|
Re: فونقـــة : .. حدث ذات " هجيــر " ..... في ميدان أبي جنزيــر (Re: Ehab Eltayeb)
|
تعرف يا إيهاب الطيب .......
الناس كانت بتعمل شنو؟ كانوا بيمشوا كداري لحدي عمارة الإخوة وأبعد من ذلك عشان يركبوا دبل. مرة أنا منتظر ساعة في أبوجنزير ما قدرت أركب. قررت أمشي و أركب دبل من صينية الإتحاد الإشتراكي (حسع أسمها بقي شنو ؟ ). المهم يازول ما جاتني حافلة فاضية فواصلت لحدي داخلية تهراقا. إتخيل!!. و قفت شوية نزل واحد ، ركبت محلو. أديت الكمساري القروش وقلت ليه "ماشي وراجع". قال لي "كدي أدينا حق المشي حسع و الرجوع بنشيلو منك بعدين".. ففعلت. وصلنا أبو جنزير. وأتفآجأ بأن الحافلة ما دخلت الموقف، لفت من الصينية و علي كلزيوم (هل ما زالت موجودة؟). و ناس أبو جنزير شافوها و كسروا عليها . و أشوف ليك السواق و المساعد شغالين بي يديهم "ما راجعين يا جماعة ما راجعين". ماراج عييين ؟؟؟؟ و أنا ماشي كداري لحدي الجامعة عشان أركب دبل ، ودافع ليكم عشان تجيبوني تاني هنا !! فكأننا يازيد لا رحنا ولا جينا!!؟؟!! يا خينا زيد بتاع شنو .. كدي إتخارج لينا بالله
تعرف عملت شنو ؟
|
|
|
|
|
|