|
في حضرة خـــدر ... آن للحَـلة أن (تجقجق) ...
|
اعتاد بورداب الدوحة في موقع عكس الريح
أن يقيموا الولائم (اللحمية) بمناسبة وبدونها
في منزلي العامر بوجودهم ، حيث إنني اعاني العزوبية هذه الايام ..
والحق أن وليمتهم المتمثلة في حلة قوز ضخمة الجثة ( القطر قام)
يسيل لها لعاب (ككو) أبوساندرا ..
فهي من اللحوم السودانية الخالصة ...
يضاف إليها صحن الشطة الخضراء الممزوجة بالدكوة والفلفل الأسود المسحون...
والسلطة الما خمج ...
وبما أن الحبيب ( خدر ) بين ظهرانينا هذه الايام
آن للحلة أن ( تجقجق ) في حضرته ...
بكري الامين ... كبير منسقي بورداب الدوحة
يلا تولى أمر التنسيق ..
بورداب الدوحة ..
مقدما الدعوة موجهة لكم من الآن ...
نحدد الموعد ونفيدكم ...
أبوساندرا .. جهودك معانا للتنسيق
القصة ح يكون فيها (لحم) و (وتر)
أما باقي الأشياء، فمسموح بها في إطار المقبول ...
|
|
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: لقمان حسن همام)
|
والله يا جماعة الزول ده غناي بشكل ..
لا حولاااااااااااااااااا ...
دمار شامل ..
بعدين اتضح اني شفت خدر ده كتير جدا ...
وما كنت عارف انه طارق أبو عبيدة ...
زمان الظاهر كان بزازي كتير علينا في الاذاعة والتلفزيون ...
المهم أنا للآن ما قعدت اتونست معاهو ونسة بمزاج ...
لكن الشاهد على الشغلانية
انو دمار شامل ...
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: ناذر محمد الخليفة)
|
ناذر .. صديقي
الآ فقط كنت أقرأ في بوست ( السفة ) ...
ردك بتاع الفرس الوقع على خشموا موتني من الضحك ...
والله مشتاقين ..
كل يوم أقول أفتح لي بوست عن إبداعك السمعتوا باضنيني ديل
تمنعني المشاغل ...
طبعا أمس اتذكرتك في الحفلة المقامة على شرف خدر
تذكر لما اتقابلنا في احتفالية دكتور معز بخيت في الخرطوم
وقلت ليك في ثلاثة انا لازم أقابلهم في اجازتي دي
شخصك وملاسي وخدر ... قلت لي خدر ده ما موجود هنا ...
شفت الصدف كيف رجوله جابته لغاية هنا ...
البوست سيعانق الوجود قريبا ...
أها ما في طريقة تكدكد معانا عضام الحلة دي ...
تحياتي لناجي ...
طبعا مستغرب عرفته كيف ...
الرجل زبون ...
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: ابوبكر الامين يوسف)
|
سلامات وعوافي يالقمان والله العظيم احسن ليك تقبض في الوجيه صديق عمر دا لانو دا (اشد) من (الحلة) زاتا.. حقيقة صديق عمر كان بهار الامسية واضفي عليها سحرا بريئا ساعده في ذلك عفويته اللذيذة .. وشكرا للمنبر ان عرفنا باشخاص انقياء الي هذا الحد.. وخلي بالك من (الحلة).. ودرملية في ساعة صفاء
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: فيصل عباس)
|
شيخ فيصل
انت عارف يا مولانا صورتك المتمحن فيها دي والله عاجباني بشكل ...
من باب (الشمار) بالله كنت بتفكر في شنو ...
Quote: مازالت سكرة الامس تسكن اجسادنا المتهالكه وتلجمنا عن ممارسة الحركه وما زال العشم كبيرا في سكرة أخرى لكن!!!!
|
لكن ... آن لها أن تكون واقعا معاشا مساء اليوم الثلاثاء
أملا في رشف مزيدٍ من رحيقها
تضميدا لجراحات أرواحنا المتهالكة ...
موعدنا السابعة مساء
تقديري ...
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: Omar Bob)
|
اتمنى التواصــل اخى عمــر......واتمنى ان تدوم هذه الحميمة التى احسست بهــا و انــا فى حضرة بورداب الدوحة للمرة الاولى.......بى (الليل) غايتو اى زول اديتو كرت...لكن الى الان لم يتصل احــد.....ربما المشغوليات و البعــد....لكن دائمــاً ...انشاء الله ســاكون فى الجوار......أحتراماتى وتقديرى للدفعــة ود الزيــن وود خطــاب ومرحب بيك صــديق و أخ عزيز.
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: معتصم الطاهر)
|
يــاخـــوى معتصـــم ودالطــاهر.......ماقلتة ليــك انت زولاً افتشــوليهــو مش افتش عليك....عشــان كده جاينيك.....جاينيك بس كدى هسع خليك معانا فى حلة أخونــالقمــان.....اظنهــا قربت تجهــز ونحن حاضرين.......
اتمنى تواصــلك الطيب وبشاشة بى بشاشة ياحبيبنــا.....
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: لقمان حسن همام)
|
يا حكيم ، العبقرية السودانية قالت : الحلة بصل والرمة شلاليت ، اها ماوريتونا الواحد يجي ومعه توابعه واللا كلو جاهز بطرفكم ؟ انا اليومين ديل ممنوع من الصرف ويمكن الوصول لي بدهاء نافذ وتحايل ذكي ، بت المغيرة ماصدقت وعايزة تنتقم هجر السنين في أسبوع تمام. يا هاشم ميرغني ألحق طارق أبوعبيدة عاث في البلد جمال غناء
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: لقمان حسن همام)
|
سلامات وعوافي يالقمان برضو بكة هو العمل الحلة ... ياناس بكة حرم جيت لقيتو ليك سايط الشغلا سواطة جد ولو لا خبراتنا (الاستراتيجية) لما تعشيتو ولكنتم من الذين سموهم بـ (بايتين القوا) والا كيف .. والحلة بتاعت امبارح واحدة من (تمظهرات) مزاجنا عندما يكون في اعلي بروجه الوردية (خسوسا) انو الناس كانوا ولا اروع .. بعدين يالقمان رايك شنو في (تمظهرات) دي انا غايتو عجبتني .. التحايا الخالصات للاساتذة دفع الله خطاب وعمر بوب وعثمان بارا فكان وجودهم وسيما كطلتهم.. بعدين محمد عبدالرحمن طلع ما ناقش حنانو في امو المطبخ وهذا ان دل انما يدل علي انه واحد من الذين (يمتطون) وجبات التيك اوي .. عموما انا متاكد انو هناك مؤامرة ضدي لنسف حقوقي المطبخية ربما احيكت سلفا من قبل بهاء بكر ومحمد عبدالرحمن وذلك لصالح ابوبكر الامين(ودالعمدة) .. ونسبة لعدم وجود مؤيدين لنا في موضوع الحلة بنقول (ان ينركم الله فلا غالب لكم) وما النصر الا من عند الله.. وان عدتم عدنا هاهاهاهاهاها
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: ودرملية)
|
يظهر نحن مالتاش فى الطيب نصيب ويظهر انو انا دايما صيدى ناجع
عرغت الدعوة متأخر بعد وصولى البيت مهدود الحيل من مجهود نهارى مضنى
لم يقصر الاخوه دفع الله خطاب , بهاء الدين بكرى , عمر بوب فى حثى على الحضور لكن حقيقة كان بترولى لليوم قد نضب .
بالطبع اتصلت فى وقت متأخر لاتأكد من الامور تمشى على قدم وساق وعرفت ان الجلسه محضوره ويحفها الطيبون كلهم وازدانت الليله والسهر بهم وكان واسطة العقد وفاكهة الحفل وريحانتها خدر . هناك من لمز على بان الذى منعنى من الحضور هو الشديد القوى ولكن سامحهم الله فنحن لا نريد ان نتحدث عن فترة المعسكر للبعض وبعد داك الخريف بجى والحقيقه بتظهر وآخرين اصلا هم مارقين للربا والتلاف . هنيئا لكم جميعا بالليله الجميله وارجو ان تتكرر من حين لآخر بمناسبه ودون مناسبه .
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: ودرملية)
|
ودرملية
تعلم يا سيدي أن شهادتي في مهاراتك الحِلليةالرفيعة، مجروحة و(مضبوحة) كمان ...
استطعت يا صديقي ان تضبط حتى إيقاع (جقجقتها) ...
فقد أتى متناغما وصادحا مع أوتار وعقيرة الحبيب خدر ...
أما نحن، فقد تمايلت أفواهنا طربا وهي تعانق (عظامها) ...
وفي هذا اعتراف ضمني بل وصريح بأنك ..........
الله يستر علي من بكة ...
Quote: بعدين يالقمان رايك شنو في (تمظهرات) دي انا غايتو عجبتني .. |
وأنا كمان ريحتني راحة ... لكن تمظهرات دي أخت مظاهرات
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: nadus2000)
|
أخـــوى نــادوس مــاعليك الجمــاعة طبعــاً كلهم عذابـــة......وقالوأ الناس البحكموامتم ديــل ننســاهم...لكن ما عليك واللـــه جيت خدر بالسلامــة من الســودان كلكم معزومين معــاى فى خروفى فى الخــور كمــان معــاكم حكومــاتكم.........
انت مــاعارف الموضــوع: قــالوأ صــديق دها كميرتو دى معاهو محل ما أمشى.....وخــافوأأأأ....أصــورهــم.....
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: لقمان حسن همام)
|
الاعزاء : نادوس صديق
نحن والله كمن ادرك الصلاة فى الركعة الاخيره ...
ولكن لاننكر البهجة .. فالبهجة تهمه لاننكرها وشرف لا ندعيه ..
اجمالا امسحوها ليهم فى وشهم( ان تبقت فيه مزعة لحم من فرط الخجل ) ..
ولكم منى (انا ) - المتقفى اثر الطرب النضيف يانادوس - العتبى حتى ترضون ..
وأغلطوا انتو يا حلوين نجيكم نحن بالاعذار ،،،،
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: لقمان حسن همام)
|
خدر الفنان كمامتعنا بالدهشه في حفله الاول... فقد ادهشنا بالمتعه بالدر الدي نثره ليله امس,,,
شكرا لقمان على حفاوه الاستضافه.... الحضور الانيق لمشاركىن كان بردا وسلاما.... الباشمهندس... الشاعر اتحفنا بمعلقه عن ناجي العلي ملآتنا ابداعا حتي فاضت بنا فله التحيات الطيبات,,,,,
تخريمه لود الزىن وموصله لخطاب وبهاء: حكومتنامصره انو افتح بوست انو منطقه سمت بارض المحس زكرت فى الانجيل ولا في الزبؤر..شفت جنس المحن الدخلتنا فيهايا ود الزين...
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: ودالعباسية)
|
الاخ لقمان بعد التحيات..لك وبورداب الدوحة..كنت مطلع التمانينات طالبا فى مدرسة قطر الاعدادية وفى دوحة الخليج اتخذت طريقى الى عوالم الادب والشعر وصحبة المتنبىء ولزوميات المعرى والشوش وايام مجلة الدوحة.. ياصديقى لازلت احن الى تلك السنوات وروحى تهفو الى زيارة المدينة الثانية فى حياتى بعد مدينتى الاثيرة امدرمان (العباسية) ولكن عاكستنى ظروفى و( حظى عاند) وعليه رجائى ان يبلغ سلامى الارض وما عليها وان نتواصل والحلة تجقجق هنيئا مريئا.. مع مودتى وتقديرى [email protected]
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: ابوبكر الامين يوسف)
|
ياخوانا بكرى ودالعمدة ده نفسو قائم كده مالو؟ ..
يامان روق المنقه وماتزعل والجاتك فى صورتك سامحتك ..
وبعدين ياخى اسى انا قلت حاجة ..بس جارى طوالى على ..
البدا الحديث ودرملية والجاب الصور ودالعباسية ..طيب انا ذنبى شنو؟
اما ودرملية يادوب انا عرفت ليه شيخ العرب ابوسن طالب (بخصوصيتو)
ترا من جنس البهتان الزى ده ..قال تيك اوى ...والله كان ده طبيخك
ابقى على (التيك اوى ) عشرة ....
يلا سلام ...وانا بتابع بس بالله ماتشبكونى مع ودالعمده ده تانى
الزول جارنا وطلعنا نسايب كمان ..
| |
|
|
|
|
|
|
Re: في حضرة خـــدر ... آن للحَـلة أن (تجقجق) ... (Re: waleedi399)
|
ولى ياوليد ..
مساء الخير ..
انت عارف البوست ده فى ناس اصلا ماعايزاهو يمشى فوق ، وانت برفعتك ليهو دى رفعت ضغطهم .، طبعا انا جاى ارد عليك انت وماعندى قصد تانى .. لاقلت ودرملية طلع (حنكوش) ومابعرف (الحبه ) فى الطبيخ ، ولاقلت بكرى ودالعمدة (مساعد) حله فاشل ...ده كلو انا ماقلتو ..
بس بينى وبينك (المعلبات ) و(الجاهز) مرات حلول جيدة ومريحة جدا بالرغم من انها متعبة خااالص لما يسمى (بالميزانية ) ...لكن انا معترف انها احدى خياراتى ... البقنع الجماعة الفوق ديل شنو بانو يلجأوا للخيارات دى بدل البهدلة و(بشاتن الحال) ...
طبعا ماحااقول ليك شكرا لرفع البوست عشان اصحابنا مايزعلوا وكده ..
فتك بعافيه ياوليد ..
| |
|
|
|
|
|
|
|