كل من شاف لقاء الأمس دا في التلفزيون في برنامج حسين خوجلي يتأكد له كلامي في اجتماعيات الأنصار.. ناس عادية.لابسة عادي.. مافي كمكمة مافي عمعمة..مافي شرابات في اليدين والرجلين.. الإملم عبد الرحمن من زمان متحرر في تعليم البنت.. مع إنو كان قمة البلد والناس تأخد دينها منو ومن فتاويهو.. هسه السيد الصادق لاتفوت عليهو شاردة ولاواردة في الفقة أو السنة أو الحديث..وممكن يصل الى درجة المفتي.. وبالرغم من كدة ناس عادية.زاسلام السودانيين.. اصلو الدين من تجي فيهو الغلواء والتشدد والتنطع والحذلقة.. طوالى دا يولد الغرور والكبرياء والغطرسة وطوالي تشوف نفسك إنت أحسن زول والناس التانيين كلها كعبة..مع انو العكس مفروض يكون صحيح.زتشوف نفسك إنتا الكعب والناس التانيين كلها كويسة.زهذا منهاج التربية وهذا منهاج السلوك.. وغالباً الناس المتشددين ديل غالباً بعد فترة يرجعوا وينتكسوا لقاع سحيق من التردي ويكون عكس كدة..نبينا عليه السلام قال( لايشادد الدين احداً إلا غلبه، فأوغلوا فيه برفق..)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
منصوري
فيس بوك
تويتر
انستقرام
يوتيوب
بنتيريست