|
رحبوا معي بالأستاذ/ الهندي عز الدين في سودانيز أون لاين
|
عارفك... أول ما تخش النت بتفتح سودانيز أون لاين قبل الإيميل بتاعك... عشان تشوف أسهمك وصلت وين... قلت أرسل ليك رسالة. بختك يا مان... سودانيز أون لاين اليومين ديل ما فيها غير الهندي طلع، الهندي نزل، الهندي نام، الهندي قام، الهندي عطس... عشت وكبرت يا الهندي. أولاً: أهنيك بدخولك التاريخ كأول صاحب عمود يومي (يعني صاحب رأي) يطالب بحجب رأي يختلف معه، ويسعى لدى السلطة التي يساندها لتنفيذ ذلك!!!! لكن يا هندي... الشي مافي حبة ذكاء!!!. يعني اتخيل إنو حصل انقلاب في السودان –لا قدر الله- وانت تكتب في عمودك دا.. قام واحد من الصحفيين المساندين للانقلاب طالب ناسو ديل بمنعك من الكتابة... تعمل شنو؟... تكورك وتقول حرية التعبير؟؟.. ولا حتتذكر عملتك دي وتخجل؟؟؟...أها عشان ما تتسيَّك سيك زي دي "ولاحظ دي سيك في قبولك، وكان ما عارف فضيحة سيك القبول ،عشان ما بتلعب كتشينة وكدا، أسأل أي زول من ود راوة، ديل حرفا ويست" أها عشان ما تتسيَّك نديك نصيحة زي عمودك دا... "لله": يا مان مرحلة تمكنَّا دي انتهت وناسك دخلوا في مرحلة جديدة اسمها السودان الجديد، و العميل المتمرد دخل القصر وبقى إسمو دكتور جون، وطلع الأول والناس كلها صفقت ليهو، أها غُنا الرِق والشيالين بتاعك دا ما بينفع في المرحلة دي، فيا إما تغني زي الشباب بالأورغ يا عداداتك حا تقيف وما تلقى زول يسمعك غير عوض بابكر... عشان كدا لازم تواكب المرحلة قبال ما ناسك ديل يرسلوا ليك جواب شكر "إن شاء الله يوم شكرك ما يجي" أو يلحقوك "ما أُمات طه" يلحقوك زميلك محمد طه وتمرق منها بي كرامة البليلة، وبدل ما كنت صاحب عمود يومي تبقى قاعد -يومي- مع الشباب تحت العمود، وبدل ما كنت تقدل في مكاتب الصحافة تبقى قاعد في آخر محطة في الصحافة، راجي واحد من فِردك القُدام يديك فردة بالنص في الركشة بتاعتو المكتوب في ضهرها باليمين "ما بتدي حريف" وبالشمال "الرزق تلاقيط"... أها عشان ما تحصل التراجيديا دي يا مان ،في السريع كدا، وانت لسة عندك لنكاتك مع الجماعة الواصلين، خلي واحد فيهم يشوف ليك ،من واحدة من المؤسسات المالية بتاعتم، قرض حسن... وأدقش السوق وربك كريم. والسلام الإمضاء: الطريفي
|
|
|
|
|
|
|
|
Re: رحبوا معي بالأستاذ/ الهندي عز الدين في سودانيز أون لاين (Re: محمد السر)
|
Quote: تيس حمد..!!
حمد المادح من أشهر رجال القرية ويرجع ذلك لسببين، الأول لأنه مادح القرية وكل القرى المجاورة، فعندما يطلق لصوته العنان في الليالي المقمرة: من الحلو ما بحول بمدح سيدي الرسول سيد الخصب المحول يتجمع الناس حوله من كل حدب وصوب. وفي ذلك اشهار ما بعده اشهار للمناسبة التي مدح فيها حمد.. أما السبب الثاني فإن لحمد تيس متفرد في صوته وفي ادائه، ويتمنى كل أهالي القرى المجاورة ان تحبل أغنامهم من تيس حمد، وكانت معيز القرية تتبعه الى اي مكان يذهب اليه، وكان التيس مغرماً بصوت صاحبه، فكلما سمع صوت «طار» صاحبه المادح يذهب اليه وتتبعه المعيز، فكانت ليالي مديح حمد مرتبطة بعمليات إخصاب للمعيز، وفي الفواصل التي يسكت فيها المادح يرتفع صوت التيس «لبلبلبلب». عندما يطرق الطارق باب بيت حمد يخرج إليه، فعندما يطلب الطارق من حمد إحياء ليلة مديح لاحدى المناسبات الاجتماعية يجيبه حمد ضاحكاً: «انت داير حمد ولا تيس حمد قول النصيحة!!، اطمئنك نحن الاتنين جاهزين، بس ان شاء الله تكون غنمكم جاهزة» ثم يحدد موعد الليلة وفي الليلة الموعودة يرتفع صوت حمد: قالوا الحجيج قطع طالب نور البقع قلبي زاد وجع حماني القيد منع وفي الجانب الآخر من القرية يرتفع صوت تيس حمد لبلبلب، لبلبلب، والدراويش يذوبون وجداً في الساحة، بينما معيز القرية متحلقة حول تيس حمد وهو يتبختر كالقائد، يقرب اليه ما يشاء ويبعد ما يشاء. ü ودارت الأيام فشاخ صوت حمد المادح، ولكنه كان مُصرَّاً على حمل «طاراته» والاستمرار في ليالي المديح، فتجنب الناس دعوته، ولكنه ما أن يعلم بمناسبة إلا ويذهب من تلقاء نفسه. وكان كثير المضايقة للمادحين الشباب. وفي ذات الوقت أصابت الشيخوخة تيس حمد وأصبح عاجزاً عن تقديم خدماته، بل وأصبحت المعيز تطارده وهو يهرب منها، وكان يحتمي بالصعود الى خرابة بيت قديم اتخذت شكل ربوة، وكلما حاولت «غنماية» الصعود اليه كان يستجمع قوته الباقية ويصدها عنه. ولاحظ حمد المادح هذا المنظر ذات مرة، وقال في نفسه إن «تيسه» أعقل منه لانه اعترف بضعفه، وها هو يطرد المعيز عنه، لذلك قرر التوقف عن المديح الا لنفسه فقط، وقرر عدم الذهاب الى اية مناسبة الا للمجاملة العادية. وحدث تطابق آخر بين حمد وتيسه، فقد أخذ حمد يهمل التيس ولا يقدم العليقة التي كان يقدمها له بانتظام، وفي نفس الوقت توقف التيس عن «المخاطفة» والدخول في المنازل عنوة وأكل الكسرة والدقيق ودلق الملاح على الأرض. وفي ذات الوقت أخذت «الحاجة» زوجة حمد تقوم بذات الشيء تجاهه، فلم يعد يهتم به أحد، فالأولاد في أشغالهم والبنات مع أزواجهن، فلم تعد وجباته منتظمة وحدث إهمال لملبسه وفراشه، فقرر الإحسان للتيس عسى ولعل أن يُحسن إليه، فقام بأخذ كمية من الذرة والقش ووضعها أمام التيس قائلاً: «أكل يا حبيب، ابن آدم ما فيهو فائدة، أكان ما عندك شيء ما بدوك شيء، أكل يا حبيب أكان تجيك همة ونسمع صوتك مرة ثانية». وهنا صاحت الحاجة التي كانت تقف بجانبه دون أن يدري «يأكل شنو؟ يأكل السم.. والله ما يستاهل القشة ولا الحبة.. هو فائدتو شنو؟ ما خلاص انتهى حقو يلزم الجابرة.. وكل زول ما فيهو فائدة حقو يلزم الجابرة ويحترم كبره» فقامت بكشح الماء وشتتت القش والذرة.. وحمد ينظر إليها دون أن يقول كلمة واحدة..!! |
علي كلامك عمود استاذك واستاذنا البوني دا جنس عديل
| |
|
|
|
|
|
|
Re: رحبوا معي بالأستاذ/ الهندي عز الدين في سودانيز أون لاين (Re: محمد السر)
|
العزيز
محمد السر
تحياتى والود
Quote: أسأل أي زول من ود راوة، |
تعرف يا محمد من الصدف العجيبة
إنه ودراوه فيها اكبر عدد من الناس أسماءهم "الهندى"
يعنى يمكن يكون اكتر من أى مدينة أو قرية تانية فى السودان
أنا بعرف خمسة والله، ومن مختلف الأعمار
بعدين نحن ناس "كنكان" و "حريق" ساى غايتو الويست دى إلا ناسنا يكونو اتحرفنو فيها بعد نحن ما اتفرزعنا وطشينا
تعرف يا محمد زى الهندى ده، على الطلاق لو كان قافل وعنده تلاتة كروت جوكرين وكرت، يعنى مخاواة المخاوا ذاتها
ناسنا يجلوهو ليك
وأجدد ليك التحية والتقدير
| |
|
|
|
|
|
|
Re: رحبوا معي بالأستاذ/ الهندي عز الدين في سودانيز أون لاين (Re: محمد السر)
|
المطر بالله إنت من بلد الحصاص حلاوة من أجمل الناس القابلتهم واتعرفت بيهم صديق من ود راوة اسمو طارق خوجلي "أو عصفور النار"، وهو الآن بدبي. أنا طبعاً غلطت وخلطت في التخصصات، ناس الويست هم ناس رفاعة وإنتو ناس خمسين ساكت.. وزولنا شكلو سمع نصيحتي ومشى سأل ناس ود راوة وناسكم قالوا ليهو دا ما تخصصنا فما فهم حكاية السيك دي لسة...لأنو تااااني قال باص وهو ما عندو مراقة.. المهم زولنا دا-حسب وفرة الاسم في ود راوة ،وعدم عرفتو للويست- إحتمال يكون من هنود ود راوة، أنا ما متأكد.. لكن الشي المتأكد منو قطع شك إنو الهندي دا سيخي. لك ولطارق خوجلي وناس ود راوة محبتي
| |
|
|
|
|
|
|
Re: رحبوا معي بالأستاذ/ الهندي عز الدين في سودانيز أون لاين (Re: محمد السر)
|
اقبح ظاهرة انتشرت فى ال16 سنه الاخيره
وجود اولاد صغار مسبليين عيونهم وعاملين حليوات !!!!!!
وكلمتهم مسموعة ..... لاترد عند هؤلاء الكبار ......
واذا مشينا فى الشرح اكتر من كدا يا محمد السر ح يقوموا
يحجبو لينا الصفحة دى !!!!!!!!!!!!!!!!!!!!!!!!!!!!!!!!
ليييييييييييييييي كلمتهم مسموعه وبالسرعة دى ؟؟؟؟؟؟؟؟؟؟؟؟؟؟؟
لا تسالو عن اشياء ان تبدو لكم تسوؤكم ...........................
| |
|
|
|
|
|
|
Re: رحبوا معي بالأستاذ/ الهندي عز الدين في سودانيز أون لاين (Re: محمد السر)
|
الاخ محمد السر
برافو علي هذا النحت الساخر
لقد ضحكتني اسلوبك حتي كدت افقد ما بقي من "كلورورفيلي"يا مان
Quote: وبدل ما كنت صاحب عمود يومي تبقى قاعد -يومي- مع الشباب تحت العمود، وبدل ما كنت تقدل في مكاتب الصحافة تبقى قاعد في آخر محطة في الصحافة، راجي واحد من فِردك القُدام يديك فردة بالنص في الركشة بتاعتو المكتوب في ضهرها باليمين "ما بتدي حريف" وبالشمال "الرزق تلاقيط"... أها عشان ما تحصل التراجيديا دي يا مان ،في السريع كدا، وانت لسة عندك لنكاتك مع الجماعة الواصلين، خلي واحد فيهم يشوف ليك ،من واحدة من المؤسسات المالية بتاعتم، قرض حسن... وأدقش السوق وربك كريم. |
Quote:
لكن الشي المتأكد منو قطع شك إنو الهندي دا سيخي.
|
وانا متاكد انو مش من الهنود الحمر المساكين ديلك
تخريمة
ادعو الي مؤتمر عشاق الكلورورفيل
تحت شعار لا حياة بلا كلوروفيل
برعاية محسن خالد
رئيس رابطة اصدقاء الكلوروفيل
| |
|
|
|
|
|
|
Re: رحبوا معي بالأستاذ/ الهندي عز الدين في سودانيز أون لاين (Re: محمد السر)
|
يا محمد السر دا شكلو عايز اضانى انا !!!!!!!!!!!
وانا ما عندى مسنجر ......... ذى محمد
وعشان يؤكد انو كلامو ما معاك ..... رجع والقى عليك التحية
فى واحدة من دخلاتو وخرجاتو الماكوكيه الشهيره!!!!!!!!! ...........
ودى علاقة تحسرك باللقاء يا
ملاســـــــــــــــــــــــــــــــــــــــى
ما عايز ليك فهامة مع المسنجر ؟؟؟؟؟؟؟؟؟؟؟؟؟
| |
|
|
|
|
|
|
Re: رحبوا معي بالأستاذ/ الهندي عز الدين في سودانيز أون لاين (Re: هميمة)
|
Quote: ودى علاقة تحسرك باللقاء يا ملاســــــــــــــى ما عايز ليك فهامة مع المسنجر ؟؟؟؟؟ |
ابداً يا هميمة؛
فالتلميحات الواردة في الاقتباس ادناه؛ لم يكن فهمها يحتاج مني لفهامة.
Quote: اقبح ظاهرة انتشرت فى ال16 سنه الاخيره وجود اولاد صغار مسبليين عيونهم وعاملين حليوات !!!!!! وكلمتهم مسموعة ..... لاترد عند هؤلاء الكبار ...... واذا مشينا فى الشرح اكتر من كدا يا محمد السر ح يقوموا يحجبو لينا الصفحة دى !!!! ليييييييييييييييي كلمتهم مسموعه وبالسرعة دى ؟؟؟؟؟ لا تسالو عن اشياء ان تبدو لكم تسوؤك....... |
| |
|
|
|
|
|
|
Re: رحبوا معي بالأستاذ/ الهندي عز الدين في سودانيز أون لاين (Re: محمد السر)
|
د. بشار صقر تحياتي عارف يا دكتور القراية من النت دي ما راكبة لي في راسي، باتخيلها زي أكل الساندوتشات، ما بتشبع. فلما قريت هنا نماذج من كتابة المبدع محسن خالد قلت الزول المسلط دا دايرلو صينية، قمت سألت ولقيت إيميل المؤسسة النشرت ليه رواية ( الحياة السرية للأشياء) والمجموعة القصصية (كلب السجان) وطلبت منهم إرسالها لي وهسة الصواني في السكة، وانت يا دكتور –بصفتك رئيس الرابطة - لازم تكون بي صوانيك، ودا عنوان الناشر [email protected] أسعدني مرورك ومديحك لك محبتي
| |
|
|
|
|
|
|
Re: رحبوا معي بالأستاذ/ الهندي عز الدين في سودانيز أون لاين (Re: محمد السر)
|
الهندي أخوي كيف أصبحت؟ ياخي قبل ما أنسى تاني ،بخصوص موضوع فتيل الريحة، البرسلو المدير مع جواب الشكر في الخليج الحكيت ليك عنو المرة الفاتت... أها أكان إنت حكاية العمود دي بقت ما جايبة همها معاك، ولاَّ البلد شلعوها الخوالدة (يعني قلبوها الشيوعيين) -والعياذ بالله- وبقى ما عندك أكل عيش في السودان، والله سهل ولقيت ليك عقد عمل في الخليج، أها أكان يوم مشيت تزور ليك واحد من زملاء العمل ،لأي مناسبة تخصو، والمفروض تشيل ليه معاك هدية... أنصحك أبعِد من فتايل الريحة... بالجد أبعِد منها... باقي ناس الخليج ديل من تمشي تزور ليك زميل فيهم في بيتو وإنت شايل ليك فتيل ريحة طوالي يعاين لي يدك التانية... إن شاف فيها جواب ولاَّ ورقة ولاَّ حتى إن شاء الله جريدة ساكت يقعد يبكي، ويقول ليك: البيت الرميت ساسو دا أتمّو من وين، وبت الناس المسكينة الراجياني دي أقول ليها شنو، وأخوي السفرتو يقرا في الهند دا و... و...؟؟ ...موال يا مان ، دراما ألف ... أها وإن كان لقى يدك فاضية ريقو ينشف لغاية ما توريهو سبب الفتيل دا شنو،... لكن أحياناً ما تلقى هدية أحسن من الريحة... أها في الحالة دي زولك أول ما يفتح ليك الباب توريهو يدك التانية فاضية وطوالي تقول ليه مبروك للشيء الفلاني ودي هديتي ليك (المسألة دي ما تاخد أكتر من عشرة ثواني)، يعني قبل ما تِتضيَّف، لأنو لو زولك دا بقى من الناس القلبهم ضعيف والاَّ من ناس السكري والاَّ الضغط بتبقى ليه سبب، وبتخش ليك في رقبة، وحتى لو نسيت نصيحتي دي وزولك وقع وأمر الله حصل، ما تشيل الريحة ترجع بيها، خليها بتنفعو في الحنوط، وإنت بتاخد ثواب الهدية كااااامل زي ما هو، دا غير ثوابك عشان ساهمت في تشييعو...
Actually يا مان إنت ساهمت في حتفه .
أكان الله مدَّ في الآجال بجيك تاني محبتي
| |
|
|
|
|
|
|
Re: رحبوا معي بالأستاذ/ الهندي عز الدين في سودانيز أون لاين (Re: محمد السر)
|
محمد السر سلام
والله زي ما قال د.بشار
ضحكتني وقطعت مصاريني من الضحك
والدنيا ليل صحوا اولادي من ضحكي وياماما مالك
وما عارفه افهمهم حاجه بعيد عنك ما بيفهموا عربي كثير!!!!
محمد
يا اخي ده انت عندك ملكات خرافيه في السخريه و الفكاهه
بالله ما تهملها واحرص علي تطويرها
وصاحبنا الهندي اظنه ندم علي العضويه القدم ليها دي
وحاتك تلقاه بيعض على اصابع الندم
ويشيل ويسب في ناس امير ويقول والله الناس ديل ورطوني جنس ورطه
وهو لسه ما شاف حاجه ما عارف ناس البورد ديل وشبكم
وزي ما قلت يا محمد ناس جوه الماقادرين يتفشوا
نحن لازم نتفشى ليهم
وبالله واصل والله يديك العافيه ويبسطك قدر ما بسطنا.
وبالله يا هميمه قلتي لي الموضوع فيه وليدات حليوات
ومسبسبين ومكتلين عيونهم !!!!!!!!!!!
سبحان الله وبرضوا يقولوا لينا تمكين!!!!!!
كان الله فى عوننا.
تحياتي تراجي
| |
|
|
|
|
|
|
Re: رحبوا معي بالأستاذ/ الهندي عز الدين في سودانيز أون لاين (Re: محمد السر)
|
تراجي يا ستي إن شاء الله إنتي ووليداتك دايماً ضاحكين، بعدين ما مشكلة لو أولادك ما بفهموا عربي... يا خ ما كان توريهم Actually يا مان دي... هسة في عربي هنا؟؟ عموماً نحن الآن بصدد إنشاء سايت باللغة الأنجليزية، خاص بِفش الغباين،إسمو fushaneseonline.com،يسعدني جداً لو أولادك جو اتفشو معانا. بعدين صاحبنا دا لا ندمان ولا حاجة كل الحكاية إنو فِرَدوا الهنا أدوهو الخطة، وقالوا ليهو بوست المان دا تجليهو خالص كأنك ما شايفو.. عشان يفنجِط ليهو يومين تلاتة وبعد داك بوستيهو دا حا ينزل قاع المنبر (بالله لاقتك حسادة زي دي؟؟) لكن أنا لو أبطِّل الشغل وتبقى شغلتي في الدنيا بس أعمل Up للبوست دا، ما حاأخلي ينزل القاع. أما ناس الداخل فأنا ما ناسيهم وحا أعمل ليهم بوست بتاع فشة جماعية "على غرار العرس الجماعي" وحا ناخد منهم فشاتم في الإيميل (لضمان السرية) وننزلا بأسماء مستعارة أو رموز زي بتاعت المجلات زمان ديك (وصلتنا رسالة من س. ن وقال فيها كذا وكذا و...) أخوك ما تفتيحة ... لكن حا نحتاج مجهوداتك معانا، يعني حضري شعورك من هسة، نحن أعتمدناك فشفاش أسااااااسي. قبل ما أنسى، المهندس وعبير خيري الشجاعة فشو بي نفسهم ولما سألتهم قالوا والله أنحنا بنعرف نضبح برانا وما محتاجين جزار... لكن أنا عارفم عملوا كدا عشان ما عايزني أشيل الجلد والراس، باقي المهندس دا جِنُّو نيفة، فإتذكري بعدين في الفشة الجماعية لو جو قالوا دايرين حقنا قولي ليهم إنتو شلتو حقكم براكم. سلامي للأولاد
| |
|
|
|
|
|
|
|