كل ما نعبي الخاطر بالاحلام نرجع منكسرين ومحتشدين للآخر بالالم وانت كأنك ما صدقت تباعا نسقط أو نتراجع عام ورى عام ولا صدقت نسيبك وحدك واقف أعزل وراهن امرك للايام وانت بتطلع من احزانك ورده وقنديل طاوي النيل في عبك وطالع … طالع للمملكوت كنت تدندن آخر نص لحنته تشرح سر الغنى للموت خصمناك بي حق السقيا وانت الضارب عرقك عرق المويه بلا حدود توضيت بالنيل وقفت في ذات اللحظة وقف محمود وصلى معاك يناير حاضر ادركناك في آخر ركعه…في آخر كلمة حق انقالت وانت بتعدل عوج الدنيا المالت أملناك ياصاحب عين الشمس ورضيناك في المطرة الشالت .. شالت وختت وكل ما شالت شالت شدره روحك بالنوار واتحتت ولما الشمل وراك اتشتت طارت زي عصفورة وركت فرحانه تردد غنواتك نزلت تقط في صورتك شربت من نقاع الزير ورجعّت بترف في الصورة هشيته ابت ما تطير خليتها أظنها من طيرك بس يا صاحب كتر خيرك متصالح حتى مع الطير لاهّد قوافيك الخوف لا الموت غير خط سيرك
10-28-2005, 03:36 PM
ابنوس ابنوس
تاريخ التسجيل: 04-19-2003
مجموع المشاركات: 1790
Quote: تمنيت صادقا ان اكون بين ظهرانيكم الآن اشارككم لحظة الإعداد
كنت حاضر ياصديق وكذلك بدر الدين وباقي الاسره وكل الناس الحالهم زين.. فمرغني لم يمت، ميرغني ترك لينا حاجات تقيم في اقصي اركان مخابي ذواتنا الجوانية. وانتو واحده منها.. فحنتواصل ياصديق.. هذه احد الاشياء التي تركها لنا ميرغني فكيف ما نحافظ عليها؟ . . لك حبي المكلوم مـحسن
10-30-2005, 02:05 PM
لؤى لؤى
تاريخ التسجيل: 06-01-2003
مجموع المشاركات: 14343
Quote: تماماً مثل ميرغني ، كنت أنا بينكم/ن حاضراً بروحي في حفل التأبين أمسية الأمس
لم التقيك ولكنى..قرأت اسمك فى اوراقه..وكتابات عنك..ولان روحه كانت هناك..فكل من احب ..كان..هناك روحا!! الاستاذ يحيى فضل الله..فى قرأت شعريه.. رانى..يودع نصفه الاخر.. هشام سيد احمد..يغنى..ميرغنى نصا قد ابتدأه سويا..قداكتمل.. عزت..رانى..
11-02-2005, 09:26 PM
rani rani
تاريخ التسجيل: 06-06-2002
مجموع المشاركات: 4637
العزيزة هاجر . . اهو ميرغني لازال يعرفني باصدقاء له . . اتلاقينا في زمن ملامحة معكرة وكان هو الشاهد الوحيد لمولد حبنا دي واحدي من حاجاتو كان يحب يعرف الناس ببعض، و اهو لسه بيعرفني بالمزيد. . . "قبر الحبيب ضيق كتمة وضلمة لكنه مات بحلم تبقي القبور اوسع اوسع شبه وطنو وانا شفتو ساعت مات ماسك طرف كفنو طرز عليو منديل منديل لمن دفنو كانو كان بحلم ناضمتو وين النيل قال لي مشي وبيرجع." . . سلام كتير لعاصم كته اشرف سعد الدحيش الامورة ملاز وكل الناس، الحالهم شاهد.
رانى انه ليؤلم الالم ان نتذكر ما كان ما كنا ..لكن العزاء ان بيننا ما يبقيه حيا فى الدواخل .. لم يكن ميرغنى شخصا عابرا فى اى مكان او قلب حل به ...تكلمت كثيرا مع منتصر بستم عن ميرغنى ربما فى وقت لاحق اتمكن من الكتابة عن ذلك .. له الود ضالعا فى عليائه .. هاجر.. تابعت كتابتك عن حبيبنا كنت متأثرا جدا لدرجة اننى لم تمكن من التعليق ..وتمنيت لو استطعت ان اقول ان لقائك الاول به كان حين اتينا معا بصحبة الزنجى فى شقتكم لوداع هيثم عرمان ..واصلى كتابتك الجميلة .. ودى للجميع شبشة
11-02-2005, 07:24 PM
rani rani
تاريخ التسجيل: 06-06-2002
مجموع المشاركات: 4637
Quote: تماماً مثل ميرغني ، كنت أنا بينكم/ن حاضراً بروحي في حفل التأبين أمسية الأمس
كنت انت حاضر ايضاً، يالؤي.. كتير كنت بتكلم مع ميرغني في التيلفون لمن هو في المستشفي ايام الحادث الاول. ويجيهو خط تاني" راني دا لؤي الفي الخط التاني، خلاص انا حاضرب ليك بعد شوية" . . وبعد شوية فعلاً يضرب" عارف ياراني لؤي دا زول غريب خلاص، اول حاجة انا الزول دا ما كنت بعرفو. عارف لقي التيلفون بتاع المستشفي في سودانيس اونلاين ومن اليوم داك كل يوم بيضرب لي ياخ دا زول مختلف خالص" هكذا ياابو اللول كان ميرغني يحدثني عنك . . ومرت الايام وكنت دايما تتخلل حديثنا حكي لي عنك كتير وعن رجاء واسلافينا. ربما لم يكن هناك سابق معرفة بينك واسلافينا ورجاء. . . شكرا ياحبيب لحضورك الجو ميرغني
11-03-2005, 10:16 AM
هاجر سيد احمد هاجر سيد احمد
تاريخ التسجيل: 09-09-2005
مجموع المشاركات: 178
شبشه ماكنا قيلين فى حياتنا يجينا اقسى من المضى.. وما كنت اتخيلنى يوما مهزومه الى حد الهزيمه..من كائن اسمه الموت..
Quote: وتمنيت لو استطعت ان اقول ان لقائك الاول به كان حين اتينا معا بصحبة الزنجى فى شقتكم
ده ما كان الاول..عذرا لذاكرتك التى تشبه ذاكرتى خرابا..ولكنى تذكرت لاحقا اين وكيف كان..فما تتحدث انت عنه جاء سنينا عددا ..بعد ذلك..ولكن ما عاد هذا يجدى..!! هل تعلم انو انا انقطعت عن كل اصدقائى ..الا القليل منهم ..وما كان هذا طواعيه..اجتر ذكرياتى كل ..راس ساعه..وقدميها!! وما يحيرنى الان انو اتصالنا بميرغنى لم ينقطع..لاصراره على التواصل ..ولان هناك شئ غريب ..فى صوته ..يشعرك دوما..بان ليس هناك..ما يجدى بدون اصدقاء..كان يهاتفنى ..كثيرا .. وبدون انفعال ..(ياخى انت وعاصم لازم تتصلو بى عزت ..الزول ده زعلان منكم ..طولتو..اديك كرت؟)لا يا ميرغنى لم يكن ..هذا هو السبب رغم ان عدم وجود كرت فى معظم الاحوال هو الاساس..لعدم توفر حق الكرت..تصدق او لا تصدق..هنا فى امريكا ..الفقر ياخد اشكال ..مختلفه..هناك على الاقل..تستلف قروش من اى زول..لكن هنا..ليس لك..سوا ان تجتر ذكرياتك..وبصمت.. توزعت اشلائنا فى كل المنافى..اشعر احيانا ان حياتنا قبل ذلك كانت ..مجرد..حلم جميل..وتشبسنا بالذكريات ..ما هو الا عدم قدره على مواجه الحاضر..وبكل قبحه..وبكل فقده..نتناقص كل يوم ..ككروت الكتشينه..وليس فينا رابح..لان بسقوط اخر ورقه..سيجد نفسه وحيدا ليس هناك من يشاركه فرحه الانتصار..!!اتسمى هذا انتصار..؟كلنا مهزومون..!! لم يكتمل حزنى ..رغم انى اثرت ان لا اكتب فهناك كثيرين..هنا فى هذا المنبر..ليس لهم يد ..فى شرب احزانى التى اعتصرها كل صباح..ولكنى لست بخير..فهذا الشرخ ..قد قسمنى الى واديين..منفصلين تماما..وليس لى كبرى لكى اعبر للضفه الاخرى ..ولا قارب لى..توقفت هناك..وتوقفت ..كل عقارب ساعتى..(ادق ليس يعنينى ..لانى قادم من حاضر اللحظات للماضى..).. كفى ربما لاحقا استطيع ان اجد منفذ.. تحياتى لكل الحداك هناك..فى السودان ..وخريجى جامعه السودان..والاصدقاء والى اللقاء..وشجره الجنوبى..وخالتى الشفه..احبهم جميعا..اشتاقهم بلا حدود..
11-02-2005, 07:47 PM
Mohamed Adam Mohamed Adam
تاريخ التسجيل: 01-21-2004
مجموع المشاركات: 5204
وينك يا راني ياوجيه.ز ياخي هنالك ظروف خارجه عن إرادتي حمتني أن أحضر التأبيًن. نسأل الله أن يفيض عليً الفقيًـد بالرحمه. أقل لك مبروك العيًد. كل عــام وأنت طيًب.
11-06-2005, 04:39 PM
rani rani
تاريخ التسجيل: 06-06-2002
مجموع المشاركات: 4637
Quote: لم التقيك ولكنى..قرأت اسمك فى اوراقه..وكتابات عنك..ولان روحه كانت هناك..فكل من احب ..كان..هناك روحا!!
كان أمامي الكثير الكثير الذي وعدت ميرغني به ، وهاهو القدر يهزمنا معاً ويحيل أحلامي إلى ظلمة لا أعرف متى ستنجلي ..
راني
Quote: كنت انت حاضر ايضاً، يالؤي.. كتير كنت بتكلم مع ميرغني في التيلفون لمن هو في المستشفي ايام الحادث الاول. ويجيهو خط تاني" راني دا لؤي الفي الخط التاني، خلاص انا حاضرب ليك بعد شوية" . . وبعد شوية فعلاً يضرب" عارف ياراني لؤي دا زول غريب خلاص، اول حاجة انا الزول دا ما كنت بعرفو. عارف لقي التيلفون بتاع المستشفي في سودانيس اونلاين ومن اليوم داك كل يوم بيضرب لي ياخ دا زول مختلف خالص" هكذا ياابو اللول كان ميرغني يحدثني عنك . . ومرت الايام وكنت دايما تتخلل حديثنا حكي لي عنك كتير
هذه بحق ذكريات يستعصى عليّ إحتمال إجترارها دون ألم ودموع .......
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
rani
ابنوس
محسن عبدالقادر
لؤى
هاجر سيد احمد
Mohamed Adam
فيس بوك
تويتر
انستقرام
يوتيوب
بنتيريست