|
Re: شجرة النيم ام همبريبا بااااااااااااااارد (Re: ابوبكر الامين يوسف)
|
ناس النيمة سلااااااااام
طاب معناكم... البلا ما جاكم..
سيد النيمه ابوبكر الامين ســـــلام
Quote: فيها السياسة الواحدة الفى الشارع ده ...والقعاد واطة... |
اها كلمة دي
محيراني ليها زمن آناس.. وسعالي ليكم،،، انتو حماد دا منو ؟ وقصته شنو...
مرة الشكر لي حماد ... ومرة الرماد كال حماد...
اها ادوني قصة المثلين ديل... وكدب كب لي فنجان من البكري السمح تب دا...
| |
|
|
|
|
|
|
Re: شجرة النيم ام همبريبا بااااااااااااااارد (Re: ابوبكر الامين يوسف)
|
سلام يابكري لعلك ب1000خير ياسلام هب علي نسام نيمتك الظليلة ورجع بي لذكريات جميلة سنين طفولتي وصباي في ظلال نيمتين يابكري داخل منزلنا ببري المحس وبين الشجرتين مسافة متر تقريبا فيه زيرين كبار ومرطبين بي ظلال النيمتين وكنت بجيب معاي كل بنات المدرسة نهاية اليوم يشربو من الزير ثم يواصلو لبيوتهم فلك التحايا النديات للعودة بي لزمان جميل لأظنه يعود واتمني أن تدوم نيمتك وارفة الظلال وجبنتك وديارك عامرة بوجودنا جميعا لك الود وكل الاحترام
| |
|
|
|
|
|
|
Re: شجرة النيم ام همبريبا بااااااااااااااارد (Re: ابوبكر الامين يوسف)
|
العزيزة سهير تحياتى واحترامى
اتخيل المنظر تماما وكم كان كثيرا خاصة فى القرى
وانا من ابناء القرى ويكاد هذا المنظر يكون فى اغلب البيوت
كما اسمع صوت الحبوبة وامى والجيران ورائحة القهوة والحوش الوسيع
والزير الهناك اكثر برودة تلك هى الحياة البسيطة التى لاتزال عالقة بالقلب
تحياتى ولى عودة
| |
|
|
|
|
|
|
Re: شجرة النيم ام همبريبا بااااااااااااااارد (Re: ابوبكر الامين يوسف)
|
اها انا جييييتكم ...زحوا لى كده ولاكده ..
يابكرى سيد النيمة سلام ..
ويامعتصم .. زولك خليهو يركز ...الشوت ضفارى ..
والدق ركب ..والمابقدر يمرق لينا من نيمتنا دى ويتلم
على اهلو ..طبعا النيم خشم بيوت ..
و(نيم اربجى ولاعنب الشام ) ..
جاييكم بمهلة ...ويامعتصم خليك قريب ...
| |
|
|
|
|
|
|
Re: شجرة النيم ام همبريبا بااااااااااااااارد (Re: ابوبكر الامين يوسف)
|
الغالية سوسن احمد تحياتى
وينك من السودان وغيبتى ويبدو ان الدول الاسكندنافية اخذت منا اعز مانملك
ولكن نظل نتمسك على امل اللقيا...مشتاقين
ابكر ابقى داخل وجر بنبرك هنا فى ناس بتسأل عنك يوماتى رحيل
ابكر ماذال الشوق يلتهب بداخله وبلاد الصقيع لم تطفئ لهيبه
تحياتى لكم ايها القمم الشامخة دوما فينا
| |
|
|
|
|
|
|
Re: شجرة النيم ام همبريبا بااااااااااااااارد (Re: ابوبكر الامين يوسف)
|
محمد ياود عبدالرحمن تحياتى
شنو من يوم الجمعة وتانى لا حس ولاخبر ...ولا عشان الفيك اتعرفت ...
شوف انت ومعتصم ودالطاهر ده انا عندى فيكم رأى ولمتكم مابدورها
الا جرو بنابركم دى هناااااااااك واشربوا جبنتكم دى
واحرق السجاير القدة صدرك ده وماها شئ تانى اقول ولا تبقى لا وراء
الدم حدو الركب والقعاد واطة
| |
|
|
|
|
|
|
Re: شجرة النيم ام همبريبا بااااااااااااااارد (Re: معتصم الطاهر)
|
اها انا جيت افسحو لى كدى ولا كدى
دة شنو دة بالله حتة اصنغر فيها ماف
عاملين كدى زى العضم الكابسو النمل
ادونة فرصة النلحق لينا فنجان فنجانين
تخريمة
هيييييييييييييييى كل زول يجيب فنجانو النقراهو ليو
باقى القعدات الزى دى سماحتة فى قراية الفنجان
| |
|
|
|
|
|
|
Re: شجرة النيم ام همبريبا بااااااااااااااارد (Re: نجود حسن عبد الرحمن)
|
العزيز معتصم الطاهر تحياتى
طبعا الراجل ده مشى الخور خمسة مرات وقال مسافة 45كيلو
وانا اول مرة امشى وفعلا مسكنا طريق الشمال وكل مرة التفت اليه واسأله
هل فعلا الخور 45كيلو لاننا مشينا اكتر من كده كتير
وقلت ليه نحنا تجاوزنا ال45كيلو كتير ...وظل ساكتا
عندها لم اجد نفسى والا فى مدينة الشمال فالتفت اليه فنظر لى ضاحكا
عندها عرفت انه يريد ان يكسب الرفقة اكثر وقت ممكن لانو دى مابلقاها تانى
اما نهايته فانى اشهد عليها تماما... وشهادتى هنا ربما تكون مجروحة
ولكن سيأتى بهاء بكرى ويقطع بالخبر اليقين
وساعود
| |
|
|
|
|
|
|
Re: شجرة النيم ام همبريبا بااااااااااااااارد (Re: Elsamani A.Malik)
|
ازيكم اهل النيمه انشا الله طيبين ذكرتوني نيمة حبوبتي بت الكاسر ولمة الحلوة والناس الطيبن ناس بت الحاج وزهرة مدينة والدة كنينه عايشه فرح بلاله المشاطة وناس الحله جيب الفطور والاكل جماعه قلي البن وطلوع شجرةالتمر لغيط المعسود(( رمي الودع الله يغفر)زمن المحنة ياحلل اهلنا
| |
|
|
|
|
|
|
|