|
آخر نكته سياسية
|
تتداول الخرطوم بواسطة رسائل الموبايل نكته سياسة قبل قدوم قرنق اليها
وهى محاولة لتحليل الوضع السياسى بواسطة مدمن كشتينة
الصادق حرق بدرى المرغنى نازل معرج الترابى قافل على كرت ميت نقد شايل ورق زايد
البشير لاعب لدكها قرنق فاتح لكن راجى الخمسين
من الخرطوم لكم التحايا
|
|
|
|
|
|
|
|
Re: آخر نكته سياسية (Re: sharnobi)
|
Quote: الصادق حرق بدرى المرغنى نازل معرج الترابى قافل على كرت ميت نقد شايل ورق زايد
البشير لاعب لدكها قرنق فاتح لكن راجى الخمسين |
من اللي حيرمي كرت الخمسين لقرنق نقد ام البشير او واحد من المتفرجين (اميركا )حيباصر كرت الخمسين لقرنق ؟؟؟ و من قبل هل يستطيع البشير الدك قبل خمسين قرنق ويحرم الجميع من اللعب ؟؟؟ في حقيقة الامر ان شخصيا متفائل ان اللعبة حتنهى على خير والمجموعة المنتظرة القيم game الجديد حيلقى فرصة اللعب النظيف . فقط كيف نقنع قرنق بان ينهى اللعبة طالما هو فاتح والكل يعلم ومعترف انو فاتح و على البشير عدم التفكير في الدك ومن قبل قناعة الترابى بان كرتو ميت ومات للابد وعليه ان يتعزل اللعب لانو عمرو ما كان بيعلب باصولوا كان دائما بيسرق ليه كرت او واحد من الفراجة بيكشف ليه الورق .
اسيد الصادق عليه ان يقتنع ويعترف بانو قرنق فتح والبشير داير يدك والقيم اوفر ( game over )و عليه المحاولة الجادة في المرة الجاية وفرصتوا اكبر بكتير مما يعتقدوا الكثيرون ام الميرغني فعليه تعيلم اصول اللعب وعدم التعرج
نقد احسن ليهوا ان يقنع قرنق بان يكونوا زملاء في القيم القادم
| |
|
|
|
|
|
|
Re: آخر نكته سياسية (Re: sharnobi)
|
سلام للجميع بصراحة النكتة ده معبرة جد عن الوضع الراهن بس الحاجة الوحيدة امكن قرنق لو فاتح ما اعتقد حا ينتظر الخمسين كان كشحها ليهم بدري ام البشير فما في طريق للدك ولا اربعة دبل لانها محكومة بالاتفاق وما حا يلقى واحد يناصروا
| |
|
|
|
|
|
|
Re: آخر نكته سياسية (Re: Nasser Mousa)
|
سمعت قالوا الميرغنى تعريجته بى جوكر يعنى داير ليه قريب غطا بس.. (مع الجوكر ده لو ادوه نص ال14% بيفتح).. لكن السوأل المحيرنى نقد الوزع ليه منوووووو؟؟؟
تحياتى
علاءالديـــن
| |
|
|
|
|
|
|
|