|
Re: انور كينق بيننا في الامارات وهاكم التلفون (Re: saif massad ali)
|
عزيزى عباس
تحياتى ..وكتر خيرك انك نبهتنا لقدوم انور اليكم ..
لكن انور نصيبكم منو حايكون نصيب ضيوف جدو ..
وكما روى لى ان ضيوف اتوا الى جده فى نهار رمضان
واحتار الرجل فى مسألة اكرامهم ، فالدنيا رمضان والضيوف
مستعجلين ماحايحضروا المغرب ، المهم جدو بعد تفكير ..دخل
البيت وجاهم راجع شايل ليهو جردل موية بااارد ، وقال ليهم
حرم مابتمشوا ساكت اكان تاخدو ليكم ترشرشه ...المهم الجماعة
اخدوا ترشرشتهم وفاتوا ...
اها (الترشرشه ) دى ياها التلفون وماحايكون فى غيرو ..فبعد ساعة من الان
سيركب الطائرة الذاهبة الى كوريا ...
وقد اتصلت به والحيت عليه فى ان ياتى الينا هنا فى الدوحة ، ولكنه ذكر لى
انه مسافر فى طائرة هذا المساء ...
صراحة من اكثر الناس الذين افتقدهم هذ المكان هو انور كنج ، فقد كان شعلة
من النشاط والحيويه ..الحضور ا لدائم ..الاسئلة الصعبة .... والمواضيع المثيرة
والنكتة الحاضرة ...و(الرواشة ) الجميلة احيانا ...
ليته يعود .....وياريت تشوفوا لينا طريقة لى قسمو الاقسمو ده ..
كتر خيرك كتير ياعباس انك اتحت لينا فرصة انو نسمع صوتو ...
محبتى لك ...
| |
|
|
|
|