|
Re: الطيب بشــير..تسجيل غياب (Re: haleem)
|
والله يا طارق موجود بصفة شبه مستمرة..لكن بتاوك سااااكت مع (الاقلام والالغام) الطايرة دي
لكن....انت وين..ماعندك مزاج شكل...؟ البوست دة ممكن يكون بداية شكلة يعني ممكن تقوم تقولي قاصد شنو بإفتقاد الطيب بشير مع تفجيرات البورد دي ..الظاهر عليك قاصد الطيب بتاع الغام اقوم ارد واقوليك ..انت دة بتاع الغام..وانا ملاحظ ليك انك مستهدفني من ايام بوست الهلال غلب المريخ...لأنك ما رديت على وفي هذه الأثناء البوست دة يكون مدور وأعمل بوست تاني (روح العداء والاستعلاء عند بعض البورداب..طارق نموذجا)...وايييييك..ناس المديدة حرقتني قااااعدين
بالمناسبة..تاني...الطيب ويييين؟؟
| |
|
|
|
|
|
|
Re: الطيب بشــير..تسجيل غياب (Re: haleem)
|
سلام يا طيبين فقاديين الحبايب والله لقد افتقدتك اخى الطيب اما ان تظهر سريعا او ننده ليك جدودنا كلهم فى طابت الشيخ عبد المحمود لك التحايا عزيزى حليم ويسأل منك الخير امال ام وضاح
| |
|
|
|
|
|
|
Re: الطيب بشــير..تسجيل غياب (Re: haleem)
|
يا حليم اعمل حسابك انا كادر سري .... !! وانت شايفك مكذبني وانا بطالبك بالاعتذار وامور الرجرجة والدهماء والاوباش دى ما بتنفع معانا .. نقوم نفصل و لا نححذرك ويمكن كمان تهف لينا ونفصلك ....
بالمناسبة الطيب الطيب ما ظهر ...
| |
|
|
|
|
|
|
Re: الطيب بشــير..تسجيل غياب (Re: haleem)
|
الأخ الكريم حليم لك أطيب التحايا و لك أجزل الشكر و أنت تفتقدني و بقيت {عاصر} البوست بالردود و المجاملات لكل من سأل/ت من أهل البورد و هذا شيء جميل و مريح للروح فلا شكر يفسد معنى ساميآ بل أفض علينا ودآ و سنقول هل من مزيد. و قبل أن أسترسل في سرد مرافعة تغيبي ألتمس عفوك في تحية من تفضلوا/ن بكريم الإنتباه للغياب أمثال: *الأخت أنا بنت النيل و تستاهلي دوبيت كارب بالمهلة كدة و تحياتي لعروسة بشير و البن الحبشي الكارب.
*العزيز دورنقاس كيف حالك و كيف بت عمي و الله أنا متلوم معاكم لكن بديكم ماسنجر قريب و بعدو تلفون إن شاء الله.
*الأخ طارق حبابك و لا داعي للشكلات و الفليقات أنا جايي من حفلة بالموصلي و ماهر تاج السر معطوووووون طرب.
*مليكنا المفدى ترهاقا عشانك نسمع وردي و نقول إشريا/إشرنكيل و الكلمة التانية البعرفها بالنوبي برسلها ليك بالماسنجر!
*الرائعة..الجندرية.. بت طابت كيف حالك و الأستاذ تراث و اليمن السعيد, بي رواقة كدة وريني ليه إنت بتشبهي الفال السمح برغم أننا لم نلتق؟
*الأخت الفاضلة..آمال أم وضاح شكرآ لسؤالك يا بت العز, كيف وضاح و الأمورة؟ و كيف معرض الكتاب الإماراتي الختير؟
*الجميل السادة {جمع سيد} خالد الحاج أنا كنت في روشستر مينيسوتا بلد التآلف الإجتماعي السوداني منقطع النظير و هااادي دخلتي و الموصلي وماهر أبدعوا و التفاصيل في بوست الحفلة.
*الصحفي المحترف رجاء عباسي قريبتي, داك الليلة إتونست مع راوية زييييين و عامنأول هاتفت هدى عباسي في لندن لكن إنت بعمل ليك كونكشن عديييييل كدة في قاهرة المعز إن شاء الله.
*الأخ {الجار طابتي}عثمان حمد ود الناظر....كيف حالك و أخبار الحصاحيصا؟ ليه طولت ما بتتصل خطوط مكرونة مافي؟ تسلم للطلة.
*الأخت الكريمة آوت كاست أشكرك بحرارة على سؤالك عني و أسعد أنا بالعودة لبورد أجد به كل هذا اللطف,أهلآ و ... لك ودي.
*الدكتور أيمن جعفر كيف أيامك في مدينة الضباب؟ أرجو أن تسحب قلم الرائع محمد مرحوم الحبيب لهذا الندي فالقاريء {يحتاجه} و لا أقول إضافة فقط حتى لو بواسطة الإيميل, يا رييييييييت يا دكتور.
*دكتور مكي كيف حالك يا حبوب و ين بوستاتك الختييييرة ديك و الله إشتقنا جدآ لي كلامك الحلو.
*العزيز أسعد إبراهيم شكرآ لتلفونك و إيميلك و مشاركتك بهذا البوست و لك التحية عمومآ لعلو الهمة ألا ترى أهلها في إنقراض؟
**** *** ** * للأخ الكريم حليم تحية أخرى و للجميع تقديري و كانت حفلة روشستر بالموصلي و ماهر تاج السر أهم أسباب الغياب و كانت حاجة لا بتتوصف لا بتتكرر. قبلها كانت مشاغل السمستر الأخير في ماستر الجن دة. قبالها كان الرؤى في البورد غائمة و هناك غبار عالق في الأجواء و القيادة خطرة فآثرت إتاحة الفرصة لمستعملي الطريق المتمرسين بالحوادث و للذين لا يخشون على سياراتهم! بنهاية عطلة الربيع أتوقع أن يعود الهم الأكاديمي ليتسيد بسخف كدأبه غير عابيء بغيره من البرامج المحببة كالبورد مثلآ و لكن يبقى الأمل في الله و عطلة الصيف و...نلتقيكم إن شاء الله.
| |
|
|
|
|
|
|
Re: الطيب بشــير..تسجيل غياب (Re: haleem)
|
حليم و المتداخلين
إســـألوني ... فعندي الخبر اليقين !!!
ولكن قالوا .... سمح القول في قليم سيدو
فالطيب قادم ... و إني لأسمع صهيل قلمه آت من بعيد
فأنتظروا إني معكم من المنتظرين
=================
رجاء الغالية و حليم
شكرا لكم إذ ذكرتموني ... فقد تعددت الأسباب و الغياب واحد
الشكر للأستاذ الموصلي .. فلولا ما أتحفنا به في مينيسوتا من إبداع وفن أصيل لطال غيابي عن المنبر الذي ظللت لفترة طويلة "أعاين فيه و أبكي و أمشي و أجيه راجع "
لكم الود
| |
|
|
|
|
|
|
Re: الطيب بشــير..تسجيل غياب (Re: haleem)
|
الأخ {الحبيب} ناصرMahadi لك شكري العميق على الترحيب بعودتي أرجو أن تعود صورتك التي تذكرني بغنوة بادي محمد الطيب في وش المكن رقدوا التقول نايمين في إشارة لثبات الأنصار أمام ماكينة القتل الغادرة. عليهم السلام و لك مودتي
*haleem لا زلت أستمتع بالقراءة و عاجل الردود لكي أتمكن من العودة ل{اللياقة} تحياتي
| |
|
|
|
|
|
|
|