حث ذات يوم بالجامعة الاهليه ضحكات من في عمق الجراح..

حث ذات يوم بالجامعة الاهليه ضحكات من في عمق الجراح..
احفظ العديد من المغامرات المضحكة المبكية او المبكية المضحكة عن معتقلات الطلاب ونضالاتهم رغم جدية اللحظة والخوف المعشش علي العقول والنفوس حينها ولكن الارادة الصلبه والعناية الالهية تلعب دورا في خلاصهم. واعلم ان الكثيرين لديهم الكثير ليقولونه فقط علينا ان نكتب... *خرجنا ذات يوم من ايام الشدة حيث كان اتحاد الجامعة في حالة تظاهر في موضوع السكر والدقيق وغيره من اسباب الضائقه المعيشية التي انتابت العاصمة القومية في سبتمبر 95 ومعي الطالب محمد محمد ابنعوف واردنا كسر المراقبه فدخلنا منزل يقع بالقرب من الجامعة الاهلية دونما اذن ووجدنا عشرة كشتينه مدوره كان فيها باكمبا لاعب المريخ الشهير حينها وتعرفت عليه بحكم مريخيتي، المهم جلسنا بالقرب منهم بعد السلام عليهم وتابعنا القيم علي مضض هكذا هو السودان يجمع كل شئ في جلبابه وبعد ساعتين قررنا الخروج، اذكر انني ركبت احدي المركبات العامة وكان الكمساري يكورك باعلي حسه مطالبا بالتعريفه وطبعا دفعنا له التعريفه الكامله حتي لانلفت الانتباه فما كان منه ولدهشتنا الا ان صاح فينا (البص ده ما فيهوا طلبه ولا شنوا!!!) محاولا التعبير عن الماضي الخاص بنص القيمة التي دفعناها كاملة لنتحاشي نظرات الامنجيه فلفت انتباههم المهم عن طريقة ما اختلفت الحسابات ونزلنا في غير محطتنا قبل الشهداء جنب المستشفي وهرولنا ولكن الازقه لعبت دور كبير في انفصالي عن ابنعوف وتم القبض عليه، وللصدفه مرة اخري اجتمعت مع اخرين مهرولين في الاتجاه العكسي وكان من بينهم معاوية اسماعيل واشرف (غ) وثلاثه لا استحضرهم،، المهم خشينا في بيت تاني وهذه المرة كان صاحب البيت بيكوي في جلابيه وكالعادة سلمنا وخشينا الديوان بدون اتفضلوا !! وجلسنا نرقبه وهو يكوي وينظر الينا في اندهاش دون اي اسئلة او مقدمات طلبنا ماء فقال لنا المطبخ تالت اوضه علي يدك اليمين في محاولة للتعبير عن بعض استيائه الذي لم نكن نحسه عندما دخلنا فاعلمناهوا انه توجد مظاهرات بره والشارع جايط عندها رق لخالنا واندهش لانه لم يسمع بها وهذه احدي العيوب التي وقع فيها المعارضين فقد كان الشارع غير مواكب لحجم التصعيدات التي قام بها الطلاب فانسابت الثورات والتظاهرات بين الاصابع،،، المهم،،رفض معاويه دخول معانا باعتبار انحنا كتيرين وخش البيت البعدنا علي طول واتضح انوا ما فيهوا زول فقام (تلب) في البيت الوراهوا ولقي ناس البيت كلهم مجتمعين في صينة الغدا فسلم وخرج وعند الباب وجد سيد البيت او الاب بالخارج فسلم عليهوا فاندهش الاب اشدما اندهاش وانتفض من كرسيه وصاح سيد البيت يا ولدي البيت ده بابه واحد خشيت بي وين انته!؟ كانت صيحة الاب تجمع الانكسار والدهشه والغضب المهم معاويه افهمه واعتزر له ولقي قبولاً منقطع النظير من سيد البيت الذي اصبح يعتزر لمعاويه بعد ان كان معاوية يعتزر اليه واصبح يقول ليهوا (والله ما عارفين بي مظاهراتكم دي كنا مرقنا من بدري وكدي شيل نفسك واقعد شوية لحدي ما ناس الامن ديل يفوتوا وعلي بالطلاق تتغدي اول حتين تمشي) وبعد مشقه وعناء حتين قدر معاويه يفوت في حاله وكان من الناجين وفي نفسه يقول علي ما اعتقد (عشان نوع ديل يرخص كل شئ)وذهب في حاله،،، انا ومعي اشرف نسكن بالقرب من بعض في وداروا ام درمان ايضا وصلنا سالمين ابنعوف اطلق صراحه في نفس اللحظه واتجه الي اركويت الخرطوم ولكن قبل ان يصل قاطعه بوكس امن مره ثانيه وامروه بان يركب فقال ابنعوف والله قبضوني هسه واتفكيت واهوا قميصي لسه مشرط ، فما كان من بتاع الامن الا ان قال له اركب اركب ساي يا ابنعوف الناس ديلك يكونوا ساي ما عرفوك؟؟! فذهب صاحبنا الي كوبر.. (عدل بواسطة ahmed babikir on 01-16-2004, 01:09 AM)*

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]