|
آآآآآبرى .. ابيض واحمر ...ورقاق
|
ايييييييييييييك الايام ده ماتجى قاطع بى شارع من شوارع الخرطوم اكان عندك نزله السنيين ونخرينك مايشمو القدحه دى تشم ريحة الآبرى .. آبرى كميات وفى جميع انحاء العاصمه القومية خاصة الاطراف (ناس انحنا ) طبعا ماقصدى ال..... الناس البشتروا اشترا ولا الناس البرسلوليهم من الولايات بالكراتين .. ؟ عوووووووووووووك رمضان كبس والله النسوان ديل كان رمضان مافى السنه قالو هم يجيبوه عليهن جنس شفقه .. اها انا قمت مشيت بيتنا فى عطله بتاعة يومين كدى وناسى ليك الموضوع بتاع الهناى دى لقيت ليك الحاجه زعلانه وقال شنو نحن لى هسع ماعسنا الآبرى وهى مدينه الحله كلها عواسة عاست مع حنان جارتنا جردلين ومع ناس دار السلام الحله ام قلب ومع ناس عيييييييييك اازول كمية ، قلت ليها ياامى هسع رمضان وينو عليك النبى آآآزول صرت وشيها وحلفت بى جدى المابتحلف بيه ساكت علا بكره دى تسوى العواسة بتاعتنا .. ؟ اها انا طبعا الفار لعب فى راسى وفى جيبى وعاوز انط وكده وقلت ليها والله ياحاجه انا ذاتى مسافر بكره وكده لانوا الاجازه قصيره والمهم طبعا انا خايف من موضوع الدفع لاحول لله حالتو العيش مشترنو من بدرى ومزرعنوا فى الزقاق اها هاك ياصرف عاوزين حاجات العواصة البهارات وحق الشنو والشنو والشنو لمان قلت الروب .. قلت ليها ياحاجه كدى عليك النبى التانكى دى عيبى لى مالو ماسمح بالحيل وقالوا ذاتو الابرى بقو يبيعوا والله ياحاجه ... نطت من العنقريب وقالت لى سجمى ياولدى مالك داير تشيل حسنا مع الجيران داير ناس بخيته يقولوا بت الناظر اشترت الابرى (مخيّّييير الله يابنات امى ) العبدلله دنقر وصنقع ومرق البنكنوت وكده ، وحق الفطور لى النسوان والسكر والبن لى جبنة العواسة وحق الدقيق للرقاق والذى منوا وطلعت مواضع تانيه (الشرموط .. والويكه لى هسع ما نشفتا والسكر بتاع المويات وعيييييييييييييييييك . المهم قالت هى الدور دا عايزه تعوس آبرى كتييير لانو بترسل لى بناتا فى الخرتوم ودة ذاتا فرصه تشيلوا معاك صروا لى الزريعة ( والله اكان شفتوها هيييييييع زريعة النسوان لى حدهن ) وجبت الكاروا ووديتا ليكم الطاحونه .. طاحونه عباس من الله خلقا فى رمضان بيقيفوا ليها بالصف .. المهم لى المغرب كده حتى الدور جانى فى الدقيق ؟؟؟
( اها كدى النشرب لى مويه واجيكم .. ما زكرتونا رمضان )
|
|
|
|
|
|
|
|
Re: آآآآآبرى .. ابيض واحمر ...ورقاق (Re: اسلام عبد الرحمن عمر)
|
اها جيناكم تانى ...
رجعت من طاحونة ناس عباس وبنطلونى الاسود لونوا بقى رمادى ( زراعى ) من لون الزريعه والدقيق .. الحاجه ساهرت ليلا ده كلوا تصوط فى العجين وتكتل فيه كتل شديد ومعاها بعض من فريق العمل من الجارات المهم يالله كتلوا العجين وعملوا ليك الحاجات كلها وجهزوا حالهم لى يوم باكر .. العجين بغتوا فى عشان يخمر حبه كده وخاتنوا فى العوطه المقفوله عشان الحر .. المهم التفاصيل كتييييره وعلى داب ما نحصل مرحلة العواصه دى روحن مرقت عديل كدى .. يوم العواسه ده كان يوم مشهود من الدقش البيت فى حالة تاهب التقول احداث الخرطوم الاخيره نسوان داخلات وشفع كميه واربع كوانين مولعين ليك فيهن نار الله اكبر من الدقش الحاجه جابت صاج ناس بخيته والصاج القديم القاعد فى المخزن نكتوا المهم تم بذل كل الجهود الممكنه لاحتوا الموقف ...؟ بس قامت حاجه دار السلام خصمت ليك امى بالتقطعه علا تخليها تقعد تعوسل الجردل الاول .. ما الجردل بتاع العجين الاول ده عندوا طعم خاص وبحلوا منوا طوالى الجك بتاع الابرى الاول اها ده برضوا عندوا طعم خاص لانوا قال ليك الجك الاول ده ياشكروا ( برى يايمه آبرى السرور والله يابت امى انشاء الله كده يشربوا وليداتك فى العافيه ) يا قامن النسوان بعد العواسه يشنفنوا ليك اكان ما سمح .. المهم اازول لمن الموقف سخن وقالن كده الصاجات دى دورت ليك ولا ديربى اسبانيا النسوان ديل شغالات والجبنه مدوره وده جردلى وده جردلك وده جردلى وده جردلك
اها استاذنكم النمشى نتف السفه دى ونجيكم ...؟
| |
|
|
|
|
|
|
Re: آآآآآبرى .. ابيض واحمر ...ورقاق (Re: اسلام عبد الرحمن عمر)
|
اها جينا تانى ...
خلصنا من العواصه وشربنا جك الآبرى الصاقط داك وانت بتشرب تجيك كل رمضانات العمر فى لحظه وترجع كم رمضان لى ورى لمن كان رمضان فى عز الصيف واجعص زول ومكمل الرجاله تب يملى الطشت موية ويختوا فى نص العوضه ولمن الساعه دى تعمل تلاته دى ايييييييييييك تفتش لى ريق تبلعوا ماتلقاهو وكان قلت تتف تطلعوا ذى القطن هيييييييع رمضان صاح ماذى رمضان الزمن ده تصحى بى جاى يقولوا ليك الفطور جاى ..؟ كل الحاجات اختلفت من زمان حتى العده بتاعت المويات البشتروها من بدرى ديك والكورية الفيها نجوم وهلال كدى بالجنبه عشان البلبله بتاعت اللوبه والفطور ذاتو كان عندوا طعم تانى من الساعه اربعه المويات يبلوها وينادوا الشفع للدواقعه والناس دى كلها بتطلع بى فطورا فى الشارع فى المصلايه بتاعه الفطور اتذكر زمان نحنا كان عندنا جارنا قبطى مسيحى كان بطلع بى صينية الفطور بتاعتوا معانا فى رمضان مع انوا مسيحى وما صايم بعدين من قبل الفطور بى ربع ساعه تلقى الناس قاعده فى الضراء ما ذى هسع لحدى الاذان ياذن تلقى المواصلات دى شغاله والناس مارجعت بيوتا ...
ونواصل ..
| |
|
|
|
|
|
|
Re: آآآآآبرى .. ابيض واحمر ...ورقاق (Re: اسلام عبد الرحمن عمر)
|
ياهندسه شنوا ياااااااااخ جايب الصوره دى هنا انت ماعاف المنبر ده فوقو جكسى هسع كان واحدى حبتنى لاقدر الله ؟؟ اسو شنويعنى ؟؟؟؟ وعواصه زاتوا ما جايين نعوص معاكم كان كوجنتوا لى السنه الجاية ؟؟ عاوز تجيب لى الهواء مش وانت عارف دى اشنى صوره عندى ....؟ هسع بنات البورد يقولوا على ازرق وسمين وقصير وبشيه حجر البطاريه مش ؟؟؟؟ سمح .....؟؟ ناس لندن اخواتى شوفتى ليهم معاك والله ياهندسه يبقى لى باربحه وعقاب شهر (باقى الشعرا مامخلننا ... ما مشاهير وكدههههههههههههههههههههههه)
| |
|
|
|
|
|
|
|