|
Re: مكتوب لى مقدر - النعام ادم (Re: ود العجمى)
|
يا سلاااااااااااااااااام يا ود العجمى وخالد الحاج !!!! الله يفتح عليكم !!! لكن ما فرحتونا بالنعام آدم خلاص !!! ويا حبذا لو تعقبوها بى دهب شيبون القمر المضوى الكون وا نارى انا منو !! ويا عذاب والعازب حياته عذاب حقيقة بقولها !! والله يرحم ادريس مالك الشاعر ....
| |
|
|
|
|
|
|
Re: مكتوب لى مقدر - النعام ادم (Re: خالد الحاج)
|
خالد الحاج ياجميل ـ واللـه آسف انا كنت قايل نفسي الزمن داك باتعلم في الـ(java script) ـ اتاريني كنت باتغاتت ـ وانا صراحة قفلت السايت عشان الموقع في سيرفر رسمي، وقلت لغاية ما اسوي لي موقع خاص زي الرجال ، واسوي فيهو الدايرو، لكين زي ما شايف ما لحقت اتفرغ ليهو ـ لكين لو الله مد في العمر الطمبور دا الا نلحقوا الـ (MTV) ـ حتي لو اضطريت ادقوا براي ـ
| |
|
|
|
|
|
|
Re: مكتوب لى مقدر - النعام ادم (Re: ود العجمى)
|
مكتوبلي المقدر #### | حراسو النشيط في زرعو بدَّر جَابَق حوضو ما خلاهو سَرْسَرْ سبق النجم قام تربالو فجَّر ما بيتكل سِقايتو على مَأجَّر عجوة دنقلا الدِفيقا عَمَّر خامي الموية كارب لونو حَمَّر يقوقي دَباسو فوق كَروقو زمَّر من الطير وقف حراسو شَمَّر دوسيب الجزيري الموجا دفَّر رشرش بره ونطَّ القيفة طفَّر الكُرش العرجونو جَرْجَر هو ما بيدوهو من الناس مَحَجَّر |
ود العجمي سلام التحية لذاك الرحمن الفذ والرحمة لذاك الشادي حقيقة تستوقفني الصور البلاغية الواردة في هذا السفر الرائع الذي ابتعد عن التغزل الحسي المبتذل وعمد إلى ضروب البلاغة التي جعلت ود سعد (عليه الرحمة) يزغرد في أجمل مواضع القصيدة وان كان لم يقرأ شيئاً عن البلاغة في حياته أبد ، الا أن ذلك هو احساس الفطرة السليمة فانظر معي لاستقامة القوام (جابق حوضو ما خلاهو سرسر) وكيف استخدمت كلمة (المجابقة) وهي كما تعلم (يا طير الصعيد حسب اتهام ابويسرا لك)) تعني خلع كل نبتة متطفلة زائدة قد تؤدي إلى كثافة المزروع ومن ثم ضمور سيقانه وقلة ثماره لاحقا ، وهو ما يُسمى اليوم بنظام الحمية(Diet) ، وتكتمل الصورة باستخدام كلمة (السرسرة) وهي تعني الفائض من الماء في حوض الزرع ، وهو ما يشير لضخامة الأماكن التي تُراد موزنة مضمورة لا طول فيها ولا قصر وأقلاها الخصر ، وانظر لتلك السقاية المعتنى بها والتي لا يترك امرها لأجير لا يعرف فن اللعبة ، وما أحلى تلك العجوة والتي تعني هنا (في ظني الكثر) حيث تبدأبقوام النخلة وليس الثمار نفسه وتلك الألون من أخضر وأحمر وما ترمز إليه من شفاه وخدود خجلة توردت احمرارا من الخجل ، وان أفضل أنواع الثمار هو (الكُرش) الذي يتصف بطول (عرجون سبيطه )وليونته ، ولما كان لا يشبه بقية الثمار من جاو وبركاوي يمكن شده (شربوت او جعله بت باطوس) فالتالي يولى عناية فائقة ولا يُعطى للناس (من جم)ومن ثم يكون على أمثالك (محجر) (سور في سور وسيدو معلي سورو والجيران ما قادرين يزرو والخطاب ما قادرين يقولو)، وتجد صورة نفسك وأمثالك في تحلق (الدباس) حول ثمار (الكرش) ، يجلسون فوق حجارة أركان المنازل (يصفرون) يتزرعون بانتظار مجيء صاحب الدكان ويتغنون (كقوقاي الدباس) مثلما (يرك) الدباس على (الكروق) غير مكترس لما حوله ، (يوم سل الجراب وانشق شميت لي عطورو الفاحو وجو قالو لي من وين جبتو ..طبلن مابعدي صباحو)ولكن ويحك واياهم من ذاك الحارس الذي شمر ساعديه ، (الغتيت حراسا بي فرارو يجدع )(فهي مسيكة ذاك الذي ربى خوف في كل مشرع يختف صيدتو من الطلقة أسرع)وأخيراً اترك لك (دوسيب الجزيري) وطموح الماء وماذا يعني ؟ (فقد تهت في الاشواق ولاشايف هسع ولا بسمع) إلا انني أذكر وصية ميرغني ود فرع الشام (رحمه الله) لابنه قائلاً لا تتزوج (المشرقية) فهي تعرف من وسط النخيل بقوامها الباسق واستدارته واكتماله ، كما أنها تثمر قبل ميعاد ثمار أخواتها ويتحلقها الناس من كل صوب وحدب واذا (زربتها) لا يكفي ذلك فهنالك من لا يهمه الشوك ولو كان شوك (كِـتِر) واذا غفلت (جاي او جاي) تلقى اتنين تلاته (طلعو) او كما قال ميرغني . التحية لك ولشيخ الطريقة يا ابو يسرا عند (الشرائط)
(عدل بواسطة yasiko on 02-20-2004, 06:51 AM) (عدل بواسطة yasiko on 02-20-2004, 06:52 AM) (عدل بواسطة yasiko on 02-20-2004, 04:26 PM) (عدل بواسطة yasiko on 03-05-2004, 07:50 AM)
| |
|
|
|
|
|
|
Re: مكتوب لى مقدر - النعام ادم (Re: Raja)
|
يا سلام يا رجاء وست البنات ـ المقطع دا فعلآ حار شديد ـ والزغاريد كما قيل من ود سعد وهو عازف الايقاع ـ وتقريبآ معظم تسجيلات النعام القديمة ممهورة بزغاريده ـ
ويا ياسيكو ياخي وصية العم ميرغني ود فرع الشام دي(رحمه الله) صعبة خلاس !! ــ
| |
|
|
|
|
|
|
Re: مكتوب لى مقدر - النعام ادم (Re: ود العجمى)
|
ست البنات تامرى يا ستى بس خالد ابا دا يشد حيلو معاى شوية منير والله الموقع دا انا يمكن بازورو يوميا واتحايلت عليه رغم انو . غفيرو لاوى راسو واضانو صمة لكن اخوك عارف اساليبكم زى ما قال خالد ابا عموما الموقع جميل جدا . ولو داير اى مواد خام نحن فى الخدمة
راوية الغنا النابع من الوجدان الصادق لا يعرف حدود جغرافية او تاريخية او لغوية تسلمى يا زوق منصورى وكمال عباس افضل نعملو بعد سماع الكلام الطيب دا انو نترحم على ارواح الناس المبدعة دى رجاء والزنجى
تسلموا . الزنجى راجع الماسنجر نسيبتى بركة بالشوفة سجيمان زمان كان الناس ما بتجيب سيرة المحبوبة اكراما لها وخوفة من اهلها . هسى بقن هن زاتن يغنن . عشان كدا الغنا بقى سجيمان .وما عندو طعم تماضر انت شايقى وكل حاجه شايقى عرفناها
قالوا جدنا جاء مع الاتراك وسمع غنا الطنابرة وقعد واتزوج من ناس البلد . وهسى ان شفتى خلق احفادو الله لا وراك واحدين سمر وعيونهم عيون كدايس واحدين شقر وعيونهم عسلية شفتى التهجين دا كيف؟؟ ست البنات الغنية لمست فيك عمق مليونى اظنها تسلمى تانى يا سيكو يا طير الصعيد الماليزى الاروتى الامريكى التربال باجيك راجع كلامك زين ولا يخلو من اجتهاك كتب يعنى طير صعيد زيك زى ابوعثمان باجيك صاد ديامى تسلم يا مرهف والزغرودة زى ما قالوا طير الصعيد ديل فعلا لود سعد وحتلاقيك كثير لو تابعت غنا النعام
| |
|
|
|
|
|
|
Re: مكتوب لى مقدر - النعام ادم (Re: ود العجمى)
|
Quote: دا شنو دا يا ود العجمي؟؟ ـ انت بحت الصفحة دي من وين آآ المسلط ؟؟!! اها سيد السايت جاكم ـ انا ياخي دفنت الصفحة دي زمان ونسيتها ، اتاريك انت شغال متاوقة ومعافرة بي هناك ؟؟ !!! |
الليلة المنير فاجأنا بان دا الفوح عبير غمر المكان شوفتو نادري ونحن جيران إلا صدفة ويوم في الزمان دي فيها ايه لو كان لو كان قلبو لاااان ادى دارنا طلة ما نحن الأمان
منير سلام انت ماك عارف ود العجمي من آل (فصيلة) الكوليت يبحت المغتغت ولله في عجمه امور نرجو تحديث الصفحة
| |
|
|
|
|
|
|
Re: مكتوب لى مقدر - النعام ادم (Re: yasiko)
|
يا سلام علي النعام ادم ويا سلام علي حسن الدابي . بالله كل بيئتنا وعاداتنا وتقاليدنا وزراعتنا وكلامنا الحنيين فى هذه الاغنية الجميلة . فتحت جرحنا المعورياخى نشكرك ونطالب بالمزيد
| |
|
|
|
|
|
|
Re: مكتوب لى مقدر - النعام ادم (Re: yasiko)
|
ياسيكو يا ممكون وصابر ـ انا شايفك ومتابعك وعارف ان الطمبور قاطع فيك عرق ـ الله يصبرك ـ وبالمناسبة اغنية المنير فاجأنا بان دي من احب الاغاني الي، لاته كان خالي دايمآ يحيني بيها وانا صغير ـ ياريت لو واحد اتحفنا بيها من صديق احمد او عثمان اليمني حتي ــ وبالمناسبة نحي كل الكوكبة التي ساهمت في اخراج اغنية الطمبور لينا بصورتها الكاملة في الاذاعة والتلفزيون منذ زمن ربوع السودان ـ واذكر منهم افراد الكورس الرواد ناس عوض سعد، محمدعواد، مصطفي سعد، محي الدين عبد الوهاب، محمد ابنعوف، عثمان حمد، عبدالخالق حاج ابراهيم و..و.. كثيرين ممن لا استطيع حصرهم ـ وياريت تذكروا منهم البتعرفوهم ـ بالنسبة لتجديد السايت اتمني ان استطيع اتفرغ ليهو في موقع خاص عشان الواحد يتفسح فيهو كويس ـ اصلو انا شايف ان ايقاع الدليب دا هو الحلقة الرايحة للايقاعات العالمية ـ
| |
|
|
|
|
|
|
Re: مكتوب لى مقدر - النعام ادم (Re: ود العجمى)
|
ياسيكو سلام يا رائع وأخيراً اترك لك (دوسيب الجزيري) وطموح الماء وماذا يعني ؟ (فقد تهت في الاشواق ولاشايف هسع ولا بسمع) زمان يا ياسيكو كانوا بيغنوا بيرقصوا العروس باغنية الدوسيب كدى يا عروسنا الخضرة فوسيب كدى يا عروسنا والدوسيب هو خضار او نبات مرغوب فيه .وانت اعلم بحال الخضار فى الجزر. لكن هناك كلمة ياخى التى جعل منها النعام محورا للاغنية استمع اليها جيدا (يا امريكى انت) الا تتفق معى بانها لخصت الاستغاثة فى اعمق حالاتها ؟ والشكوى والحميمية . لو كانت هناك اى كلمة غيرها (اذا اعتبرنا انها كلمة) لن تودى مفعول ياخى بهذه الروعة وانظر الى النعام وصوته خصوصا فى ياخى كيف ينهى بها المسمع ثم انظر كيف يمهد للمسمع الثانى فى الاغنية . هيييي . ثم وصلة طمبور قصيرة وبعدها يدخل بى حبو ابتلانى على تجسر زى الهانى فى افكارى اثر الشاعر لم يقل الهانى فى افكارى اثر بل ادخل (زى) وهذا كما تعلم يعنى ان الشاعر يريد ان يحتفظ بثباته لاعتبارات كثيرة . فقد جعل الحب مكتوب له مقدر . اى انه شى قدرى . وانت تعلم ان الحب عند اهلنا جريمة لذلك لجا الشاعر للبلاغة التى تحدثت عنها فى مداخلتك السابقة فابدعت في توضيحها. نعود لزى التى وضعت هنا لاظهار محافظة المحب على كيانه . فطالما ان الحب مقدر لا مفر منه الا ان المحب ظل يقاوم ليحافظ على ما تبقى من افكاره. وهذا ما وضحته لنا عبارة زى. ولكى يزيد فى التبرير لوقعته مضى يصف المحبوب ولعل زغرودة ودسعد اتت اضافة الى الصور البلاغية اتت لهذا النزاع بين الصمود والهلاك القادم . وهنا يريد الشاعر ان يورطنا معه فى هذا الحب النبيل وبعد ان تاكد من هذا يمضى فى الوصف بصورة اكثر جراءة ولكنها لا تخرج عن حدود الزوق الرفيع والادب الجم.فكثيرا ما يدخل الشعراء المستمعين معهم فى حالاتهم العاطفية مثل ما فعلت امراة العزيز بالنساء عندما قلن امراة العزيز تراود فتاها . فكانما الشعراء يخافون ان نقول الشاعر فلان فقد وقاره وراء المحبوبة وانت اعلم منى بطبيعة الشعراء والتصاقهم بالمجتمع الريفى فى الزراعة وجلسات الرملة فهم على اى حال ليسوا معزولين عن المجتمع ابدا. ثم بعد ان تاكد من تجاوبنا مع حالته اخذ يتحدث مع المحبوبة وليس عنها . فدخل على القالك نسيناك غشى زور نحن كيفن ننسى حبا جرحو غور واشك فى ان القصيدة والتمهيد فى مطلعها وصدرها كتبت خصيصا ليقول الشاعر هذين البيتين الاخيرين . ولا رايك شنو يا امريكى انت ؟ ما اريد قوله هو ان هذه الاغنية مليئة بتفاصيل الابداع فى الطمبور واللحن والصوت والكلمة فكانما المغنى والشاعر كانا على رهان ابداعى نحن المستفيدين منه طبعا.
| |
|
|
|
|
|
|
Re: مكتوب لى مقدر - النعام ادم (Re: doma)
|
كان ذلك حين كنت في الخامسة عشرة.. توجهنا باللواري من أمدرمان ..في الخامسة مساء لنصل قشابي في السادسة صباحا ..حسب مواعيد من لم يركبوا مع علي كمسة أو أبوشنيب.. فهؤلاء يصلون قبل ذلك .. تحمل اللواري شوالات محاصيل الصعيد لتعود بشوالات التمر من السافل.. وهذه الشوالات لها وظيفة أخري .. اذ تجعلنا نحن الركاب في راحة من عناء هذه الرحلة الطويلة.. وقبيل الدخول في (أبوضلوع) تجمعت كل اللواري كالعادة ليتعاون المساعدية في رمي الصاجات لتعبر اللواري من وحل (أبوضلوع)... كان الوقت ليلا.. والبدر يبهل ضوؤه في سخاء وانكسار نسائم تلك الصحراء..شئ يدخل في نفسك و كأنك تألف ذلك المكان وليس مكانا عابرا.. تجمعت اللواري وفجأة حصل ضجيج يعلن لنا أن النعام هنا معنا.. صرف الكل مواصلة الرحلة للتأكد من ذلك .. فوجدوه ومعه فرقته.. فعملوا دائرة وأضيئت فوانيس اللواري .. وبصوته الرخيم كان يشق صمت تلك الصحراء ويحمس الصفقة والرقص.. رقصت النساء وصفق الشباب .. فكان حفلا رائعا مدهشا .. فما كان لابائنا الا قبوله..
| |
|
|
|
|
|
|
Re: مكتوب لى مقدر - النعام ادم (Re: ود العجمى)
|
.. Quote: فعملوا دائرة وأضيئت فوانيس اللواري .. وبصوته الرخيم كان يشق صمت تلك الصحراء ويحمس الصفقة والرقص.. رقصت النساء وصفق الشباب .. فكان حفلا رائعا مدهشا |
التهنئة موصولة لـ"ابوضلوع" باثر رجعي بمناسبة زواجه من جميع غواني (لواري) الشمال دون حساب وان شاء الله بيت ظلط وقهاوى حديثة
التحية لك اخي الفكي وأعرف انك تكتنز الكثير فأخشى أن تُكوى به اصابعك إذا لم تبوح لك الود
| |
|
|
|
|
|
|
Re: مكتوب لى مقدر - النعام ادم (Re: yasiko)
|
أخونا العجمي نشكرك علي هذا الاختيار الاخ يسن الغريبة بمناسبة القهاوي دي.. مرة اتأخرنا لحد الضهر في الخلاء.. واللوري غشى بينا قهوة الخشب.. بالشباك قلت لصاحبها عندك بيبسي..واترددت كتير جدا لاني كنت عارفو ساخن ومابتشرب .. ناولني القزازة ولمستها باردة جدا ..قلت معقول الشوال المبلول بالموية يبرد الببسي للدرجة دي.. دخلت جوه لقيت التلاجة شغالة .. قلت ليهو التلاجة دي شغاله بي جاز .. قال لي لا بالشمش.. وفعلا مرقت بره .. وشفت صاج أسود ضخم لتجميع الطاقة الشمسية.. قلت ليهو العمل ده منو ياشقي ..(وكان الولد في عمرنا) .. قال لي خواجات مروا بي هنا ..
| |
|
|
|
|
|
|
Re: مكتوب لى مقدر - النعام ادم (Re: ود العجمى)
|
فيكم الخير ممكن تسمعونا بت البلد ـ محمد جبارة+ السر عثمان ... سر غرامك محمد كرم اللة + السر كنة أرجوا يتمكن أحد الاخوة بامتاعنا بملحمة بت البلد ففيها عمق وشجن وقصة حب ضائعة تكسرت تحت أمواج تعنت الاب وأعقبها الضياع والتشرد كمال
| |
|
|
|
|
|
|
|