|
الاخ تمبس....رجع لى صورة ولدى هسع والا حيكون بيناتنا محاكم!
|
الاخ الفاضل تمبس نهارك سعيد ياخوى طبقت كلامك لصديقنا عاصم شريف بخصوص تصغير الصور بضبانته, شرفتنى صورة عاصم ببهائها وطارت صورة ولدى, لو صورتو ما رجعت الليلة بشتكيك وما بقبل اى وساطات ولا تعويض. تحياتى
راجع بوست عيد ميلاد ابنتنا ملاذ وبالمرة ورينى كيف اعمل الرابط" دى على سبيل الرشوة"
|
|
|
|
|
|
|
|
Re: الاخ تمبس....رجع لى صورة ولدى هسع والا حيكون بيناتنا محاكم! (Re: عادل فضل المولى)
|
الاخ العزيز عادل تسلم انت والصغير محمود واخونا تمبس لكن ياخوى تمبس دة حقو يشكركم انت ونصار انا قلت الراجل وقع والواحد يشوف ليهو تعويض خرافى ويلحق باقى الصيف فى جزر البهامامع الولد وامو, تجى ناطى لى انت ونصار ومحمود تفرتقوا لينا احلامنا بحتة موقع تحميل صور! ماكان العشم والله. شكرا ليك انت والصغير محمود والله يعوضنا.
"بالمناسبة عرفت طريقة تصغير الصورة من ارشادات تمبس القيمة, وجات سليمة برضو"
شكرا كتير محى الدين وسامى
| |
|
|
|
|
|
|
Re: الاخ تمبس....رجع لى صورة ولدى هسع والا حيكون بيناتنا محاكم! (Re: محى الدين ابكر سليمان)
|
يا محي الدين تحية ندية تمبس دا والله من أروع السودانيين في الدنيا دي وانا لا شفتو لا قابلتو لكن الواحد شاف فيهو حاجات نادرة (.......) خليها في سرك وبعدين حكاية الرابط ان شاء الله تكون ربطت معاك ... والحاجة العجيبة انو صورة صغيركم فيها شبه شديد جداً من صورة محمود لمن كان عمرو ذي 7 أشهر وان شاء الله سانزل تلك الصورة حتى تقارن (يا ملائكة كلكم بتشبهوا بعض) تسلم والاجازة خليها معانا في السودان وسنتكفل بكامل .... ... .. . حمايتكم من
(الناموس) وشكراً لي نصار
| |
|
|
|
|
|
|
Re: الاخ تمبس....رجع لى صورة ولدى هسع والا حيكون بيناتنا محاكم! (Re: عادل فضل المولى)
|
الاخ العزيز عادل لك ومحمود عاطر التحايا كلامك عن تمبس والله اثلج صدرى وازال سخطى على ضياع التعويض وزول زى دة ما ساهل الله يحفظواويحفظك لينا. وياريت سامى يشبه محمود فى كل مراحل عمره ويكونا من ابناء الوطن الصالحين(انا دة غايتو مارق للربا والتلاف).
الرابط لسة فيهو مشكلة ياريت تحلها لينا مشكورين على دعوتكم لقضاء الاجازة فى دفء مودتكم وحماكم الجليل من البعوض والعوارض و ال. (........) دى خليها فى سرك طالما الواحد حياجز فى السودان. مودتى
| |
|
|
|
|
|
|
Re: الاخ تمبس....رجع لى صورة ولدى هسع والا حيكون بيناتنا محاكم! (Re: Luay Elhashimi)
|
لؤى الصادق الشريف الهاشمى!!!! يا لمحاسن الصدف! مبروك ليك انت برضو الزواج وبالرفاه والبنين ملاذ دى بت عاصم شريف, دخلنا البوست "بتاعهم" لقينا تمبس لابد لينا الولد اسمو سامى وعقبالك انت كمان.
Quote: وما ترضي من تمبس بي غير اغنيه... |
بس انت حليت لى الموضوع.. عاوز تعويض اغنية, ولو لابو داؤود, ابوس ايدى وش وضهر, لكن ليهو الخيار برضو
| |
|
|
|
|
|
|
Re: الاخ تمبس....رجع لى صورة ولدى هسع والا حيكون بيناتنا محاكم! (Re: نصار)
|
العزيز نصار نصير تمبس ضد حقوقنا المشروعة النقل بالضبانة دة مربط الفرس, يعنى لو كنت فكرت شوية ما كنت عملت الجقلبة دى, واصلوا فى الحاجات دى بستعين بزميلنا عضو المنبر وضاح تابر وهو غير موجود اليوم ,قلت لنفسى ياولد اعمل copy and paste للرابط بتاع تمبس وبالمرة تلقى فرصة تتفسح فى وضاح بمهارة تقنية جديدة, طلعت بصاص فاشل وكتبت اسم ورقم جلوس عاصم.
وبكلام الدولارات الاسفيرية دة الواحد بلع لسانو , والعفو والعافية ياتمبس وما دايرين منك اى حاجة, بس سلامتك ولملم دولاراتك الاسفيرية عليك, الله الغنى ( دى يازول بتودينا ورا الشمس).
| |
|
|
|
|
|
|
Re: الاخ تمبس....رجع لى صورة ولدى هسع والا حيكون بيناتنا محاكم! (Re: عمار بيلي)
|
Quote: هج .. ولا حرد .. ولا طفش ؟؟؟ |
عمار بيلى الفنان ياخى العود ما دايرين نتعلمو, زورونا فى الله كدة ساكت!! انت ياخوى ما سمعت بالراسمال البشرى, الليلة لو ما الجماعة ناس عادل وولدو محمود ونصار حجزونى من تمبس وقالو لى الزول دة اخونا وكويس, كانت صورة الولد خلتنا ملياردولارات. والله مشتاق ليك ولعودك ابقى زورنا بكرة, وما تتاخر ملاح النعيمية بفوتك.
| |
|
|
|
|
|
|
Re: الاخ تمبس....رجع لى صورة ولدى هسع والا حيكون بيناتنا محاكم! (Re: حسام يوسف)
|
الصديق العزيو محى الدين ابكر اها انا يا خوى جيتكم فى بيتكم..وقاصد شر..اها انت قايل الداير التعويض انت ولا تمبس؟..كضبا كاضب.. الداير التعويض انا ذاتى..اولا انت قمت بعملية قرصنة مركبة..اولا نسخت صورتى(الما خايف عليها)وبعدين استفدت من كلام تمبس لى انا ده بخصوص التصغير(وانا دفعت لى تمبس عليه)..اها بعد ده كلو الدير تعويض منو؟ تخريمة:تمبس بعد ده تعال مارق..الزول خلاص انا لويت ليه يده.. وبى مناسبة (الدفع )لى تمبس .اها اقول ليكم نكتة: قالوا كان فى واحد طالب ليه زول قروش(ما انت يا تمبس)..والزول جننه ليك اصلو ما داير يرجع ليه قروشو,وقدر ما يلاقيه يسالوا منها صاحبنا يطمنو ليك بانه القروش فى.. لكن فى البيت..وبعد فترة الراجل مشى ليه فى البيت,واخونا داك كان قاعد خاتى ليه كرسى برة البيت وبياكل ليه فى تمر وجنبه كوز موية,اول ما شاف ليك الراجل جاى عليه,حفر ليه حفرة صغيرة ورمى فيها حصاية بلحة وكب عليها موية,واول ما وصل الراجل صاحبنا قام على حيله وقال ليه,شفت التمرة دى اها انا هسع زرعتها واول قطعة لى تمرها انا ببيعه واديك قروشك,قام الراجل اتمغص من كلام الزول ده وصفق يدينه,دليل على الاستهجان,فصاحبنا داك ما صدق قال ليه:ليك حق تصفق يدينك ما خلاص ضمنت حقك...
| |
|
|
|
|
|
|
Re: الاخ تمبس....رجع لى صورة ولدى هسع والا حيكون بيناتنا محاكم! (Re: tmbis)
|
جيدا جيت يا تمبس يازول الواحد جاهو شك انك "كبيت الزوغة" نهائى بعد شوفتك للعنوان, لكن حمدالله على السلامة وشكرا على الاختيار الراقى ومتعنا يالمزيد. هسع انحنا اتصلحنا بتدخل الاجاويد والاغنيتين ديل, لو ما كدة, اجيبك بالانتربول محل ما قاعد, تقعد فى الحبس خميس وجمعة, وسبت واحد كمان( انت ناسى انو دة الويك اند حقهم؟) ودة تحت مادة نشر معلومات مضللة واثارة وارباك الحالة النفسية لمواطن مسكين. تعويضك عن الترويع حيكون مجزى والزوار كلهم حينومو موسيقيا لو شرحت لى انزل اغانى كيف. وشكرا تانى لابوداؤود
| |
|
|
|
|
|
|
Re: الاخ تمبس....رجع لى صورة ولدى هسع والا حيكون بيناتنا محاكم! (Re: tmbis)
|
Quote: ( محاولةارهاب زول نايم ) |
Quote: ( الترويع وخلق البلبلة لي بوردابي وهو يوم الخميس غرقان في النوم ما جايب خبر )
|
في يوم الخميس جانا الخبر وانشاع في الاربع قبل،، أنا اتخيل لي يوم الخميس بين الساعة 3-4 سمعت اطلاق نار فقلت يمكن يكون دا واحد من انصار العوفي أعضاء القاعدة أتاريه دا أخونا الكاشف محي الدين ،، والكاشف هنا ليس الفنان ولا الحالو مكشوف .. دا التيم اللي بعلب بخط دفاع مهزوز وظهروا مكشوف يا تامبا .. وبرضو ما بعفيك في ارجاع الصورة بتاعت ولدوا .. لووووول
| |
|
|
|
|
|
|
|