|
Re: قروش البترول وين (Re: domdom)
|
و الله يا عمك تنقو مسخت علي الموضوع ما انا كنت عايز البوست التاني اكتب فيهو الكلام ده و يا خوفي عليكم يا وزراء و مسئولين الحكومة الوطنية بالواضح انا الخايف منو وزراء الحركة الشعبية لانو الجماعة الكيزان ديل لا بخجلوا لا بختشوا يعني بسوها عديل كده يعنو برشو بسوا اي حاجة رضيتو رضيتو ما رضيتو هم ما فارقها معاهم ابو البترول ذاتو هان البترول حتي دخل جيوب الكيزان عليكم الله قروش بنك فيصل قلبوا بيها الحكومة قروش البترول دي و الله لو ما امريكا واقفة ليهم يقلبوا بيها العالم المهم القروش دي لو ما اتنظمت و اترتب صرفها علي الشعب السوداني بضغط من ممثلي المعارضة سابقا و الحركة الشعبية كلام عمك تنقو ده ياهو البحصل و نحن الرماد كال خشمنا
| |
|
|
|
|
|
|
Re: قروش البترول وين (Re: domdom)
|
نحن لا نسأل عن قروش البترول وين بنطالب بدفع زكاة البترول لأنه يعتبر من ركاز الأرض في الشريعة الإسلامية وحسب دولة الخلافة الراشدة ودولة التمكين في الأرض فهي مطالبة بأن تدفع زكاة البترول لصندوق الزكاة وكذلك شركاتها التي تعمل في السوق ، كما نطالب وزير المالية بمحاسبة صندوق دعم الطلاب والتعرف على ميزانية هذا الصندوق ، ونطالب وزير العدل بمحاسبة وزير الداخلية السابق سيء الذكر بمجمع الفلل التي بناها لأقارب الرئيس في كافوري مربع 11 ، ونطالب بمحاسبة مسئولي شركات المقاولات التابعة لدهاقنة النظام الذين شيدوا العمارات المنهارة والصهاريج التي سقطت في ود البخيت .والقائمة طويلة ..... والحساب ولد ..!!!
| |
|
|
|
|
|
|
Re: قروش البترول وين (Re: domdom)
|
Quote: سؤال بسيط قروش البترول وين |
النفط
قد سألت النفط يوما أين تمضي بعد شفتك
أين يمضي كل نفطك قال قالوا ثم قال
يحقن البنزين حقنا فوق شريان الشمال
قلت رائع لا نمانع فقدا يحقن في كل الشراين الطوال
كي يعافى الشارع المغضوب ذل التباغض والسؤال
قلت جازك قال جازي كل جازي نحو قوم الجاز مال
قلت وافق لاتنافق فهو قومى المال
قال جازى كل جازى نحو بيت الجاز سال
قلت أما حارق للبيت أم فالبيت غارق
أين هاتيك النمارق والمرافق والجمال
كل ما كان من الجاز أراه يا نفط قابل للاشتعال ان كان أبيضا أو سير نعال
قد سألت النفط يوما أين غازك قال غازى وتبسم فتعجبت
قال غازى حرقوه في المصانع كي يظل السعر عال
حرقوه فوق مرجل يتمرجل لايزال
قال غازى ل نافع ان كان نافع لحال دون حال بالمحال
قد سألت النفط يوما وأنا واهن أعانى أين هاتيك المبادئ والمرافق والظلال
قال راحت وكذلك راح للسجن والمعتقلات الرجال
قلت من أولئك في الكراس والأرائك
فطريق الحق شائك
قال أشباح الرجال ولارجال كلهم أتضاء باطل كلهم في الحق بال [email protected]
| |
|
|
|
|
|
|
Re: قروش البترول وين (Re: domdom)
|
انا رضيان القروش كلها ودوها دارفور يا بقال بس كليك الله فكنا من حكاية الجهوية دي رضيان اليبنو بيها مدارس و مستشفيات و جامعات في كل بقعة في السودان ود يبقي زي سحابة هارون الرشيد محا ما تصب تجي في خراج الشعب السوداني
| |
|
|
|
|
|
|
Re: قروش البترول وين (Re: domdom)
|
Dear All
There was a piece of news item at the end of last or this month that the South had received about 761 million for the month of October. Could anyone who has a workable knowledge of mathmatics calculate how much is that of total annual oil revenue, after deducting the cost oil received by the oil companies?
| |
|
|
|
|
|
|
Re: قروش البترول وين (Re: domdom)
|
Quote: انا رضيان القروش كلها ودوها دارفور يا بقال بس كليك الله فكنا من حكاية الجهوية دي رضيان اليبنو بيها مدارس و مستشفيات و جامعات في كل بقعة في السودان ود يبقي زي سحابة هارون الرشيد محا ما تصب تجي في خراج الشعب السوداني |
* اموال البترول تسيير بها حزب عصابة المؤتمر الوطني
** اموال البترول تشق بها صفوف الاحزاب السودانية
حزب الامة علي سبيل المثال *** اموال البترول سًلحت بها قبائل دارفور لضرب النسيج الاجتماعي
**** اموال البترول اسجلبت بها الطيران وحرقت بها قري الابرياء
في دارفور
| |
|
|
|
|
|
|
Re: قروش البترول وين (Re: domdom)
|
الاخ دينق الارقام كبيرة جدا اتوقع من الحركة الشعبية في و عناصر التجمع التي دخلت الحكومة في تقصي الامر خاصة انو الميزانية تناقش في شهر ديسمبر يعني النواب و الوزراء من الحركة و التجمع يجرجو الحكومة بالسؤال عن عائدات البترول و أوجه صرفها لو ما عملو كده الرماد كال حماد
| |
|
|
|
|
|
|
|