|
|
 ..عفوا ..صورتك....غير مناسبة
|
اكثر من بوست تناول أصحابها موضوع صور (البورداب) ...بطرافة وتشويق ...
..ووالكل يعترف بأنها قد اكتسحت كل الارقام القياسية فى عدد الزوار والمداخلات ..كما ثبت للجميع ان المواضيع التى تتناول الصور ......أو الدين .....او الجنس ....تحظى بإهتمام الجماهير الغفيرة ....موضوع..الشابة الإيرانية.....والرجل الذى رقد طريح مستشفى الدايات فى الكويت ....مرورا بالكمونية .....الشيرية ...وروبى وهلمجرا ...
نجد بعض الصور الجادة ..وهى بين التكشيرة وقريبة من الضحكة شوية ...
ولكن تلك الصور التى يكاد (ينفطس ) صاحبها من الضحك ...لا يمكن ان يضعوها أصحابها وهم يؤدون واجب العزاء البوردى ......فهى تعطيك انطباع بالسرور بجوار التعليق الذى من المفترض ان ياخذ طابع الحزن أو الوقار على الاقل
...تخيل واحد ..يقول ليك إنا لله وإنا إليه راجعون وهو(ميت من الضحك)..أو احسن الله عزاكم وهو مبتسم ....
مع تحياتى لكل اصحاب الصور المشرقة بالإبتسام والضحك ...ولو حتى قدام الكاميرا بس ...
|
|
 
|
|
|
|
|
|
|
|
Re: ..عفوا ..صورتك....غير مناسبة (Re: omer almahi)
|
يا رجاء قاصدك شنو
طلق ده قاصدني عديييييييييييييل كده
لكن أقول ليك حاجة يا عمر أهن جبت ليك ضحكة تانية
ولسة باقي العيلة جاية في الطريق.
وإنت المرة الجاية لمن تمشي لي فاتحة لف خشمك بي شال
وأمشي .
| |
|
|
|
|
|
|
|
|
|
Re: ..عفوا ..صورتك....غير مناسبة (Re: omer almahi)
|
سجيمان
صديق ...يسأل ... صديق له ...لم يلتقيه منذ ..فترة طويلة ...كيفك ياخى..الجماعة كيف ...الحاجة امك كيف ..
لا والله كويسين كلهم الحمد لله
وابوك كويس
ياخى أبوى مش مات من سنتين وأنت جيت الفراش ..........
أجاب الصديق محاولا الخروج من الورطة ..الكبيرة دى
أأأأأ لالأأ ...قصدى لسة فى المقابر ديك ..ذاتها....
لك التحية أخى سجيمان
| |
|
|
|
|
|
|
|
|
|
Re: ..عفوا ..صورتك....غير مناسبة (Re: omer almahi)
|
المشرقة ..رجاء
عندى ليك إقتراح بدل ما تشيليها برا ...
ليه؟ ماتجيبى تلاتة صور ....واحدة للبوستات العامة..مشرقة مستبشرة ...وواحدة...لأمات المعارك ..يكون فيها البوووز ...مترين ...فوق مستوى سطح البورد
وواحدة ...لأداء طقوس العزاء ...ودى تكون...فيها.. العوينات... مرقرقة.... شوية
لك ودى ... الاخت جاء ...
| |
|
|
|
|
|
|
|
|
|
Re: ..عفوا ..صورتك....غير مناسبة (Re: omer almahi)
|
كبسيبة
واحد ..والدو مريض ...فى المستشفى ..أكثر من شهرين ...
لاقى ..صاحبو ...صدفة ...وعاتبو ...ولامو .....وقال لو ...أبوى راقد فى المستشفى شهرين مش عيب عليك ما تجى حتى يوم واحد ..تشوفوا
صاحبو رد على ...والله يا اخوى كنت مشغول شدييييييييييد ..وقلت بالمرة كدا أخليها ..فى الفراش ....
لك الشوق و الحب اخى كبسيبة
الرائعة راوية
عليك الله شفتى الرقيص بتاع الحلاوى ...وعشرة بلدى بتاعت خدر دى ...وقال أيه البركة فيكم ...واسكنه الله فسيح جناته ..وهو (يكشف )
شكرا للتوقة ...راوية
| |
|
|
|
|
|
|
|
|
|
Re: ..عفوا ..صورتك....غير مناسبة (Re: omer almahi)
|
الأخ عمر كثير السلام وين أراضيك يا راجل أنا رديت عليك هنا في البورد عشان ترد علينا في الإيميل يا الناسينا
| Quote: ولو حتى قدام الكاميرا بس |
نحن عندنارسمة ما صورة حكمها بيكون حكم بوستك ولا حاجة تانية
| |
|
|
|
|
|
|
|
|
|
Re: ..عفوا ..صورتك....غير مناسبة (Re: omer almahi)
|
عرفت إنك راجل حكمة بصحيح يا بشرى ...لان الطار ...مقبول جدا فى الفرح وفى البكا
لكن فى (الشكل).. دى جديدة على ...
تقصد انه بدل (المديدة حرقتنى) ؟.....أصبح مصطلح جديد الآن لو فى واحد/ة عايز منه/ا حاجة وماطلك فيها بنقوليك..(أمش دقلى طار)يعنى (زنلى فى راسو) لحدى ما يديك حقك ....ولو بكرى أبا يقبل عضويتك فى المنبر الحر ما عليك إلا (تدقلى طار فى أضانو )أقصدفى إيميلو .....ودا لو ما حريف فيهو عليك بالإتصال بزوى الإختصاص ..تمبس وخالد وراوية وباقى الشلة لزوم اللنك والوصلات وما يلزم
لك التحية عزيزى بشرى سليمان
| |
|
|
|
|
|
|
| |
omer almahi
سجيمان
Raja
Rawia
smart_ana2001
bushra suleiman
فيس بوك
تويتر
انستقرام
يوتيوب
بنتيريست