|
سأحمل في راحتيَّ الرحيق .. أعود وفوق جبيني المدى
|
أحد عشر سبباً للرجوع علاء الدين شاموق
لأن الطيور تعود شتاءً لتهرب من أرضها الماطرة
لأن الشتاء كئيب هنا وصيف الحبيبة في الذاكرة
لأني سئمت نجوم السماء سئمت ابتسامتها الماكرة
لأن حبيبة قلبي هناك تعد الليالي معي ساهرة
لأني رحلت إلى المستحيل فلابد من وقفةٍ .. فالإياب
لأن ليالي الشتاء مريرة ومنها أقاسي صنوف العذاب
لأن المراكب قد تستقيل ! فأبقى سجيناً بهذا السراب
لأني إذا ما بقيت هنا سأدمن شيئاً يسمى الغياب
لأني أفتش عن زهرةٍ تشعُّ عبيراً وبعض شذى
لأن ملائكةً في السماء تغني .. ونسمع نحن الصدى
لأن زهور الربيع الصغيرة تسائل : أين تراه الندى ؟
سأحمل في راحتيَّ الرحيق أعود وفوق جبيني المدى
أدوزن وقع الخطى المتباين وفق طقوس المكان الجديد
وأقرع أجراس كل المدائن أجعل حزن المواسم عيد
فحيناً أكفُّ .. وحيناً أبوح ..
وحيناً ينوح الزمان العنيد
يناير 2004
|
|
|
|
|
|
|
|
Re: سأحمل في راحتيَّ الرحيق .. أعود وفوق جبيني المدى (Re: hamid hajer)
|
ستبقى فينا يا ود شاموق .. رغم ما شحـت به الفرصة من لقاء
لأن الطيور لا تنسى أعشاشها.. التي سكنتها.. ولون المسـاء
لأن الشتاء بعده يأتي الربيع .. فيرحــل الصقيع.. وتضيء السماء لأنك تركت فى سجل الشروق .. تاريخا يهزم .. الضباب.. والغياب .. والغروب
لأن ملائكة الرحيل قد غنت .. فطربت الأرايل .. والأصائل .. والحدود
لأن صحارينا لا تزال تتعلق وجدا .. بأزهار الربيع الراحلة بالندى ..
وفى المدى يمتد المدى والشوق نارا تؤججها المسافة والصدى ..
التحية لك وللمخلصين فى الأرض .. والراحلين على ريح الصبـا
صـلاح / شتات
| |
|
|
|
|
|
|
Re: سأحمل في راحتيَّ الرحيق .. أعود وفوق جبيني المدى (Re: ود شاموق)
|
في أمان الله يا قريبي ،،،
....
ليتك قلتها من زمان ....
وليتنا فهمناها قبل فوات الأوان
فقد شربنا كأس الغربة ...
وسكرنا حتى الثمالة ...
فصرنا نتسكع بين حاناتها ...
ونترنح في أزقتها المظلمة الرطبة ...
وأدمنا البعد فقست قلوبنا ...
عزائنا أن الإبداع ليس له حدود جغرافية
وسنعيش مع كلماتك المتجددة ما حيينا
الشايقي....
...
| |
|
|
|
|
|
|
Re: سأحمل في راحتيَّ الرحيق .. أعود وفوق جبيني المدى (Re: Al-Shaygi)
|
رجع البلد بعد السنين المره .. يا دوب العيون سهرن هجد ..
العزيز علاء الدين
عزانا أنك تعود لأرض الوطن .. لأهلك وناسك .. ونقول لك .. سوف يأتون .. وسوف نأتي .. وفي ايدينا غصن زيتون أخضر .. ـــــــــــــــــــــــــــــــــ سأحمل في راحتيَّ الرحيق أعود وفوق جبيني المدى ـــــــــــــــــــــــــــــــــ تصحبك السلامة يا صاحبي ..
| |
|
|
|
|
|
|
Re: سأحمل في راحتيَّ الرحيق .. أعود وفوق جبيني المدى (Re: ود شاموق)
|
عزيزي ود شاموق اكيد حنتلاقى
هنا ولا هناك كلو واحد ..المهم حسن الخاتمة ..
يا خوانا
ود شاموق عندو مرسيدس بنز
ومغندل واهلو مرطبين في السودان
زولا كان شفتو شكلو تقولو ود حور .. لاقيتو في لقاء بورداب الرياض حتى خجلت من شكلي
ولونو فاتح ومندي
ودقنو دقن اولاد العز لامن ما تتهذب .. هديماتو استايل والجنز ماركة ..
سبب واحد يخليهو ما يرجع مافي
تمنو له الخير واتركوه يعود ..
والله انا لامن لاقيتو ما تخيلتو كما لاقيتو..
ذولا خجول وناير .. القاعد ليها شنو
ده لو رجع بلقى عروس طوالي
| |
|
|
|
|
|
|
Re: سأحمل في راحتيَّ الرحيق .. أعود وفوق جبيني المدى (Re: DKEEN)
|
يعني زول املس وعنده مارسيدس واهله حنافلة يا دكين؟ والله عيب عليك القعاد القعدته دا كله الغربة دي لي زي ناس دكين الاغبش المافي زول طاريهو وبي مواصفاتك القلتها دي عن الولد الحنفولي دا بيلقي صرفته كاملة من العروسات هناك يعني ممكن ياخدن الاربعة في حفلة وزفة واحدة اصلو البنات في السودان بقن كتار وسمحات ومهرهم رخيص بدل يعد النجوم هو وزولته القديمة براهم يعدوها هم الخمسة انا الجنا دا يوم دواسكم داك قايلوا زيك اتكلمت معاهو بالتلفون وحاة الله ما فضل لي الا اعتذر ليهو من حسي المقروش الازعجته بيه في التلفون من ادبه وتهذيبه انت يا دكين قال العالم دي كلها جاية الغربة شماشة زيك في اختراع اسمه ناس اولاد ناس والزيك انت يا دكين مفروض يحمد ربه لانه عايش لاسع في الدنيا ربنا يخضر ليك طريقك يا علاء ويديك بنات الحلال الاربعة
| |
|
|
|
|
|
|
Re: سأحمل في راحتيَّ الرحيق .. أعود وفوق جبيني المدى (Re: ود شاموق)
|
ياخوانا دا كلام شنو دا ... كتبتا ليكم رد أربعة صفحات وفجأة لقيتو اتبخر .. دي شكلها لعنة توت عنخآمون ما مشكلة نبدأ تاني ..........
أبو جهينة : الرد الفات كان 10 سطور، هسع كيفنك ! وزي ما بقول ود الشيخ : كل سنة وانتا طيب، تاني إلا يوم الخميس أقدر أقول ليك كلام سمح زي الكتبتو واتمسح داك.
وانتا زاتك يا حامد الرد الشالوا الهوا، كان كتير ما بيتكرر، برضو كيفنك ! وأعتز بك وبمعرفتك الجميلة، يا ابن كتم الجميل.
شتات : والله مزعلني ردي الرديتو ليك، لأنو كان قطعة أدبية، لكن ما مشكلة أعيدو تاني، ولا أدري لماذا أتذكر قصيدة أبو البقاء : لكل شيء إذا ما تم نقصان .... يبدو أن الزمن بدل الضايع الذي عرفنا فيه بعضنا البعض عن قرب، وقطعنا في الناس فيهو، كان خير من ألف لقاء وألف معرفة سابقة، ستبقى الذكرى والوصال بيننا ما حيينا.
دكتور ياسر، تحياتي وأشواقي، شاكر لكلماتك الجميلة، ويشرفني مرورك عليها، شاكر زيارتك يا رائع.
الشايقي ، البركة في عرفة الناس، والحمد لله الناس اتلاقت في غربتهم البعيدة دي، نتلاقى في ساعة خير في أحد الأوطان الجميلة، وموعدنا الخميس.
معتصم ازيك يا حبيب، الخميس الخميس، عشان أقول ليك الكلام الاتكتب واتمسح.
دكين الجميل .. يا عشا البايتات القوا، جبت لي الهبوب الله يديك العافية، ودا حالتي حكيت ليك عن جيراننا البيقرو بي نور عربية أبوهم، لكن شكراً على الدعاية (لوووول) .. موعدنا الخميس قائم عشان أحكي ليك حكاية جيراننا التانين الما عندهم سقف في بيتهم.
أربعة يا أساسي ! الليلة شيل شيلتك مع الجندريات وزعيمتهم أماني، ياخوي بيني وبينك واحدة كتيرة، أربعة كيف ؟ كدي جرب انتا وكان لقيت القصة نافعة قول عوك. تحياتي لك يا ناضر الوجدان، ونتلاقى في ساعة خير.
.
| |
|
|
|
|
|
|
Re: سأحمل في راحتيَّ الرحيق .. أعود وفوق جبيني المدى (Re: Elmosley)
|
طبعاً ياود شاموق انا مزنوق زنقة العدو وشايفك مشيت قومت لي الغبار بغادي .. لكن عادي يوم الخميس تشوف مدني وين وتخلي يحضر وداعك وبعدين دكين عندو جزء من رواية محمد المكي ابراهيم آخر العبابسة تجيبها معاك ودي كلو قوم والقصيدة قوم تاني يا صديقي ودي بناقشها بعدين لمن تجي ونتلاقا شفت الهواء ده كيف
| |
|
|
|
|
|
|
Re: سأحمل في راحتيَّ الرحيق .. أعود وفوق جبيني المدى (Re: ود شاموق)
|
ود شاموق
رغم قصر المدة التي ضمتنا معك ولكن فراقك سيترك فراغا عريض بورداب الرياض سيفقدوك
سيفقدون ذكريات ايام جميلة بسمات مناقشات آراء مناكفات ولكنها الحياة -------------------- ود شاموق لا تغرق أكثر عد الى السودان نحن أدمنا الغرق ولكنا ذات يوم سنتخذ نفس قراراك حتماُ سيأتي ذلك اليوم ------------------------- وعندما سنلتقى سنحكى لبعض ما فعلته الغربة فينا يكفى اننا فقدنا التواصل الاسري فقدنا تواصل الاصدقاء فقدنا نسمة الوطن ------------------ نحن اصبحنا آلة من ضمن الآلات
نلهث ونلهث ونلهث ولكنه السراب
سنطارد السراب .. ونقنع أنفسنا ... ونصدق أنفسنا ..
| |
|
|
|
|
|
|
Re: سأحمل في راحتيَّ الرحيق .. أعود وفوق جبيني المدى (Re: ود شاموق)
|
ود شاموق
لا شك انك فقد عظيم لبورداب الرياض ... و فى الأعم : بورداب السعودية
لكن العزاء انك ستلتحف " وعد " المنى و " تهمر " سحائبك بارض " خصبة الفؤاد " و تروى حروفك " ضرع " المحنة الذى يتدلى من " خصلة " الحبوبة المعروقة اليدين.
فى العراء " اطلق " ساق " خيالك " و اصطدم " بمنحى " الحب ... عند نهاية " الروح " و بين " طياتها "
ائتئد.... و لا تبالى ... و ارسل لنا اشعارك
هنيئآ لمن ينتظروك عند ملتقى " النهر " .
| |
|
|
|
|
|
|
|