طيارة وتعالى القاهرة حالا .. |
ياريت والله مشتاقة للقاهرة بس عندى حاجات هنا لو بتقدرى تمشى لنادية أمى وتقنعيها تجينى شوية تكونى ما قصرتى تب
ولاء قالت مالك فطتيها.. قالت ليك نسيتنى
| |
|
|
|
|
|
|
Re: بتعملوا شنو فى الحالة دى يا ناس (Re: وفاء تاج الدين)
|
Quote: ياريت والله مشتاقة للقاهرة بس عندى حاجات هنا لو بتقدرى تمشى لنادية أمى وتقنعيها تجينى شوية تكونى ما قصرتى تب |
حاجات شنو ياوفوية اوعى تكونى عملتيها ؟!!
هوووووووووووووى امك فترت من البشتنة ماشة وجاية فى الدرب قومى تعالى انتى !!
Quote: ولاء قالت مالك فطتيها.. قالت ليك نسيتنى |
انتى موش عارفة ولاء (اليطة وتنكة اوى ) عشان عارفة نفسها حلوة هيا اللى مارضيتيش تركب اربعة واربعين بشرطة عشان كده سبتها تنتظر الطيارة !!
قولى لولاء انها ورانيا ووفاء احلى واجدع بنات فى مصر !!
| |
|
|
|
|
|
|
Re: بتعملوا شنو فى الحالة دى يا ناس (Re: نادية عثمان)
|
انا غايتو بشوف لى حاجه حامضه كدا
جبنه مضفره زيتون شطه
وحاجات مالحه ..... او ممكن دبل سفن اب ... او ما تبقى من بواقى الليل
ومن ثم على رقم تيلفون
عن حبيبتى بقول لكم يلا فكروا كلكم
مره غنت عن هوانا ... ومره مشينا .... الحتات الضلمه
ومره.... بغنى ليها ... وبفرح بيها البنيه الهايجه فى احضان خواطرى البشتهيها .. ترا ترا تارارا بفرح بيها ...وبفرح بيها
قاسم المهداوى
| |
|
|
|
|
|
|
Re: بتعملوا شنو فى الحالة دى يا ناس (Re: نادية عثمان)
|
ندوييييية
حاجات شنو ياوفوية اوعى تكونى عملتيها ؟!!
حاجات زى قراية وشغل...أما قصة عملتيها دى فهمينى قصدك قبل ما أشاتر ولو الفهمتو فالأجابة لالالالالالالالالا بكوراكة المفروض تكونى سامعاها هسة..
نتى موش عارفة ولاء (اليطة وتنكة اوى ) عشان عارفة نفسها حلوة هيا اللى مارضيتيش تركب اربعة واربعين بشرطة عشان كده سبتها تنتظر الطيارة !!
غايتو ولاء دى مظلومة ظلم الحسن والحسين
قولى لولاء انها ورانيا ووفاء احلى واجدع بنات فى مصر !!
تسلمى يا عسل من ذوقك
| |
|
|
|
|
|
|
Re: بتعملوا شنو فى الحالة دى يا ناس (Re: وفاء تاج الدين)
|
بالإضافة لنصائح الأخ عصمت العالم عند الصحو، لدي بعض من الإضافات لمرحلة ما قبل النوم وهي في نظري أساسية لما يليها.
حاولي قبل وقت النوم بوقت معقول محاولة الإسترخاء ووضع هموم الحياة جانباً (ويستحسن إذا كان ذلك بعد تصور حلول معينة لها (هدف: خطط) ثم التفكير بطريقة مشرقة في يوم الغد بإذن الله.
إذا كنت من محبي التلفزيون فلا تستمعي لقنوات الأخبار قبل النوم. إختاري قنوات هادئة مثل Smarts TV ولديهم بث مخصص للإسترخاء. أو قنوات القرآن الكريم (الفجر). فالنوم على وضو وترديد الإستغفار يساعد كثيراً في تهيئة الروح والجسد والعقل لرحلة النوم الهنيئ الذي نتمناه لك.
أحلاماً سعيدة وصباح مشرق ومفعم بالأمل.
العوض الطيب
| |
|
|
|
|
|
|
Re: بتعملوا شنو فى الحالة دى يا ناس (Re: وفاء تاج الدين)
|
Quote: لو صحيتو من النوم لسة بتقولو يا فتاح يا عليم يا رزاق يا كريم وعيونكم ما فتحت زى الناس ذاتو وقايمين زهجانين كدة بدون سبب
بتعملو شنو |
لكن عليك الله الزهج ما اخير من قعاد ساكت،،،،
امى الله يعافيها بتقول البنوم ويقوم بى همه القديم يا بختوا
يعنى ما يقومن الهموم يزيدن..
| |
|
|
|
|
|
|
|