|
Re: أفيدوني يا أخواني...هل الغنم تعرف الخرم.... (Re: Hanadi Osman)
|
.. . صباح بنكهة التركش كوفي ..
تانى يا هنادى رجعنا للغنم ومحطة الكسمبر .. على العموم ما بعيد واكيد كان خرمانات شديد وراجات القعدة بالله هو الشرقرق دا لسه موجود ؟؟ عارفه انا والدتى الله يطراها بالخير للان كن ما قلت البن فى القلاية والدخاخين كتمت فى المطبخ ما بتكيف للقهوة ، ومصرة انو النسكافة وقهوة المحامص - بتاعت الحلب - دى ما بتعدل مزاجها والله مره طلتنا وعملت القهوة دى قربوا ناس الدفاع المدنى يقتحموا الشقة . نرجع للغنم والخرم .. فى سالف العصر الاوان ودتنا ظروف الهمل لمنطقة ما فى بلادى وصراحة كان الميز جنب جماعة كدا - الله يكرمك - بعملوا المريسة والعسلاية وما شابه ذلك .. طبعا بعد داك بكشحوا ( المشك) بتعرفى ( المشك) اها والله غنم الحلة كان بقيفن صف وشكل شديد ولم ما اكلن المشك مافى واحدة بتتخارج عشان كدا اخير قهوة ناس الشمالية من مشكقنا ..
تحياتى وظهرية نسكافييه
|
|
|
|
|
|
|
|
|