|
يا بورداب عندي مشكلة ما عارف احلها كيف
|
شغال لي في شركة فيها موظفين كتار جدا الحقيقة القسم الانا فيهو من الشركة ما فيهو ضغط عمل عالي لانه شغلنا مربوط بمواسم معينة يعني ضغط الشغل الحقيقي بيكون عندنا حوالي خمسة شهور من السنة والباقي عمل خفيف اها المشكلة انه عندنا ناس بيموتوا في الكلام وانا ما بحب النضم الكتير دا مثلا الليلة جيت الدوام الساعة ثمانية كالعادة ولحدي ثمانية ونص كنت عملت الشغل الموجود وفتحت المنبر عشان اقرا الحاصل واتابع لاني بلقي المتعة الوحيدة في مطالعة المنبر اها فتحتي للمنبر كدا جاني واحد قعد يتونس معاي او بالاحري يتكلم وانا استمع لروايات سخيفة مملة سمجة وانا اجامل فيهو اطنش شوية وافتح الصفحة يقوم يلفتني عشان هو يبرطم ويتكلم لحدي الساعة تسعة ونص حتي اتخارج مني مشيت من محلي شربت لي كباية موية لانه نشف ريقي بالصمت جاني واحد تاني مصري من قسم تاني ما عنده موضوع والله قاعد يتكلم ودايرني احسب ليهو قروش اجازته الحتطلع ليهو وهو انا ما عندي معاهو علاقة في العمل الهم الا في المجموعة نفسها وعشان افهموا اخدت ساعة وبعد انتهيت استلمني كلام وخطة حياتة للعشر سنوات القادمة بالتفصيل الزول دا يادوب اتحرك مشي بعد ما قلت الروب والله حاسي انه الجنبة اليمين الكان قاعد فيها دي انشلت من كترت الكلام .. وعلي الموال دا علي طوول انا بعتبر انه الزمن دا مهدور في الفاضي وعندي حاجات اهم من الاستماع للناس ديل ممكن اعملها وفي نفس الوقت ما بقدر احرج لي زول زميلي وما داير اكون زول ما اجتماعي لكن برضو ما داير اكون اجتماعي للدرجة دي انه اليوم كله اكون زي الركيوردر اتشحن كلام لمن الله يغفر لي ... بتصلني مراسلات يوميا اكثر من عشرين رسالة وعندي مواضيع في المنبر داير اتابعها وعندي مواضيع داير اقراها وعندي صفحات داير استفيد منها في مجال تخصصي وحاجات اهم بالنسبة لي لكن والله الموضوع دا خلاص جاب لي الضغط لكن ما عارف اتخارج منه كيف يا اريت تدونا الشورة
|
|
|
|
|
|
|
|
Re: يا بورداب عندي مشكلة ما عارف احلها كيف (Re: طه حسن عبدالله)
|
استاذنا طه تعرف والله تقلة الدم العندهم انت ما بتغباك خاصة وانت عشت معاهم العالم دي ...؟ الواحد فيهم زي مكنة السنجر حقت الخياطة لو بدأ يطقطق تاني ما بيقيف الا الكريم لو قلت ليهو عندي صداع يحكي ليك اخر حمي جاتو ويمشي يجيب ليك بندول عشان تسمع يا اخوي انا قدر ما اتحايلت عليهم لكن الناس دي عندها مشكلة مستمعين انا فكرت اقول لعمنا طلع فيز لمستمعين عشان الشغل يمشي كويس ؟
| |
|
|
|
|
|
|
Re: يا بورداب عندي مشكلة ما عارف احلها كيف (Re: بدرالدين شنا)
|
يا عمك تنقو ما اديني حل جيت اتشفيت ومشيت هاهاهاها لكن بنتلاقي في زقاق البورد دا وبعدين ما تقول لي كهربتنا قاطعة هاهاهاهاهاها
لووووووووووووول يا بدر الشين ياخي في واحدين مستعدين يدوك هوستن كامل وسيرفر بس عشان تسمع خليك من الباندوث ابو ريالات دا
| |
|
|
|
|
|
|
Re: يا بورداب عندي مشكلة ما عارف احلها كيف (Re: اساسي)
|
شكرا جميلا العزيز اساسى
زكرتنى بى نكتة "قديمة "
قالو فى خمسة سودانيين شغاليين فى السعوديه فى محل موبليات وصاحب المحل طلب منهم كل واحد يرقد فى سرير من السراير المعروضة فى المحل عشان الزوار يشاهدوا السرير على الطبيعة وكدة
ده كل الشغل المطلوب والفطور والبارد يجيهم لحدى السرير
المهم اصحابك كل يوم يجبوا من الصباح يرقدوا لى المساء اها الحكاية استمرت ستة يوم والامور عادية
فى اليوم السابع اصحابك زهجو وجو لى صاحب المحل قالو ليهو دايرين اجازة
| |
|
|
|
|
|
|
Re: يا بورداب عندي مشكلة ما عارف احلها كيف (Re: sheba)
|
لووووووول يا شيبة علي النكتة وطبعا كسل الاخوة الاشقاء السودانين دا ما كلام ساي والله شوف عين وكان ما مصدقني شرير والبرتقالة ما بعيد .. هاهاهاها تعرف العالم دي الا تشوفها حتي تصدقني قال سراير والله اكسل من السعودين يل الا الحجار
| |
|
|
|
|
|
|
Re: يا بورداب عندي مشكلة ما عارف احلها كيف (Re: اساسي)
|
لووووووول ... اساسي قلت لي اتشفيت ومشيت ... تعرف انا لمن قريت كلامك دا قلت شنو ؟ قلت بالله شوف الزول البرجوازي دا ... انا بدخل المكتب وبفتح البورد .. بفتح لي 3 او 4 مواضيع وبفصل النت .. ولحدي ما اطلع لو خلصت واحد بكون بالغت من زحمة الشغل .. تقول لي الموظفين لاخمينك ... برجوازي صغير ... لوول
| |
|
|
|
|
|
|
Re: يا بورداب عندي مشكلة ما عارف احلها كيف (Re: اساسي)
|
العزيز اساسي
صباحك خير
والله مشكلتك مشكله انت عارف انا بطلته ارفع سماعة التلفون في بيتنا عشان جنس البري ده تقوم تقول لي في الشغل كمان ....... حالتك سعبه ...........
اساسي
انت عارف انو راحة البال اهم منها مافي فيفترض انها تكون عندك في المقام الاول لانك شويه شويه ح تكره الشغل ولو كرهتو بالعربي كده حقك راااح تبقى عليك غربه وشغل .......... فيا ود امي ماتجامل انا عارفه انو الاحراج ماحلو لكن في مليون الف طريقه لتوصيل المعلومه فماتستسلم للحوار الانت غير راغب فيهو حاول حسس القدامك ده انو عندك حاجه مهمه لازم تعملا .......... وما ح تغلب ممكن مره مره تستمع لو........جاك مزاج انك تستمع ليهم لانك بالتاكيد مابتكرهم لكن الشي لمن يتكرر بيبقى ممل ناهيك عن شي يومي .............
لكن يااساسي ماقلت لي شغلكم ده وين دايره لي عقد عمل ........ لووووووول
نوف
| |
|
|
|
|
|
|
|