|
Re: اليوم الخميس 11/08/2005 زواج ابن خالتي عضو البورد ( معتز ) (Re: نادية عثمان)
|
السلام عليكم يا اهلنا
لا ادري من اين ابدأ واين انتهي فرحتي كبيييييييييرة بكم وانتم تشاركوني (فرحة العمر)
اخي عبد الله اشكرك كثيرا على البوست وان شاء الله يوم شكرك ما يجي
الحبيب المكاشفي اشكرك على الدعوات الطيبة وان شاء الله نجاملكم في الافراح والمسرات
اختي نجود شكرا لك كثيرا وعقبال عندكم في الافراح والمسرات
استاذنا الموصلي اشكرك كثيرا على مرورك الجميل.. يا جميل.. وتسلم يا غالي
الحبوب بلدي يا حبوب يا جاري اشكرك كثيرا يا غالي وعقبال عندكم في الافراح والمسرات
الحبيب عجب مشكور يا اخي الحبيب على المرور ونجاملكم في الافراح والمسرات
صديقي ايهاب (لوووووولز) مشتاقين وكدا اشكرك كثيرا اخي العزيز على التهنئة والعقبال عندكم في الحاجات السمحة
استاذتنا الغالية نادية اشكرك كثيرا على مرورك الجميل والعاقبة عندكم في الافراح والمسرات
مرة ثانية شكرا ليكم عاجز عن شكركم اخوتي الكرام وربنا يقدرنا على جزاكم وفي رعاية الله
معليش جات متأخرة شوية طبعا عارفين السبب
| |
|
|
|
|
|
|
Re: اليوم الخميس 11/08/2005 زواج ابن خالتي عضو البورد ( معتز ) (Re: ود شندي)
|
الف الف مبروك يا معتز وتحية لشندي ابتداء من قرى التضامن قندتو الضوياب الفجيجة صنقعت الدويمات (قريتي) الى المحمية والبنطون القبة والكروماب والشكابه (اهل والدتي) والصلوعاب بصورة عامة ولكل اهل شندي العزاز ومشتهي لي كوب ليمون بارد كدا في السوق وياحبذا لو اكلت قبلو سمك حار كدا
الف الف مره اخرى ابومصطفى
| |
|
|
|
|
|
|
Re: اليوم الخميس 11/08/2005 زواج ابن خالتي عضو البورد ( معتز ) (Re: keiga2000)
|
اخي الاستاذ لقمان بل انا الاكثر سعادة بمشاهدتك وبالرغم من انها كانت كلمح البصر ولكن كانت تعني لي الكثير وكما اسلفت كنت حينها (عريس لنج) مما جعل من اللحظة أجمل مما يكون لا اجيد ترتيب الكلمات والجمل في حضرة رجال في قامتكم,, واتمنى ان تكون هناك لقاءات اكثر واوسع كل الاماني لك بالتوفيق وربنا يحفظك ويغطيك وسلامي للجميع لك كل الود
ود شندي يا فردة مشتاقين يا حنين وين ليك مدة ما باين خطبوك ولا شنو؟؟ شكرا ليك كتير وخليك معانا وما تغيب لك كل مودتي
حبيبنا كيجة اشكرك كثيرا (من هنا للدويمات) وان شاء الله نشاركم في الافراح والليالي الملاح وربنا يحفظك يا رب وان شاء الله تمشي شندي قريب وتاكل السمك وتشرب الليمون ههههههه قريب يا رب تحياتي للجميع
| |
|
|
|
|
|
|
|