|
Re: بمناسبة ذكرى الاستقلال (Re: Imad El amin)
|
تعرفوا يا شباب .. انا كل عيد استقلال بتذكر شهادات التسنين ..طبعا زمان كان اول مدخل للفتي السوداني في عالم التزوير هو تزوير شهادة عدم قيد في الاحصاء عشان يطلع شهادة تسنين تطيل عمره في ملاعب الرابطة.. المهم انو اذا نظرنا الي مواضيع كتيرة من زوايا غير مطروقة ممكن نكتب تاريخنا بي طريقة قد تكون محرمة يعني ممكن نقول اننا لم ننل استقلالنا عن طريق نضال الرعيل الاول بل نلناه لاننا لم نعد نلبي حاجات المستعمر الاقتصادية خاصة بعد نمو انظمة الادارة و زيادة عدد السكان و ظهور المؤسسات وبالتالي زيادة اعداد الموظفين اي ان عائدات القطن السوداني اصبحت بالكاد تكفي تسيير دولاب العمل ..يعني ببساطة كدة حكم السودان بالنسبة للانجليز اصبح مشروع خسران.. بنفس الطريقة ممكن نقول انو العالم بدا يستمع لنداءات محرري العبيد فقط بعد ان اكتشف انو تكلفة الاستعباد غير ذات جدوي اقتصادية بالنظر الي منصرفات العبيد من اسكان و اطعام وعلاج وخلافه ..فالافضل اذا كان العبد يكلف مائة دولار ان تعتقه ثم تعينه حرا ليدير الات الحصاد بخمس و عشرين دولار .. و هكذا بهذه الطريقة يمكننا تقزيم كافة النضالات واخص هنا النضالات السلمية..و تهميش دورها المزعوم في قضايا الاستقلال و محاربة الرق و حقوق المراة و عودة اتحاد الطلاب و ما الى ذلك من الانتصارات البراقة
|
|
|
|
|
|
|
|
|