يا جماعة والله انا عارفة روحى مقلة فى الكتابة ودى والله اسباب خارجة عن الارادة منها انو الزميل خدر ما مدينى فرصة لكن انا كفاية على اقرا ليكم واستمتع لكن الليلة الخلانى اكتب
موضوع زعلنى جدا وعايزة ااخد رايكم فيهو
انا سمعت كتير عن الزوجات اللى بيضربوهم لكن المرة دى انا شفت بى عينى
مثقف جدا وواصل درجات علمية كويسة جدا وشغال فى مركز كويس
المهم انو هو ما ناقص تعليم ومن مناصرى المرأة وعامل فيها ديمقراطى واى حاجة لازم نناقشهاونتفق عليها قبل ما نعملها لكن انا المرة دى شفتو ليكم بى وش تااااااانى ح تقولوا لى يمكن هى قلت ادبها عليهو اقول ليكم طبعا اكيد دى وجهة نظرو لكن انا عايزة اعرف منكم حاجة مهما قلت ادبها ح تكون عملت شنو؟؟ تفت ليهو فى وشو..؟؟....ما حصل سبت ليهو اهلو.....؟؟؟ ...ما حصل سبتو هو....؟؟؟...ما حصل
لكن الحاجات دى كلها جات بعد ما الضرب حصل
وبعد كدة انا قعدت معاها وسألتها انو الحاصل شنو الزول دة ما اللى احنا بنعرفوا قالت انو دى ما اول مرة يضربها ولما كانت حامل بى ولدها الاولاللى جا بعد 5 سنوات ضربها اكتر من مرة وانو الحاجة دى عاااادى عندو وانو هى قالت ليهو لو ما شفت الضرب دة فى بيتكم ما كنت سويتو معاى ودة كلام فى اثناء الضرب
وانو لما يجى طالع الشغل بيشيل معاهو تلفون البيت وقال ليها وانا مافى ماتفتحى الباب لى زول وبيفتش تلفونها الخاص معقولة فى راجل بيستعرض عضلاتو فى مرة هى الرجولة دى شنو..؟؟
والغريبة انو بيقول بيحبها جدا
والله يا جماعة انا من شدة ما الكلام حارقنى ما قادرة القى تعابير واعذرونى اذا ما رديت طوالى للاسباب البقولها ليكم طوالى دى
06-20-2005, 09:08 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
بارعة غيبى وتعالى وانت بارعة... زولتك دى مبسوطة للضربة لانها خايفة من ضربت الضرة وبشيل معاه التلفون...هنا فى حاجة جابت الضرب.. اما هى ربرابة فى التلفون..وهالكاه بفاتورة التلفون او بتاعة...مواضيع..يعنى الحكاية جابت ليها شكوك..ودا موضوع الضرب ما بحلو قلتى لى متعلم...وديمقراطى..ومناصر المراة سجم خشمى ... كان كدا الرحالة ديل كلهم واحد مستنير على ظلامى...الرجل السودانى مستعلى على المراة وعامل فيها شاريها..مش هو الخطبها ودفع مهرها..بكسيها وبشربها وبلبسها ولو مرضت بعالجها خلاص..ابقى مشترها...لو ما قلت مناصر المراة كنت عاوز اقولك الزول دا..اسلامى... لكن ..دى مشكلة ما عندى ليها حل...انا بعرف واحد اخونا معانا فى الرياض زائد والله فى الديمقراطية..حبتين...مراتو غلطت غلط صغير كدا..جاءت سلمت علينا...وكانت راسمة حنة فى ايدها نهرها نهرة الى يوم الليلة ما شفتها تانى ولا انا زرتهم...الرجل الشرقى..واااااااااااااااااحد اسلامى ولا مسيحى...لكن ضرب عديل كدا..والله دى اهانة.. ربنا يكون فى عونها..وانت قدمى ليها نصيحة..قول لى ليها ما تشايليوه عشان اولادك..الاتنين ديل..وبعد كم سنة عشان اولادك الاربعة...والورطة..عايشة عشان اولادى..انا اسى بناتى خطبوهم اقوم اشاكل مع راجلى خليه يدقنى ماهو شافها فى بيت اهلو..يمه راجلى دقانى يابتى اصبرى عليه اسى .ابوكم دا لى معاه 30 سنة ياهاه ..هوشتو دى لكن قلبو طيب..لو ما كدا كان فارقتو زمان...ويومو البموت...سكلى للصباح .... حدت عليه اربعة شهور...بعد عام من وفاة..والله من مات ظروفنا ساءت وحالتنا للوحدة والبشتنة كان بشتغل ليل نهار وماعنده غيرنا.. وحباة ابو وليداتى الفى غبره...كانت ايدى ديل مليانات دهب الى كوعن...من مات خلانى للدنيا والناس فرت مننا..كان ديوانا مليان...والمرحوم كل اسبوع بضبح..كان كريم جنس كرم وراجل جنس رجالة...العاقر تسمى عليه..ياحليلو..وما دوامة..اسى انا اسوى شنو بعده .. بارعة عندى صاحبى اسمه خدر عليك الله ..لو بتلاقيه سلمى لى عليه ولقدام
بارعة حمدالله ع السلامة أولا تانياً شيلي صورة خدر القادينا بيها ديك وختي بدلها الصورة الانتي خاتاها دي ثالثا الزول البضرب مرتو ده نقول ليهو أو حاجة عيب عيب عيب ع أقل تقدير بدون فهم وثقافة وفلسفة وكلام كبار كبار من نوع ديمقراطية ولوجستية وفنتازيا المرأة كائن ضعيف بنيوياً (بنيوياً دي حلوة مش) يعني ما تستعرض عضلاتك قدامها وتفرض سيطرتك بصورة مهينة وتذلها استغلالاً لقوتك الجسمانية في مقابل ضعفها ... لو أخطأت عالج الوضع بالنقاش لأنو أنت برضو ممكن تخطيء حترضى زول يهينك بالضرب ...؟؟ متعلم شنو هو العلم ده ذاتو بقة بالنسبة لي ما أحد أسباب استنارة العقل والله بقيت بصاب بإحباط ومرت بي تجارب كتيرة ناس شهاداتهم تسد عين الشمس وتصرفاتهم تخليك تقولي يخس ع القالو اتعلمو ... تعرفي مايستحق يتزوج ده مفروض يطلقوها منو ويخلوهو كده قاعد ساي (كلويتا)... سلام
06-20-2005, 09:32 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
هذا الرجل يدخل مريض وكما يقولون* لكل قاعدة شواذ* ولكن يبقى السؤال لماذا تحتمل هذه الزوجة مثل هذا المخلوق والشرع يبيح لها الطلاق منه طالما حصل ضرر عليها دون ان ترتكب اى معصية ؟؟ قديقول البعض ان الحب يفعل العجب والمثل الشهير البيقول *ضرب الحبية احلى من الذبيبة* ولكن اذا كان هذا الرجل يضرب زوجته تيمنا بهذا المثل فمن المتوقع ان يقوم بقتلها اليس المثل القائل .... *من الحب ما قتل* ما اردت ان يكون مداخلة هو لابد من وجود اسباب اسرية تجعل الزوجة صامته او ان يكون الزوج كثير الغيرة على زوجته وهى تحتمل ذالك من اجل فلذات اكبادها . وارجع واقول ان اى زواج ظهربه الضرب يجب ان يكتب له الفراق فورا شكرا تحياتى
العزيزه بارعه حمدالله على سلامة الظهور..وخلينى انقل ليكى الموضوع الظريف ده من مجلة صباح الخير وبعدين بجيكى
Quote: مها عضت زوجها
ليس صحيحاً أن «مها» عضت زوجها بعد مشاجرة سببها مصروف البيت! اعترف الزوج «عزيز» بأن زوجته هجمت عليه وعضته فى راحة يده وذراعه وقدمه اليسرى بسبب الخناقة على مصروف البيت». هذا الخبر الذى نشرته الزميلة «المساء» يوم السبت الماضى لا يجب أن يمر مرور الكرام، بل يجب أن نتوقف أمامه بالدهشة والتساؤل عن مغزى «العضة» ودلالتها، خاصة أن التفاصيل منشورة فى جريدة قومية، وبالتالى فهناك عشرات الأبعاد السياسية والحزبية تكمن خلفه ولم تنشرها الصحيفة القومية بحكم سيطرة الدولة عليها.
لقد توافد على مصر عشرات من مراسلى القنوات والمحطات الفضائية العربية والأجنبية للبحث عن حقيقة «عضة» مها لزوجها «عزيز». أذاعت واحدة من هذه المحطات العالية الصوت الصاخبة الأداء فى تقريرها أن السر الحقيقى وراء ما قامت به «مها» هو اختلافها مع زوجها حول ضرورات الإصلاح ومبادراته، فهو يؤيد الإصلاح من الداخل، بينما هى بحكم مشاعرها تؤيد الإصلاح من الخارج. أما تقرير المحطة الثانية، فكان أكثر إثارة وسخونة فى تحليله السياسى، فقد اتهم الزوج زوجته بأنها تنتمى لفصيل معارض، بينما أكدت الزوجة أن زوجها خدعها، وكان يؤكد لها دائما أنه مع التغيير والإصلاح، لكنه تغير بعد الزواج ويكره التغيير ويحارب الإصلاح أى إصلاح حتى لو كان إصلاح التلاجة!.
وأشار محلل سياسى عربى إلى أن تداعيات سقوط المعسكر الاشتراكى واختفاء الاتحاد السوفيتى وانفراد الولايات المتحدة كقوة وحيدة فى العالم ساعد على خلخلة العلاقات الزوجية وسيادة قيم القهر والتسلط الأحادى الجانب، وهو ما دعا الزوجة لاتخاذ «العض» وسيلة وحيدة للتفاهم خاصة بعد أحداث 11 سبتمبر الشهيرة» و«عض» أمريكا للعراق! أما إحدى مراسلات المحطات النسائية المتخصصة فقد انفردت بأسرار مذهلة، وهى أن الزوج كان دائم البص والفرجة على إليسا ونانسى وهيفاء، ولم يعد يطيق النظر إلى زوجته ولا حتى الكلام معها، لدرجة أن آخر مرة تبادل معها الكلام - مجرد الكلام - كان منذ عشر سنوات، والمرة الوحيدة التى نطق فيها فوجئت به يقول : «الله يا هيفا»، فسألته: «أنت بتشتمنى وتقول «هيفا»؟! أنت اللى هايف! حاول أن يوضح لها أنه يقصد «هيفاء» المطربة التى تتلوى وتتأوه أمامه وتغنى لـ «رجب»، لكنها لم تدعه يكمل وانهالت عليه بالعض فى كل مكان من جسمه!
وقالت مراسلة إحدى الفضائيات الأجنبية أن «مسز مها» انتابها الفزع والذعر بعد أن قرأت فى إحدى الصحف العربية أن أحد الذين ينوون ترشيح نفسه يدعو إلى تعدد الزوجات لحل مشكلة العنوسة، وأنها لاحظت السرور والحبور والانشكاح على ملامح زوجها الذى قرر بالفعل أن يتزوج عليها رغم ضيق ذات يده! وأضافت المراسلة فى تقريرها باللغة الإنجليزية أن جارات الزوجة أعربن عن سعادتهن بما فعلته الزوجة وتأديبه وأن «عضة» واحدة لا تكفى للزوج أبو عيون زايغة! وختمت المراسلة تقريرها بقولها : «إن مصر تموج بفترة احتقان بسبب عضة «مها»!! ؟؟ صحيح.. وطالما اختلط الحابل بالنابل يبقى المثل الشعبى سيد الموقف: وهو اللى ما يعرفش يقول عدس!!
رشاد كامل
06-20-2005, 10:05 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
بارعه يا خيتي... كيفنكم؟ عاد خدر فاضي من نقل الشباشب؟ ما خلا ليهو شبشب حايم ما جاب صورته هنا.. يختي نصيحه لله والرسول، ما تخليه يشتري ليك شبشب، حاكم ذوقه مشاتر فيهن.. جاب ليهو واحد كدي اخدر بي أزرق.. سألت منّه أي زول قال يطرشو ويعميه... اها النرجع لموضوعك.. عليك الله عان ديل قعدو يشركوا في بعضهم ولخبطوا ليك موضوعك... المرا دي تحديداً ما براها.. والمشكلة ما مشكلة رجل شرقي.. كتير بسمع عن المشكله دي في الغرب... المرأة عطوفة وحنونه.. تاخد جلدتها (واشريري) ويقوم يجيها ليك بعلها باكي ومنكسر، تحن عليه (الحنينه) وتقول ليهو خلاص سماح المرّه دي بس تاني أوعك تضربني!!!! والله دي عوجه... تعرفي... انا غايته ما بعرف وضعها في الحالة دي بكون كيف .. لكن الشي البعمله انا في اللحظة اليرفع لي إيده فوق(حاشااااااااااااااااه).. بقول ليهو حرّم علي بالطلاق تنزّلها.. عشان تاني ريحتي في الارياح ما يشمّها... الربط بين الديموقراطية والعلم والأفعال الزي دي ما ربط موفق يا بارعه.. عارفه ليه؟ لأنه ده زول ما بعرف مفهوم للحب.. البحب ما بهين حبيبه.. ولا بذلّه ولا بكسره.. وانا عندي دي بتساوي انه يتزوج عليها .. وفي الحالة دي( في حالة انه اتزوج) .. بقول ليهو "طير.. الله لا أعادك " لقيتيني كيف؟؟؟ لاجد والله... انا بفتكر انه المؤسسة بتاعت الزواج دي أهم شي فيها انه الرجل يفهم انه طرف فيها.. موش مالك.. يعني ما هو أساسها.. بل "هما" اساسها.. ولما يكون فاهم كده.. حيفهم أشياء تانية... يختي ده والله قوّم علي المُصران... يعميني ويطرشني ما شفته أبوي عملها.. ولا يمكن أصدقها حتى كان شفتها بي عيني.. ويعميني ويطرشني ما شفته زول في أهلنا عملها.. بري يا يمه... الرجالة تطير كان كانت كدي... كٌر...
عازماكم مُلاح روب أبيض بي كسره.. ده مُلاحي الجديد...
بنت الحسين
06-20-2005, 10:54 AM
bushra suleiman bushra suleiman
تاريخ التسجيل: 05-27-2003
مجموع المشاركات: 2627
أقدم شاب سعودي عمره (23 عاما) على مغامرة جنونية عندما تزوج أربع نساء في ليلة واحدة ليثبت لطليقته انه ما زال يتمتع بالجاذبية وافادت صحيفة " الوطن" السعودية الصادرة امس ان الرجل كان قد ارتبط بعلاقة زوجية فاشلة مع امرأة طلقها بعد شهور قليلة من زواجهما ونقلت الصحيفة عن الرجل قوله عند الانفصال قالت لي طليقتي انني لن أستطيع الزواج بعدها لأن لا امرأة من النساء ستوافق على الارتباط بي وأشارت الوطن الى ان الشاب اقسم على ان يتزوج اربع نساء في ليلة واحــــــــــــــــــــــــــــــدة وبالفعل اقترن الشاب بأربع نساء في ليلة واحدة بتكلفة لم تزد على 80 الف ريال هي مهور زوجاته الاربع بالاضافة الى عشرة آلاف ريال خصصها لقضاء شهر العسل
نقلا عن جريدة الوطن السعودية
06-20-2005, 11:03 AM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
بشرى.. كُر يا يابا.. ده خبر ده الله يجازيك... كده شيله كدي ولا كدي... ده زول عيان والله... وهن العويرات الأربعه مافيهن واحده يا كافي البلا قالت ليهو تلت التلاته كم؟!!! بري يا يمه من نسوان الزمن ده.. العينات الزي دي بسوّق ليهم نسوان زي العرسوهم...
انا الحاجات الزي دي بتفوّر لي دمّي والله..
جاياكم بعدينَِ
06-20-2005, 11:42 AM
jini jini
تاريخ التسجيل: 02-05-2002
مجموع المشاركات: 30720
Quote: وانو لما يجى طالع الشغل بيشيل معاهو تلفون البيت وقال ليها وانا مافى ماتفتحى الباب لى زول وبيفتش تلفونها الخاص معقولة فى راجل بيستعرض عضلاتو فى مرة هى الرجولة دى شنو..؟؟
والغريبة انو بيقول بيحبها جدا
اول مرة أعرف انو المركيز دو ساد سودانى!! ومن الحب ما قتل!! غايتوا صاحبنا داما زول يدوه بت في غربة دا اذا ادوهو من الأساس!
ودا مفروص يصاهر بت ابوها قاضى محكمة استئناف ويكون عندها اثنين اخوان عميد في الشرطة وعقيد في الجيش والتالت تور بقر جواميس والرابع صايع ايدو طرشة عشان يعملوا ليهو حفلة كاسورى جني
(عدل بواسطة jini on 06-20-2005, 02:01 PM) (عدل بواسطة jini on 06-20-2005, 02:02 PM)
اتخيل الاسباب شنو..!!! انها بتحبو وعاشواقصة حب 7 سنين قبل الزواج وقبل ما تدخل هى الجامعة وقبل اى حاجة
بشرى سليمان
اها زولتك دى خطيرة اخدت حقها بى سنونها ودى لذيذة ما يتخاف عليها
بت الحسين سلامات اول حاجة خليهو ذوق خدر دة عليك الله وما تذكرينى الجزمة الحمرا الجابها لى يوم الجمعةالفاتت بى حجة انها لذيذة وخفيفة وواطية وبقدر اتحرك بيها بقيت كل ما امرق حتة تلقينى خاتة لى شى احمر عشان يمشى معاها مرة منديل احمر مرة شنطةوللا حلاوة حربة حمراغايتو ... بتلاعب لكن لمتين ما عارفة
لكن بالنسبة لى موضوعنا انتى جبتى المفيد وقلتى
Quote: البحب ما بهين حبيبه.. ولا بذلّه ولا بكسره
الله عليك يا جنى
Quote: غايتوا صاحبنا داما زول يدوه بت في غربة
احمد عمر
Quote: كدي يا بارعه انت وقت حاضرة الضرب والخبط ما حجزتي مالك ما قلت خبطة واااحدة بتجيبي خبرو
احنا اتفاجأنا بالصريخ ولما وصلناهم كان اسمو ضربها والسيد خدرقرر على طول انو نغادر المكان ونقطع صلتنا بيهو ولغاية يوم الليلة هو بيحاول يتكلم معانا بالتلفون عشان يشرح الحاصل شنو ... خدر رااافض تماماانو نرد على تلفونو حتى
وبعدين الخبطة حقتى دى حدها خدر لانو اساسا انا بعتمد فى اللحظة ديك على الراس الحفيان..وصاحبنا داك راسو كان محمى فما كان فى اى طريقة لانوخبطة بارعة صنعت خصيصاللاخ خدر
الاخوة المتداخلين كلكم والله فشيتونى انتو عارفين انا ما قادرة اقعد من اليوم داك وما لاقية زول يسمعنى واناقشو فى الموضوع
06-20-2005, 10:14 PM
abas abas
تاريخ التسجيل: 07-27-2002
مجموع المشاركات: 6255
Quote: اول حاجة خليهو ذوق خدر دة عليك الله وما تذكرينى الجزمة الحمرا الجابها لى يوم الجمعةالفاتت بى حجة انها لذيذة وخفيفة وواطية وبقدر اتحرك بيها بقيت كل ما امرق حتة تلقينى خاتة لى شى احمر عشان يمشى معاها مرة منديل احمر مرة شنطةوللا حلاوة حربة حمراغايتو ... بتلاعب لكن لمتين ما عارفة
:
والله ضحكتيني ضحك من الصباح.. عليك الله شكلها كيفن .. اوصفيها لي... بقى عندي فضول طبيعي في معرفة الشباشب... جزمة حمرا.. ذكرتيني اخوي مازن.. مازن أي شي أحمر، بحبه... وعنده لبسته المفضّله.. تي شيرت أحمر مع بنطلون أبيض... ومن فوق للتي شيرت vest أبيض لزيز.. وبلبس معاهم جزمة sport أبيض بي أحمر... تتصوري، بتتطلع وجيهه.. لكن ظنتني كان جرّبتها حأكون زي حلاوة حربا بي حقتك دي، لكن فوقها شوكولاته...
Quote: اتخيل الاسباب شنو..!!! انها بتحبو وعاشواقصة حب 7 سنين قبل الزواج وقبل ما تدخل هى الجامعة وقبل اى حاجة
ما قلت ليكم.. المرا حنينه... وتقوم كل مره تسامحه وهو يعتبر التسامح ده عذر أو اذن .. ما هو عارفها انها حتسامحه.. غايته انا بفتكر انه شخصيتها ضعيفه ... وبفتكر انه الحب ما مفروض يخلي الانسان في موقع ضعف، بالعكس، مفروض يقويه.. احسن علاج ليهو.. تسيب ليهو البيت كم يوم إجازة كده.. وخليهو يتشلهت في البيت والعيال... ولما يقول الروب ترجع... على الأقل عشان يضوق فرقتها عامله كيف.. ولا شنو؟ (رغم انه حلّك شكله ناجع، لكن داير مقوّمات)
Quote: وانا بفتكر انها بتثير الغيره فيه لانو بشيل التلفون وبفتش الموبايل
عبّاس ازيك يا اخوي.. دي ما غيره يا عباس.. ده مرض. شك.. وهم... أي شي من التلاته ديل بصفوا الحال... في شعره رفيعه بين الغيره وبين الريبه... الأولى ممكن تكون بناءة جداً.. وتكون بهار للحياة .. اما التانية فممكن تكون شديدة التدمير... مجرد انه ياخد منها التلفون، ده اسمه اذلال..وشنو يعني يفتش الموبايل بتاعها!!! عليك الله عان ده... هو عليك الله اليوم كله 24 ساعة... بلقى وقت متين يعمل الدورية بتاعته دي!!!!
Quote: ودي طبعا من الاشياء التي تجعل الراجل ما بفكر في اي شيء غير انو يسترد كرامتوا
كرامتو إيه يا مُرسي.. والله العظيم دي حاجه تفقع.. أصلا لو هو بفتكر انها بتصرفاتها بتهين كرامته، الجابره شنو؟! واتزوجها ليه؟! بعدين ليه عندي احساس كده انه بعاملها على انها اقل منّه؟ يعني زي الما بتفهم.. أو انها طفله أو !!! ياخ انا ابوووويااا ما بقول لي "منو الضرب ليك"... !!
يا جماعة الزوله دي مافي زول بقول ليها عقلك في راسك؟!
Quote: الاخوة المتداخلين كلكم والله فشيتونى انتو عارفين انا ما قادرة اقعد من اليوم داك وما لاقية زول يسمعنى واناقشو فى الموضوع
انت اتفشيتي لكم رفعتي لي الضغط يا بارعه...
06-21-2005, 02:50 AM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
Quote: ولما كانت حامل بى ولدها الاولاللى جا بعد 5 سنوات ضربها اكتر من مرة وانو الحاجة دى عاااادى عندو
زولتك دى تستاهل الضرب , عارفه ليه ؟؟.لانها من اول يوم ضربها قعدت معاه 5 سنين تانى اى واحده زوجها يضربها عندها حل من حلين الحل الاول , تترك البيت و تمشى لاهلها على طول ,مهما ندم واعتزر ما مفروض ترجع تانى ابدا , و لو رجعت زنبها على جنبها الحل التانى , لو ما عندها اهل ترجع ليهم ,لاى سبب من الاسباب , تضربو هى برضو , يرفع يدو بضربها ترفع سكين المطبخ . و على و على اعدائى
06-21-2005, 02:51 AM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
سمارت.. ضغطي على "أضف رد" كم مرّه؟ شكلك السكري عندك زاد على الخمسه صلايب...
والله معاك حق.. ما بستاهل يقعدوا معاه ده... والله شيء عجيب.. انا بستغرب.. راجل مفروض انه بدعي الشهامة والمروءه يرفع يده على زوجته.. عيب.. والله عيب.. يعني كيف الكلام ده؟!! بياتو منطق يا جماعة... بس فهموني ليها.. عشان دي لغه انا ماااا بفهمها والله
بنت الحسين
06-21-2005, 03:18 AM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
Quote: المهم انو هو ما ناقص تعليم ومن مناصرى المرأة وعامل فيها ديمقراطى واى حاجة لازم نناقشهاونتفق عليها قبل ما نعملها لكن انا المرة دى شفتو ليكم بى وش تااااااانى
ليس من الضروري أن يكون الزوج متعلما أو ديمقراطيا حتى نقول أنه من الغريب أن يضرب زوجته أم أولاده. فكم من رجل أمي لا يفك الخط و لا يعرف من الديمقراطية شيئا .. نجده يبجل زوجته .. و طول عمرو ما قال ليها كلمة تزعلها .. ناهيك عن الضرب. هي ناحية نفسية و ذات جذور تربوية ضاربة في جذور تربيته. فقد تابعت حالة أحد الأزواج الذين هم على شاكلة صاحب موضوعك .. فعرفت أنه كان يراقب والدته المتسلطة على أبيه .. و أحيانا تضربه .. و هو لسبب أو آخر ( مهيض الجناح مكسور الجانب ) .. فترسبتْ لديه قناعة بأنه سيكون مثل والده .. لذا كان يبادر بالضرب كنوع من رد فعل نفسي مترسب فيه .. رغم أنه متعلم و في وظيفة قيادية .. و لكن ما أن يصل البيت حتى يتنمر دونما سبب و يبحث عن سبب ليضرب زوجته الوديعة. إذن فهو لإثبات رجولة عند البعض .. نعم عند البعض ( فش غبينة ) لا مبرر لها. و عند البعض لإثبات رجولة ( و هو إثبات مهزوز الجوانب و لا يثبت شيئا أصلا في سِفْر الرجولة ) .. و عند البعض يكون الضلرب لإنزال العقوبة لمجرد شك لا دليل له .. و ما أن تنتهي حصة الضرب حتى يعود إلى طبيعته رغم وجود جمرة الشك متوقدة بداخله .. و هذا أخطر الأنواع .. لأن مجرد الشك في الزوجة هو سبب مقنع لأن يفترق عنها و لا يستحق أن تعيش معه... هو يريدها هكذا .. مشكوك فيها و مضروبة يوماتي .. ( طيب ياخي وكت شاكي فيها سيبها في حالها ) .. و البعض يضرب و هو في قمة السكر تحت تأثير الخمر .. و ما أن يفيق حتى يبوس رأسها و قدميها معتذراً .. ( طيب بتشرب مالك وكت ما راجل قدر الشراب ؟ ) .
تخريمة :
زوجة .. قامت بشتم أم زوجها و أبيه و إخواته أمام ناظريه و تحت سمعه و بصره .. و هو واقف مذهولا .. و عندما قاطعه أهله لأنه كان سلبياً .. هنا أحستْ الزوجة بفداحة خطأها .. فقالت له : و الله شدة ما ندمانة .. إتمنيت لو ضربتني علقة قدام أهلك .. فقال لها : يعني حسع أسوقك أضربك قدامهم ؟ فقالت : بعد دة فات الفوات .. حيقولو إتفاق بيناتنا و حيكون ماليها أي تأثير ..
سؤال : هل تستحق مثل هذه الضرب أم طلاق أم ماذا ؟ مجرد سؤال
أرقدي عافية
06-21-2005, 03:18 AM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
دي في رأيي ما يقول ليها ولا شي.. ويفوت بس منها.. عشان البتطول لسانها في (اي زول) موش أهله كمان.. دي ما بتستاهل تربي ليه أطفال... لانها ما بتحترم البيت الهو جايي منّه..
06-21-2005, 07:27 AM
Elawad Eltayeb Elawad Eltayeb
تاريخ التسجيل: 09-01-2004
مجموع المشاركات: 5319
دي في رأيي ما يقول ليها ولا شي.. ويفوت بس منها.. عشان البتطول لسانها في (اي زول) موش أهله كمان.. دي ما بتستاهل تربي ليه أطفال... لانها ما بتحترم البيت الهو جايي منّه..
العزيزة مريم بنت الحسين،
لو كل البنات والأولاد عندهم زي فهمك ده كان الناس استمتعوا بي أم رقيقة والملاحات الجديدة (مُلاح روب أبيض بي كسره) مع الضحكات الرنانة والموسيقى الرائعة. لكن للأسف الفهم قسم وده الخلا بعض البيوت مقسمة.
06-21-2005, 01:24 PM
zola123 zola123
تاريخ التسجيل: 08-22-2002
مجموع المشاركات: 7
Quote: زول مثقف جدا وواصل درجات علمية كويسة جدا وشغال فى مركز كويس المهم انو هو ما ناقص تعليم ومن مناصرى المرأة وعامل فيها ديمقراطى واى حاجة لازم نناقشهاونتفق عليها قبل ما نعملها
الغريبة يا بارعة ...99% من ضاربي زوجاتهم هم من الفئة القلتيها دي....
يكونوا قايلين دي المساواة؟؟؟؟؟؟؟ ولا....... ده من شنو يا ربي؟؟؟؟؟؟؟؟؟
Quote: ودا مفروص يصاهر بت ابوها قاضى محكمة استئناف ويكون عندها اثنين اخوان عميد في الشرطة وعقيد في الجيش والتالت تور بقر جواميس والرابع صايع ايدو طرشة عشان يعملوا ليهو حفلة كاسورى جني
والله دا اعقل كلام القالو جني دا .. قلت لي كاسوري ؟؟؟ لكن لقيتك اقدم من باب شريف
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بارعة
معتز تروتسكى
abuguta
بلدى يا حبوب
bushra suleiman
مريم بنت الحسين
jini
abas
smart_ana2001
ابو جهينة
Elawad Eltayeb
zola123
mamkouna
فيس بوك
تويتر
انستقرام
يوتيوب
بنتيريست