|
نادية عثمان مختار/القاهرة
|
رسالة الى القادة العرب بمناسبة انعقاد القمة العربية اليوم أرجعوا للبيوت القمة لى نسوانا !!! نادية عثمان مختار/القاهرة [email protected] جابولى الخبر العربى عقد القمة قايل بالكلام عمق الجرح بتلمّا يالعربى الغشيم أسباب أساك والحمى بوش وشارون أخوه يوم لبّسوك العمّة القمة المشولا ضياع وكت فى الفاضى وزمان قال المثل الفاضى يعمل قاضى بغداد البتنزف وغزة بلد أبو شادى بتلعن فى العريبى تقولو تر لى غادى طبعا قمة فاشلة هزيلة زى العادة مشاهد للكوميديا الضاحكة عايزة اعادة أمير عربى وريئس وزمّرة من القادة لانصفوا الشعوب لاحققولا سعادة القذافى قام شتم الأمير عبدالله قال ليهو (القواعد) مالية عندك حلّة قام فتح الأمير عليهو نار ماخلاّ حرق قلب العقيد وسكت لسانو اتشلّ حالكم يالعرب والله يبكىّ عديل الحرب البعيدة تزيدوا فيها عويل كل واحد بشوف التانى انو عميل قممكم مسخرة وعار فوق جبين الجيل موقفكم يخجل فى القمم عاديةّ وبعد شرم المشايخ قمّة اسلامية فى الدوحة العقالها صناعتو امريكية اتلموا العرب لادانة العملية خلاص اللحظة حانت لى قرع الطبول ودمشق الحبيبة حايأكلها بكرة غول جه شان يكتل رجالها ويغتصب البتول كل الكون تداعى وفشل يلقى الحلول قليل حظ العريبى وفى القمم منحوس لابحصّل فرنسا ولابجارى الروس قايلين بالكلام راح نهزم الهكسوس وخيل الامريكان فى تراب عراقنا تدوس عربية البلاد الواحدة رأس وجسد والبيدور شتاتها بكون مصيرو مسد أمريكا المريضة ملآنة شر وحسد لو اجتمعوا العرب ماكان بتبقى أسد ياشعب العراق منو الرماك فى ضيقة ؟ منو القادك لحتفك وولّع فيك حريقة ؟ قتيلك وشنقك بى مليون طريقة تأكل النار صغارك وان كانت صديقة أنهضوا ياعرب خيرة الأمم والناس رأس أمة محمد هل يجوز ينداس ؟ أمريكا اللعينة عديمة الأحساس أقطعوا رأس أبوها وقطعوه بالفاس الحرب اللعينة الفى العراق مشتعلة أهل الكون جميعا بالحرب منشغلة جات أمريكا تركب فوق كتافنا وتعلا وفى الموت والخراب تمسك زمام الشعلة أصوات القنابل شيّبت أطفال بقت بغداد مدافن ومقبرة أجيال أمريكا الغرورة قبيحة الأفعال عشان بترول عراقى تضحى بالأنجال بوش خنزير حقيقى وود بلير دلدول أفعالهم قبيحة اتعدت المعقول صدق القال عليهم وشبّهم بمغول سفلة يبيعوا ناسهم والتمن بترول أطفال غزة اه انا وآشريرى عليكم شظايا من القذائف جات تقطّع فيكم العربى الشقيق مامدّ أيدو اليكم ياريت يالحبايب كنت قادرة أجيكم أطفال العراق انا حيلتى ايه غير دمعى ؟ أصوات المدافع جوّة بيتى وسمعى كل مأشوف كفنكم أبكى وأحرق شمعى وأصرخ فى العرب ياأمة يلا اجتمعى العربى المغفل يأخى (انعل أبوك ) جبت الامريكان بالقاذفات يحموك عشان تهنأ وتعيش تكتل عراقى أخوك وتخلى الخواجة يهينو والصعلوك يارب أهزم أمريكا وردها خايبة منكسرة وأمة لااله يارب تكون فى عراقنا منتصرة جات الخاينة تسرقنا وتسلب مننا البصرة يمين نهزم مخطط بوش ونمشى عديل بعد عثرة اعتدنا نسمع كذبهم وانحطاطهم والسخافة نسمع كلام تونى الجبان مرسومة فيه صور الهيافة وهولاكو ود بوش الكبير أمريكا مااسمن خرافها زاد جنون الأمريكان وكتلوا أعلام الصحافة قرارات القمم فوق الورق بهتانة شن بيجدى الكلام ساعة القلوب حزنانة؟ يالعرب (الكرور ) سيبو القمم تختانا وأرجعوا للبيوت القمة لى نسوانا !!!! from sudanile
|
|
|
|
|
|